Néhémie 9:32 - Ma Zhiklè

³² Anai Zhiklè nga, Zhiklè mbiaʼa, man wuɗi na zhè, wuɗitpa, man ka gi ara man ka derzla ma te pombai. Ka rka matakwan tèlèba man a ga nga, a bihi nga, a wud bihi nga, a ndohi mvi skwi a Zhiklè nga, a ndohi nhadka ma, babhi nga, a ndohi ngaya tèlèba, daga pats man bihi Assyrie ta zhè, ha patsna, ara skwi ambali genè ɓai.

Néhémie 9:32 ပူးပေါင်းရင်းမြစ်များ

I Rois 8:23

a ngaɗa: Ndo nzi pèc pècèk, Zhiklè Israel! Zhiklè ngar ka azɓai, ko te zhiklè te géɗèʼa, ko tʼherkeda, man ka derzla ma, a ka va ta pombai a ɓèlèlihi ngaya man ta da jèjèr ka a ndav tèlèba.

II Rois 15:19

Te ndev nasa, Pul, bi Assyrie, a shkè a ngu var a kokwar. Menahem a mva na Suli 1.000, 1.000, 1.000 a Pul, da takaha aman a ngècè wuɗi bai.

II Rois 15:29

A pats man Pékach a ngu bi te Israel, Tiglath-Piléser, bi Assyrie, a mshkè, a nceda Ijjon, Abel-Beth-Maaca, Janoach, Kédesh, Hatsor, Galaad a Galilée, herkeda Nephthali tèlèba, a ma, a nhel ta ndohi kokwar a ɓèlè a kokwar Assyrie.

II Rois 17:23

ha Ndo nzi pèc pècèk a ndzam ta auda a sam di na dra, ara man a nguv ta te ma ndohi nhadka ma, ɓèlèlihi nengaʼa tèlèba, a ndohi Assyrie ta hel ta ndohi Israel a ɓèlè, ha patsna.

II Rois 17:3

Salmanasar, bi Assyrie, a ndo a nda gi var a vna, a Osée a nʼnga va na a ɓèl bai, a mpa na mpil gèɗ.

II Rois 17:6

Te mvi bi Osée 9, bi Assyrie a nduma Samarie, a nhel ta ndohi Israel a ɓèlè a kokwar Assyrie, a mpe ta a kokwar Chalach, a za Chabor, a woyam Gozan, a kokwarhi mbimbihiaʼa te Mèdes.

II Rois 23:29

Te ndev nasa, Pharaon Néco, bi Egypte, a mshkè a nda gi var a bi Assyrie, a ma woyam Euphrate. A bi Josias a mshkè, aman ta zli gèɗ a ta gi var. Aman Pharaon a nrkaʼa, a nkeɗaʼa te Meguiddo.

II Rois 25:7

Ta bazl ta wudahi Sédécias a sam di nengaʼa, a ta tuzko na di auda a nengaʼa, a ta dzawa a cèlèlèu züdo cèw, a ta daʼa kokwar Babylone.

Esdras 4:10

a njèkèɗi ndohi man Osnappar, bi mbiaʼa, mwuɗitpa, a nhel ta, a mpe ta a kokwar Samarie a kok war ngiɗè te wud woyam…

Esdras 4:2

A ta shkè a sam Zorobabel, a sam tsuvom ndohai, a ta gaɗa ta: Nga woy a nga rèm gi a nda kinè. Nga tsi ri a Zhiklè lèmèlèmè ara kinè, nga va na skwi daga man Esar-Haddon, bi Assyrie, a nhelka nga a haha.

Esdras 9:13

A géɗ skwi tèlèba man a shkè a géɗ nga, a géɗ skwi man ambaɓai man nga gau, a géɗ mali nga mbiaʼa, ka Zhiklè nga, ka ga nga kita mbiaʼa ara mali nga ɓai, a ka jèka nga ndohi haha man ta menkada deɓa te ɓèlè.

Néhémie 1:5

I gaɗa: Ka Ndo nzi pèc pècèk, Zhiklè te zhiklè te géɗèʼa, Zhiklè mbiaʼa, mwuɗitpa, man ka prè nderzlè-ma te pombai a nda ndohi man ta woya a ta jèjèr ma nkwèr ngaya, azɓai.

