Néhémie 8:2 - Ma Zhiklè

² Esdras, ndo mvi skwi a Zhiklè, a ncko ma kita a sam di mpi ndohai, ngurhai, a ngwozai, a ndohi tèlèba man ta slaha ta cinèʼa, a ta cinèʼa. Nasa a ki matsaraɗaʼa, pats nshèlèkuraʼa.

Néhémie 8:2 ပူးပေါင်းရင်းမြစ်များ

Néhémie 10:29

ta mba ma a nda kramamhi ta, ndohi mbibihiaʼa, a ta gaɗda ma a hai a mʼmbèdè, ta jèjèr ma kita Zhiklè, man a vau te ma Moise, ɓèl Zhiklè, a ta jèjèr ma nkwèr Zhiklè, a ta gi skwi tèlèba ara man Ndo nzi pèc pècèk, Zhiklè nga, a goɗ te ma bai, te ma kita nengaʼa.

Néhémie 13:1

Te ndev nasa, ta jongo te ɗèlèwèr Moise, a sam di ndohai, a ta ngotso: ndo Ammon a ndo Moab ta slaha ta humdè va a va mpi ndohi Zhiklè azɓai,

Néhémie 8:18

Ta jongo te ɗèlèwèr ma kita Zhiklè, a nciɗ sam a nciɗ sam, a hüno a pats nshèlèku-raʼa, ha ta rufa ngolala. Ta gu ngolala mʼmèn tsaraɗ; a pats matsamakaɗaʼa, nʼndikè-ma ngolala.

Néhémie 8:9

Néhémie, ngomna, a Esdras, ndo mvi skwi a Zhiklè, man a sun ɗèlèwèr, a ndohi Lévi man ta senda ta ndohai, ta gaɗa ta ndohai: Pats haha, nkezla a sam Ndo nzi pèc pècèk, Zhiklè kinè. Kin loyo skwa ɓai, kin kuɗ ɓai! A vava ndohi tèlèba ta kuɗai, aman ta tsena ma ɗèlèwèr kita.

Néhémie 9:1

Ki haha, mʼmèn 24, ndohi Israel ta ɓica va, a ta jèkeda skwi nʼndai, a ta peda maslaka sam kuɗa a va, a ta peda hutsoɗ a gèɗ.

Esaie 28:9

Nda ngatsa na may a a wa? Nda senda na wa? A wudahi wa man ta jèkeda ncèɗè wa ɗè?

Lèv. 23:24

Gada ta ndohi Israel: A ki tsaraɗ, pats nshèlèkuraʼa, vo-sok va, va-tsu tolom, a ndohi a ta suna ta ɓicè va a ngolala nkezlaʼa.

Mal. 2:7

Ndo mvi skwi a Zhiklè a sun ma maya; a ndohi ta hèsh maya kita auda te ma na, te man nengaʼa ndo sak Zhiklè bi mbiaʼa.

Nombres 29:1

Te ki matsaraɗaʼa, a pats nshèlèkuraʼa, kin ɓica a sam ngolala nkezlaʼa! A pats nasa kin gu mizlinè bai! Nengaʼa pats ntsi tolom kinè.

Actes 15:21

Daga zlèzlèa, ndohi Moise ta nju ma Moise te kokwar tèlèba, a ta jèngèʼa te gi njèngè ma Zhiklè a pats nshèk va pèc pècèk.

Deutéronome 17:18

Aman a da nzi a géɗ sam nʼnzi bi te kokwar-bi nengaʼa, da co ɗèlèwèr ma kita haha a sam ndohi mvi skwi a Zhiklè, a sam ndohi Lévi, da Windo a ɗèlèwèr na!

Josué 8:35

Te va ma man Moise a njè ta a gèɗ, ko staɗ azɓai, man Josué a njènga ta ndohi Israel mɓicaʼa ɓai. A njènga ta ndohi Israel tèlèba, a ngwozihi ba a wudahi a mbrokihi ba man to do a verzi tengaʼa.