Néhémie 9:29 - Ma Zhiklè

²⁹ Ka ngatsa ta maya, ka woy a ka helka ta a deɓa a sam ma kita ngaya. Aman tengaʼa ta gre gèɗ, ta tsena ma kita a ma nkwèr ngaya bai. Ta gu malai a sam ma man a va na nshèffè a ndo man a jèjèrèʼa. Ta gu ma, ta Sala va ta, a ta gu mèdègèɗ, ta woy a ta cinè ɓai.

Néhémie 9:29 ပူးပေါင်းရင်းမြစ်များ

II Rois 17:13

Aman Ndo nzi pèc pècèk a mbid ta ndohi Israel a Juda a deɓa a ma ndohi nhadka ma nengaʼa tèlèba, a ndohi nsun skwi tèlèba, a ngaɗa: Vo-ngwodko ndav kinè te civèɗ kinè man ambaɓiaʼa, va-dzodzor ma nkwèr ga, ma man i de kinè a vna, ara ma kita tèlèba man i njè ta a gèɗ babhi kinè, a i zlündo a sam kinè a ma ndohi nhadka ma, ɓèlèlihi ga.

II Rois 17:14

Aman ta tsena gèɗ ɓai, ta sassaya ndav ta, lèmèlèmè ara man babhi tengaʼa ta gau, man ta fa gèɗ a ma Ndo nzi pèc pècèk, Zhiklè tengaʼa, ɓai.

II Chroniques 24:19

Ndo nzi pèc pècèk a nzlündo ndohi nhadka ma a sam ta, aman ta helka ta a deɓa a sam na. Aman ta tsena ɓai, ta ca ma tengaʼa ɓai.

II Chroniques 33:10

Ndo nzi pèc pècèk a ngaɗa na Manassé a ndohi nengaʼa. Aman ta fa na zlembaɗ ɓai.

II Chroniques 36:15

Ndo nzi pèc pècèk, Zhiklè babhi ta, a nʼngatsa ta maya a ndohi sak na, pèc pècèk, a woya a ngedassa ndohi na a gi Zhiklè na ɓai.

Néhémie 13:15

Te ndev nasa i rka ndohi Juda, man ta kèl skwi te klok a pats nshèk va Zhiklè, man ta nderhè dau a ngwai a deɓ kdèh, a iyam nyi wof, nyi wof, kslor, a skwi tsaɗ tsaɗ, a ta hulkoda a kokwar Jérusalem a pats nshèk va. A i ga ta ndzoan, a pats man ta prè skwi nʼndai.

Néhémie 9:10

Ka ngreda skwi mbiaʼa auda, a ka gu nrkedai a sam Pharaon, a sam ndohi mizlinè nengaʼa, a sam ndohi kokwar nengaʼa tèlèba, te man ka suna, skwi man ta ga ta, ta gu a shèwa. A ka ga nzlembaɗ ngaya a mbiaʼa, ara man a zhè a patsna.

Néhémie 9:16

Aman tengaʼa, babhi nga, ta gro gèɗ, ta Sala va ta, ta gu mèdègèɗ a sam ma nkwèr ngaya.

Néhémie 9:26

Aman ta gu mèdègèɗ, a ta slambaɗa ka va. Ta kwola ma kita ngaya, ta bazl ta ndohi nhadka ma man ta bidka ta a deɓa, a ta derde ka kumba.

Néhémie 9:30

Mvi kumba ka zhèrè genè, ka zhèrè genè, ka ngatsa ta maya a Mèzhèɓ ngaya, te ma ndohi nhadka ma, aman ta tsena ɓai. Te deɓaʼa ka pe ta a ri ndohi herkeda ngiɗè.

Exode 10:3

A Moise a Aaron to do a sam Pharaon a ta gada na: Ndo nzi pèc pècèk, Zhiklè ndohi Hébreu, a gada: Ta ngèmè ka woy a ka manda gèɗ ngaya a hi azɓai a sam ga? Va ta civèɗ a ndohi ga, a ta da slèbèrdyè!

Jérémie 17:23

Aman ta tsena ɓai, ta fa zlembaɗ ɓai, ta sassaya di ta, ta woy a ta tsena ɓai, ta woy a ta cè ma man i njè ta ɓai.

