Néhémie 8:3 - Ma Zhiklè

³ Esdras a njongo ɗèlèwèr, daga prèk, ha géɗ pats, a sam man a zhè a ntamagi ‘nlèlè iyam’, a sam di ngurhai a ngwozai, a ndohi tèlèba man maya ta zhè, a ta cinèʼa. A ndohi tèlèba ta fu zlembaɗ a ma ɗèlèwèr kita.

Néhémie 8:3 ပူးပေါင်းရင်းမြစ်များ

Néhémie 10:29

ta mba ma a nda kramamhi ta, ndohi mbibihiaʼa, a ta gaɗda ma a hai a mʼmbèdè, ta jèjèr ma kita Zhiklè, man a vau te ma Moise, ɓèl Zhiklè, a ta jèjèr ma nkwèr Zhiklè, a ta gi skwi tèlèba ara man Ndo nzi pèc pècèk, Zhiklè nga, a goɗ te ma bai, te ma kita nengaʼa.

Néhémie 13:1

Te ndev nasa, ta jongo te ɗèlèwèr Moise, a sam di ndohai, a ta ngotso: ndo Ammon a ndo Moab ta slaha ta humdè va a va mpi ndohi Zhiklè azɓai,

Néhémie 8:1

Ndohi tèlèba ta ɓica va a sam nstaɗ, a ndav staɗ, zuraʼa a ntamagi ‘nlèlè iyam’, a ta gaɗa na Esdras, ndo ɗèlèwèr, aman a ckoɗi ɗèlèwèr ma kita Moise, man Ndo nzi pèc pècèk a mva ta ndohi Israel.

Néhémie 8:18

Ta jongo te ɗèlèwèr ma kita Zhiklè, a nciɗ sam a nciɗ sam, a hüno a pats nshèlèku-raʼa, ha ta rufa ngolala. Ta gu ngolala mʼmèn tsaraɗ; a pats matsamakaɗaʼa, nʼndikè-ma ngolala.

Néhémie 8:4

Esdras, ndo ɗèlèwèr, a nzlatsa a sam nzangalaʼa man ta gu a wof a géɗ nengaʼa. A tsagi nengaʼa, te civèɗ ri mandai, Matthithia, Shéma, Anaja, Urie, Hilkija a Maaséja. Te tsagi ri gula, Pedaja, Mishael, Malkija, Hashum, Hashbaddana, Zacharie a Meshullam.

Néhémie 8:5

Esdras a mwin ɗèlèwèr a sam di ndohi tèlèba; nengaʼa a nʼnza a géɗèʼa, a géɗ ndohi tèlèba. Aman a mwina ɗèlèwèr, ndohi tèlèba ta zlatsa.

Marc 12:37

Aman David a ri na a baha na Bai, kos verzi na èhèmè? A ndohi rèdèdèa ta tsena ma nengaʼa a mwuffè.

Luke 19:48

Aman ta ngatsa maya ɓai. Ndohi tèlèba ta dzodzora, aman ta tsun ma nengaʼa.

Luke 8:18

Va-gu maya maya ara man kin tsenaʼa! Aman a ndo man a ngots skwai, ta da va na a vaʼa. A ndo man a ngatsa skwa ɓai, ta da cèma na skwi ba man a huro, a nʼngotso.

Actes 13:15

A ndohi njè ma ta jongo ma Zhiklè, man Moise a va ta, a ma ndohi nhadka ma klèng ma, ndohi mbibihiaʼa te gi njèngè ta baha ta golahi Yèsu, a ta dzhaɗ ta: Dalahimam ga, aman kin ngots ma mbid ta ndohai, va-gaɗa ta antanta ma!

Actes 13:27

Aman ndohi te kokwar Jérusalem a ndohi mbibihiaʼa ta sun ndo haha ɓai. Ta sun ngèɗè ndohi nhadka ma, man ta jongo a pats nshèk va pèc pècèk, ɓai. Aman ta gu ara ma man ndohi nhadka ma ta gaɗa, a ta ga na kita a gèü.

Actes 15:21

Daga zlèzlèa, ndohi Moise ta nju ma Moise te kokwar tèlèba, a ta jèngèʼa te gi njèngè ma Zhiklè a pats nshèk va pèc pècèk.

Actes 16:14

A ngwoz ngiɗè man a gi zlau Bi Zhiklè, nzlembaɗ na Lydie, ngwoz mpre maslaka, te kokwar Thyatire, a ntsenaʼa. A Bi Zhiklè a mwina ndav na, aman a fa na zlembaɗ a ma Paul.

Actes 17:11

Aman nlèɓèslè ndohi Bérée a fena man a ndohi te kokwar Thessalonique. Ta woy a ta tsena ma Zhiklè, a ta war te ɗèlèwèr Zhiklè a nciɗ sam a nciɗ sam, aman ta rkaʼa: arsa a vava ɗè?

Actes 20:11

A mdo a géɗ gai, a ntsaka movar, a nʼndau, a ngaɗa ta ma kumba, ha sam nciɗa ta, a njèke ta.

Actes 20:7

A pats nshèlèkuraʼa te luma, aman nga ɓücko va, a ncèkè movar, Paul a njè ta, a woya man a ndè a ma a nshèwèlè te mangoslèmaʼa, a ngaɗa ta ma a ma ma, ha gèɗ vaɗ.

Actes 28:23

Aman ta pasla ri a gèɗ pats staɗ, a ndohi kumba ta shkè a sam na, a gi man nte pa, nengaʼa a njè ta, a nʼngreda ta kokwar Bi Zhiklè, a nsenda ta ma Yèsu, a hüno te ma kita Zhiklè, a nda na ma a ndohi nhadka ma; a hüno a prèk te gai, ha ndè a ma vaɗ.

Deutéronome 31:9

Moise a mwindo ma kita haha, a mva ta ndohi mvi skwi a Zhiklè, ndohi Lévi, man ta zuɓ koti ma kita Ndo nzi pèc pècèk, a ndohi Israel nhalaʼa tèlèba.

1 Thessalonians 2:13

Gar haha nga shid gèɗ a Zhiklè pèc pècèk, a géɗ man kin co ma Zhiklè, man nga njè kinè, a kin ngotso a sam nga, ara ma ndohi ka ɓai, aman a vava ma Zhiklè, man a gi mizlinè te ndav kinè, man kin co a ndav.

Josué 8:35

Te va ma man Moise a njè ta a gèɗ, ko staɗ azɓai, man Josué a njènga ta ndohi Israel mɓicaʼa ɓai. A njènga ta ndohi Israel tèlèba, a ngwozihi ba a wudahi a mbrokihi ba man to do a verzi tengaʼa.

Apocalypse 2:29

Ndo man zlembaɗ na a zhè, da tsena ma man Mèzhèɓ Zhiklè a gaɗa ta mpi ndohi Zhiklè.

Apocalypse 3:22

Ndo man zlembaɗ na a zhè, da tsena ma man Mèzhèɓ Zhiklè a gaɗa ta mpi ndohi Zhiklè.