Néhémie 9:2 - Ma Zhiklè

² A ndohi Israel ta ngulko va ta auda te va ndohi man verzi ta tsaɗ, a ta shkè a ta ngreda mali ta, a mali babhi ta.

Néhémie 9:2 ပူးပေါင်းရင်းမြစ်များ

I Rois 8:47

a ta hér mali ta te kokwar man ta gi ɓèlè te pa, a ta ngwoda ndav ta, a ta tsi ri a ka, te kokwar ndohi ndum ta, a ta gada: Nga gu malai, nga gau ambaɓai, nga gau skwi man ambaha Zhiklè ɓai!

Esdras 10:11

Antanta va-ngreda na mali kinèa Ndo nzi pèc pècèk, Zhiklè babhi kinè; va gu skwi man a woyaʼa! Va-ngulko va kinè auda te va ndohi kokwar, te va ngwozi man verzi ta tsaɗ!

Esdras 6:21

Ndohi Israel, tengaʼa man ta shkè a deɓa te ɓèlè, ta ndau tambak Pâque a nda ndohi tèlèba man ta ngulko va ta auda te va mʼmbèh skwi ndohi nte deɓa, a to do a va ndohi tengaʼa, a ta woy Ndo nzi pèc pècèk, Zhiklè Israel.

Esdras 9:1

Aman ta gu skwi haha tèlèba ma, mbibihiaʼa ta shkè a sam ga, a ta gaɗa: Ndohi Israel, ndohi mvi skwi a Zhiklè a ndohi Lévi, ta kezla va auda a sam ndohi nte deɓa ɓai; ta mbèh skwi tengaʼa, skwi mʼmbèh skwi Canaan, Heth, Phérez, Jébus Ammon, Moab, Egypte a Amor.

Esdras 9:15

Ndo nzi pèc pècèk, Zhiklè Israel, ka nzuraʼa, nga ndohi kèshkata man nga mbel nga genè. Na haha nga zhè a sam di ngaya te mali nga, nga slaha nga zlècè a sam ngaya azɓai.

Esdras 9:2

Ta hul te va dalahi tengaʼa a ngwozi ta, a ngwozi wudahi ta, a verzi ndohi Zhiklè nkezlaʼa ndzakaɓa a ndohi nte deɓa. Tsuvom ndohai a ndohi kita ta hüno mali sa.

Néhémie 1:6

Foko zlembaɗ, poko dai, tsena ntsi ri ɓèl ngaya, man i tsi ri a ka a pats a vaɗ a géɗ ndohi Israel, ɓèlèlihi ngaya, a i njè ma mali ndohi Israel. Nga gu mali a sam ngaya. Ko i ba a ndohi gi bab ga, nga gu malai.

Néhémie 10:28

Njèkèɗi ndohai, ndohi mvi skwi a Zhiklè, ndohi Lévi, ndohi mɓer ntamagai, ndohi nfi dimèsh, ndohi ntil gi Zhiklè, a njèkèɗi ndohi ngiɗè man ta shkè auda te va ndohi nte deɓa a ta dzodzor ma kita Zhiklè, ngwozi ta, wudahi ta, dalahi ta, a ndohi tèlèba man maya ta zhè a ta cinèʼa,

Néhémie 10:29

ta mba ma a nda kramamhi ta, ndohi mbibihiaʼa, a ta gaɗda ma a hai a mʼmbèdè, ta jèjèr ma kita Zhiklè, man a vau te ma Moise, ɓèl Zhiklè, a ta jèjèr ma nkwèr Zhiklè, a ta gi skwi tèlèba ara man Ndo nzi pèc pècèk, Zhiklè nga, a goɗ te ma bai, te ma kita nengaʼa.

Néhémie 13:3

Aman ta tsena ma kita haha, ta porkoɗi ndohi man verzi ngiɗè auda te va ndohi Israel tèlèba.

Néhémie 13:30

Aranta i til ta, a i hulko na skwi man verzi tsaɗ tsaɗ tsaɗ tèlèba auda. I til mizlinè ndohi mvi skwi a Zhiklè a ndohi Lévi, a i va ta ma nde ta, staɗ staɗ tèlèba a sam mizlinè na;

Psaumes 144:11

Mbelyè te ri tsakwal mʼmetsai, ckay auda te ri ndohi man verzi ta tsaɗ, man ta cèkèl-ma a ta mbèɗè a ncèkèlma.

Psaumes 144:7

Torko ri a hi te géɗèʼa, mbelyè, prekay auda te va iyam mbiaʼa, te ri ndohi kokwar man verzi ta tsaɗ,

Proverbes 28:13

Ndo man a ngheda mali na, a grè a ma ma azɓai; aman ndo man a ngreda auda, a jèkeda, a si Zhiklè te va.

Esaie 2:6

Aman ka kwola ndohi ngaya, ndohi gi Jacob; aman kokwar tengaʼa nʼndha a ndohi mpi kwa, a ndohi mʼmbèh skwi kumba, lèmèlèmè ara ndohi Philistie, a ta gi mandala a mbrokihi verzi ngiɗè.

Jérémie 14:20

Ndo nzi pèc pècèk, nga sun shèwa nga, nga sun mphömè babhi nga, nga gu malai a sam ngaya.

Jérémie 3:13

Aman a woy ka suna, ka gu malai, ka kwola Ndo nzi pèc pècèk, Zhiklè ngaya, a ka va na va ngaya a zhiklèhi ngiɗè, a verzi wof ndizlimaʼa tèlèba kin tsena ma ga ɓai, Ndo nzi pèc pècèk a gaɗa.

Daniel 9:20

Aman i gèɗè dai, a i tsi ri dai, a i nju ma mali ga a mali ndohi Israel, ndohi ga, dai, a i tsu ri mbuh mbuh a sam Ndo nzi pèc pècèk, Zhiklè ga, a géɗ za Zhiklè ga nkezlaʼa,

Osée 5:7

A ndo na dra a sam di ta. Ta gu malai a sam Ndo nzi pèc pècèk, ta yu wuda te verzi man a tengaʼa ka ɓai. Gar haha a da gedas ta, a nda gi dau tengaʼa ba; a ki staɗ klèng.