Jérémie 19:15

Gar haha, Zhiklè bi mbiaʼa, Zhiklè Israel, a gaɗa: Na haha i da ga na matakwan tèlèba a kokwar haha, a kokwar man a tsagiaʼa, man i guv ta a vna, a géɗ man ta ndohi mèdègèɗ, a ta tsena ma ga ɓai.

Jérémie 42:19

Nasa man Ndo nzi pèc pècèk a hodko ma a géɗ kinè, njèkèdi ndohi Juda. Kin do a kokwar Egypte ɓai!

Jérémie 43:2

Azaria, kra Hosée, a Joachanan, kra Karéach, a ndohi mbibihiaʼa tèlèba, ta gaɗa na Jérémie: Ma ngaya ma nzura ka ɓai! Ndo nzi pèc pècèk, Zhiklè nga, a ngaɗka ka ma a nta ka ɓai, a ngaɗa: kin do a kokwar Egypte, aman kin nza te kokwar ndohi ngiɗè ara mbrok ɓai, – Zhiklè a ngoɗ arsa ɓai.

Jérémie 44:10

Kin hur mali ɓai, ha patsna, kin ga zlau ɓai, kin dzadzara ma kita a ma nkwèr ga man i va kinè, a i va ta babhi kinè, ɓai.

Jérémie 7:26

Aman ta tsena ɓai, ta fa zlembaɗ ɓai, ta sassaya ndav ta, ta gu malai a fena babhi ta.

Ezéchiel 20:11

I va ta ma nkwèr ga, a i ngra ta ma kita ga man ndo da dzodzora, aman a nzi a nshèffè.

Daniel 5:20

Aman ndav nengaʼa a fi va, ha gèɗ na a nze na, ta kolkoɗauda te bai. A ta cèma na wuɗi nengaʼa.

Osée 6:5

A géɗ nengaʼa i kerzh ta a ri ndohi nhadka ma, i bazl ta a ma te ma ga. A kita ga a gi ara skwi nhel sam man a si dai.

Lèv. 18:5

Gar haha sèi kin jèjèr ma nkwèr ga a ma kita ga. Ndo man a jèjèrèʼa, a nzi a nshèffè a vna. Iyè Ndo nzi pèc pècèk.

Matthew 19:17

Yèsu a ngaɗa na: Ka dzhaɗyè a géɗ skwi man amba èhèmè? Man amba, na staɗ genè. Aman ka woy a ka dè a nshèffè, dzodzor ma nkwèr Zhi-klè!

Luke 10:28

A Yèsu a ngaɗa na: Ka mendayè zuraʼa. Gu ar haha, a ka nzi a nshèffè.

Romans 10:5

Moise a mwindo ma ngi-zuraʼa man a zhè te ma kita Zhiklè aranta: Ndo man a gi skwi haha, a di a nzi a nshèffè a vna.

Galates 3:12

Aman ma kita Zhiklè a shkè te ncè-a-ndav ka ɓai, aman ndo man a fi gèɗèʼa, a da nzi a nshèffè a vna.

Deutéronome 31:21

Te deɓaʼa matakwan tsaɗ tsaɗ kumba, a nlèyè, a da gs ta, a dimèsh haha man a pca ta a gèɗ azɓai, a gi a skwi malwuɗi a sam ndohi haha. I sun skwi man ta hérè te ndav ta a vava, antanta langa, ga i de ta a kokwar man i mbaɗa a i da va ta.

Deutéronome 31:27

Aman i sun ndav ngaya man a huɓètè, i suna ara man ka salay va a gèɗ. Aman kin slambaɗa na va a Ndo nzi pèc pècèk, te va man i zhè a nshèffè dai, te ndev kinè, holholaʼa man i da mets ga ma!

Deutéronome 4:26

a patsna i bèhè giɗfèk a herkeda a malwuɗi a géɗ kinè — kin da zi kinè tʼherkeda man kin tawaɗa woyam Jourdain a pa, a kin nzi a pa azɓai, kin da gedas kinè.

Juges 6:10

Te deɓaʼa i gaɗa kinè: Iyè Ndo nzi pèc pècèk, Zhiklè kinè. Kin gu zlau zhiklèhi ndohi Amor, te kokwar tengaʼa man kin te pa, ɓai! Aman kin fa gèɗ a ma ga ɓai.