Néhémie 8:9 - Ma Zhiklè

⁹ Néhémie, ngomna, a Esdras, ndo mvi skwi a Zhiklè, man a sun ɗèlèwèr, a ndohi Lévi man ta senda ta ndohai, ta gaɗa ta ndohai: Pats haha, nkezla a sam Ndo nzi pèc pècèk, Zhiklè kinè. Kin loyo skwa ɓai, kin kuɗ ɓai! A vava ndohi tèlèba ta kuɗai, aman ta tsena ma ɗèlèwèr kita.

Néhémie 8:9 ပူးပေါင်းရင်းမြစ်များ

II Rois 22:11

Aman bai a ntsena ma te ɗèlèwèr ma kita, a nkuratseda maslaka nengaʼa aussa.

II Rois 22:19

A géɗ man ka hur te ndav ngaya a ka manda gèɗ a hi a sam Ndo nzi pèc pècèk a pats man ka tsena ma man i goɗ a géɗ sam haha, a géɗ ndohi kokwaraʼa, ara man i phomde ta, a ta ndi a skwi man a ndèrè a ndo; a géɗ man ka kuratseda maslaka ngaya aussa, a ka kuɗau a sam ga – i ba i tsena ntsi ri ngaya, Ndo nzi pèc pècèk a gada.

II Chroniques 15:3

Nʼnzi a zhè, Zhiklè nzuraʼa az a sam Israel ɓai; ndo mvi skwi a Zhiklè man a slebda ta ma kita, azɓai.

II Chroniques 30:22

Ezéchias a ngaɗa ta ndohi Lévi tèlèba man maya ta zhè a vata, a géɗ mizlinè Ndo nzi pèc pècèk. Ta ndau skwi man ta zloho, mʼmèn 7, ta vau skwi a Zhiklè te nshid gèɗ, a ta slubordo Ndo nzi pèc pècèk, Zhiklè babhi ta.

II Chroniques 34:19

Aman a ntsena ma ma-kita, a nkuratseda maslaka nengaʼa aussa.

II Chroniques 34:21

Vo-do, vo-dzhoɗo a sam Ndo nzi pèc pècèk a géɗ ga, a géɗ njèkèɗi ndohi Israel a Juda, a géɗ ma ɗèlèwèr haha man ta ngotso. Aman Ndo nzi pèc pècèk a gi ndav kumba a géɗ nga, a géɗ man babhi nga ta dzadzara ma Ndo nzi pèc pècèk ɓai, a ta ga skwi tèlèba ara man ta windeda ɗèlèwèr haha ɓai.

II Chroniques 35:3

A ngaɗa ta ndohi Lévi man ta slebda ta ndohi Israel tèlèba, man ta va na nshèffè ta tèlèba a Ndo nzi pèc pècèk. Va-feda koti nkezlaʼa a gi man Salomon, kra David, bi Israel a gau. Anai kin zhüɓèʼa a gèɗ asaɓai. Antanta va-gu mizlinè Ndo nzi pèc pècèk, Zhiklè kinè, a Israel, ndohi na.

Esdras 2:63

A ngomna a mva ta civèɗ a ta ndi skwi te gi Zhiklè ɓai, ha pats man ndo mvi skwi a Zhiklè a zhè a nda urim a thummim zaʼa.

Esdras 7:11

Na haha ɗèlèwèr man bi Artaherhes a mva na Esdras, ndo mvi skwi a Zhiklè, ndo ɗèlèwèr, man a slebda ta ndohi Israel ma man Ndo nzi pèc pècèk a mva ta te ma kita nengaʼa.

Néhémie 10:1

A ɗèlèwèr man nga tkotseda pa, nzlembaɗ haha: Néhémie, ngomna, kra Hacalia. Sédécias,

Néhémie 12:26

Tengaʼa ta zhè te va man Jojakim, kra Josué, te verzi Jotsadak, a Néhémie, ngomna, a Esdras, ndo mvi skwi a Zhiklè, ndo ɗèlèwèr, ta zhè.

Néhémie 7:65

Ngomna a ngaɗa ta, aman ta ndi skwi nkezlaʼa azɓai, ha pats man ta ngots ndo mvi skwi a urim a thummin.