Psaumes 47:2

Kin ndohi herkeda tèlèba, va-tsu ri tototoʼa, vo-slubordo Bi Zhiklè a ntsi ri ngummaʼa!

Psaumes 66:3

Va-gaɗa na Bi Zhiklè: Skwi man ka giaʼa, wuɗitpa! Mayamhi ngaya ta slebarde ka, a géɗ wuɗi ngaya mbiaʼa.

Psaumes 66:5

Vo-washkè, va-war skwi man Bi Zhiklè a giaʼa, man a gi skwi mwuɗitpa a sam ndohi herkeda.

Exode 18:8

A Moise a nʼngra na mèsh na skwi tèlèba man Ndo nzi pèc pècèk a ga na Pharaon a ndohi Egypte, a géɗ Israel, matakwan tèlèba man a ga ta a civèɗ, ara man Ndo nzi pèc pècèk a pra ta auda te vaʼa.

Esaie 9:6

Kokwar-bi nengaʼa a da gi a mbiaʼa, a gumi a sam nʼnzi bi David, gumi te kokwar-bi nengaʼa tèlèba, a zhè a mèdèp; aman nengaʼa a da tilèʼa, a va na wuɗai te kita, te ngi-zuraʼa, a hinè antanta, a ndè a ma ma a mèdèp. Srak Zhiklè bi mbiaʼa a da gi arsa.

Daniel 9:4

a i tsu ri a Ndo nzi pèc pècèk, Zhiklè ga, a i nju ma, a i gada: Wa, Bi Zhiklè mbiaʼa, mwuɗitpa, man ka ɓer nderzlè-ma a sam ndohi man ta woy ka a ta jèjèr ma nkwèr ngaya, a ta se ka te va.

Daniel 9:6

Nga fa gèɗ a ma ndohi nhadka ma, ɓèlèlihi ngaya, ɓai, man ta gada ta bihi nga a tsuvomhi nga a bababhi nga a ndohi herkeda tèlèba a nzlembaɗ ngaya.

Daniel 9:8

Ndo nzi pèc pècèk, hori a di nga, a di bihi nga, a di tsuvomhi nga, a bababhi nga, a gèɗ man nga gu mali a sam ngaya.

Lèv. 26:18

Aman ko gar haha kin gi mèdègèɗ a sam ga genè, i ga kinè kita holholaʼa, sak tsaraɗ, a gèɗ mali kinè.

Lèv. 26:21

Aman kin salay va a gèɗ, a kin gi mèdègèd a sam ga, i ga kinè matakwan a vaʼa sak tsaraɗ, ara mali kine.

Lèv. 26:24

i ba i Sala kinè va a gèɗ, a i ga kinè matakwan, sak tsaraɗ, a gèɗ mali kinè.

Lèv. 26:28

i woy a i gi ndav a géɗ kinè, a i ngeza kinè, sak tsaraɗ, a géɗ mali kinè.

Deutéronome 7:12

Aman kin da tsena ma kita haha, a kin da jèjèrèʼa, a kin gu arsa, Ndo nzi pèc pècèk, Zhiklè kinè a da jèjèr nderzlè-ma na, a va kinè pombai man a mbaɗa ta a babhi kine.

Deutéronome 7:13

A da woy kinè, a pshè kinè ma, a kin mènè a ma ma. Kin da yi wudahi kumba; ny i skwi te kokwar kinè, nyi wof, dau a barassa a mbar a da gi kumba; wud zlè a wud tambak ta mènè kumba, te kokwar man a da va kinè, man a mbaɗa ta babhi kinè.

Deutéronome 7:21

Kin gudzu a sam tengaʼa ɓai, te man Ndo nzi pèc pècèk, Zhiklè kinè, a zhè te ndev kinè, Zhiklè mbiaʼa, mwuɗitpa!

Deutéronome 7:9

Gar haha sèi kin suna, Ndo nzi pèc pècèk, Zhiklè kinè, nlèɓèslèa, man a jèjèr nderzlè-ma nengaʼa. A tengaʼa man ta woyaʼa, a ta jèjèr ma nkwèr nengaʼa, a va ta pombai, ha a ndikè a verzi wud wud ta a gi 1.000.