Néhémie 7:70

Tsuvomhi ndohi ngiɗè, ta vau skwi a géɗ mizlinè Zhiklè. Ngomna a nvau guro gozhèm 1.000, kokwi 50, dawar ndohi mvi skwi a Zhiklè 530.

Néhémie 8:2

Esdras, ndo mvi skwi a Zhiklè, a ncko ma kita a sam di mpi ndohai, ngurhai, a ngwozai, a ndohi tèlèba man ta slaha ta cinèʼa, a ta cinèʼa. Nasa a ki matsaraɗaʼa, pats nshèlèkuraʼa.

Ecclésiaste 3:4

Man tiɗè man nkudi ma, ta kuɗai; man tiɗè sam nʼngwèshè ma, ta ngwèshè. Man tiɗè sam nlèyè ma, ta lèyè; man tiɗè sam ngècè ma, ta gècè.

Esaie 61:3

A ta ngècè mpèɗè gèɗ te di man a mèrwèc, mbar a va te di man a maslaká sam kuɗa, dimèsh te di man a nlèyè, a ta baha ta ‘wof ngi-zuraʼa’, ‘gi lak Ndo nzi pèc pècèk’, man a nzala va na a vna.

Osée 4:6

Ndohi ga ta da gédèsh ta, a géɗ man ta sun maya ɓai. A géɗ man ka kwola maya, i ba i kwol ka, a ka gi mizlinè Zhiklè a sam ga asaɓai. A géɗ man ma kita Zhiklè ngaya mpca ka a gèɗ, aranta ta pcèy a gèɗ ar wudahi ngaya ba.

Lèv. 23:24

Gada ta ndohi Israel: A ki tsaraɗ, pats nshèlèkuraʼa, vo-sok va, va-tsu tolom, a ndohi a ta suna ta ɓicè va a ngolala nkezlaʼa.

Mal. 2:13

Na haha skwi macecèwaʼa man kin giaʼa: A sam mvi skwi a Zhiklè, kin bada kuɗa a pa, a lalau a wobau; a Zhiklè a pi di a skwi man kin va na azɓai, a cè skwi te ri kinè a pombi azɓai.

Romans 3:20

Gar haha a njèjèr ma kita Zhiklè, ndo a slaha a ndi a ndo nzuraʼa a sam di Zhiklè azɓai. Te ma kita Zhiklè, ndo a sun mali genè.

Romans 7:9

Pats ngiɗè ma kita Zhiklè az a sam ga ɓai. Nshkè ma nkwèr Zhiklè, malai a dzodzorkoɗa te deɓa,

Deutéronome 12:12

a kin wuffè a sam Ndo nzi pèc pècèk, Zhiklè kinè, kinè a wudahi a dalahi kinè, a ɓèlèlihi kinè, ko ngurhi ko ngwozi, a ndo Lévi man a zhè a samaʼa, a géɗ man nengaʼa a ngatsa skwi nʼndi gi a sam kinè ɓai; skwi nʼndi gi nengaʼa azɓai.

Deutéronome 12:7

A kin ndi skwi te pa, a kin wuffè a sam Ndo nzi pèc pècèk, Zhiklè kinè, kinè a gwoli kinè, a géɗ skwi ri kinè, man Ndo nzi pèc pècèk, Zhiklè kinè, a mpshè kinè ma a vna.

Deutéronome 16:11

Ka dawuffèasam Ndo nzi pèc pècèk, Zhiklè ngaya, a sam man Ndo nzi pèc pècèk, Zhiklè ngaya, a ngotskoɗauda, a nzlembaɗ na a nzi a pa: kinè, kra ngaya, nguraʼa a demaʼa, ɓèl ngaya, ko nguraʼa ko ngwoz, ndo Lévi mana zhè a sam ngaya, ndo man verzi na tsaɗ, kra dikai, ngwoz mazai man ta zhè a sam ngaya tèlèba.

Deutéronome 26:14

I ndaha te va skwi haha te nlèyè ɓai, i helaha a i lizha va ga a vna ɓai, i tsaka skwi ɓai a sam kuɗa. I fu gèɗ a ma Ndo nzi pèc pècèk, Zhiklè ga, a i gau ara man a njèyè a gèɗ tèlèba.

Jacques 4:9

Va-hur mali kinè, va-loyo, va-kuɗau! Nʼngwèshè kinè da ngwode na a kuɗa; mwuffe kinè da ngwode na a nlèyè.