Néhémie 8:17 - Ma Zhiklè

¹⁷ Mpi ndohi tèlèba – tengaʼa man ta menkada deɓa te ɓèlè – ta gu godzovok, a ta nza a pa. Daga pats man Josué, kra Nun, a zhè, ha patsna, ndohi Israel ta ga arsa ɓai, a mwuffè mbiaʼa a zhè.

Néhémie 8:17 ပူးပေါင်းရင်းမြစ်များ

I Chroniques 29:22

A pats sa ta ndau skwai, a ta sau skwai, a sam di Ndo nzi pèc pècèk, a mwuffe mbiaʼa. A ta fu Salomon, kra David, a bi zaʼa, sak macecèwaʼa, a ta bada na mbar a gèɗ a ngi bi a sam Ndo nzi pèc pècèk. A ta fu Tsadok a ndo mvi skwi a Zhiklè.

II Chroniques 30:26

Mwuffè mbiaʼa a zhè te Jérusalem. Daga pats man Salomon, kra David, a ngu bi te Israel, ta gu ngolala te Jérusalem lèmèlèmè arsa ɓai.

II Chroniques 35:18

Pâque ngar nengaʼa ta ga te Israel di ɓai, daga man Samuel, ndo nhadka ma a zhè. Ko bi Israel ngiɗè azɓai, man a gau ngolala Pâque lèmèlè-mè ara man Josias, ndohi mvi skwi a Zhi-klè a ndohi Lévi a Juda tèlèba, a Israel man a zhè a pa, a ndohi Jérusalem ta gau.

II Chroniques 8:13

a nzla na skwi a Zhiklè, ara man Moise a goɗa a géɗ pats ngiɗè, pats ngiɗè; a pats nshèk va ba, a mvèng kia, a pats ngolala sak makar tʼhwaɗ mvai, ngolala movar man skwi nshégèrè a te di ɓai; a pats ngolala luma luma, a ngolala te godzovok.

Esdras 3:4

A ta gu ngolala te godzovok, ara man a mwinda; ta ndara na skwi a Zhiklè pèc pècèk, ara man a mwinda te ɗèlèwèr Zhiklè, a gèɗ pats, staɗ staɗ, ngam ngam ba.

Jean 1:14

A ma Zhiklè a nʼnde na a ndo, a nʼnza a sam nga, a nga rka nʼnjèl nengaʼa. Nʼnjèlè Bab Zhiklè, man a mva na kra nengaʼa staɗgenè, nʼndha a pombai a ma nzuraʼa.

Deutéronome 16:15

Ka da gi ngolala mʼmèn tsaraɗ, a nslébèrdè Ndo nzi pèc pècèk, Zhiklè ngaya, a sam man a ngotskoɗauda. Aman Ndo nzi pèc pècèk, Zhiklè ngaya, a da pshè ka ma te skwi man ka ɓüco tèlèba, te mtzlinè man ka gu a ri ngaya tèlèba, a ka da wuffè genè.

Hébreux 11:13

Ndohi haha tèlèba ta bazl ta te ncè-a-ndav tengaʼa, a ta ngatsa skwi mpèsl a ri ɓai, aman ta rka dra genè. Ta ga na mbali dra, a ta suna a vava, ta mbrokihai, ta ndohi nshèwèlè a géɗ herkeda genè.

Hébreux 11:9

A géɗ ncè-a-ndav na, a nʼnza te kokwar man Zhiklè a ngaɗa a woya a mva na, ara mbrok, a nʼnza a gè-jèk-dak-hai, ara Isaac a Jacob, ndohi nʼndi mpesl ri Zhiklè ara nengaʼa.

Hébreux 4:8

Man a matsa Josué nda nhel ta a sam nshèk va sa, ar Zhiklè a ngaɗa te deɓaʼa a géɗ pats ngiɗè asaɓai.

Josué 1:1

Aman Moise, ɓèl Ndo nzi pèc pècèk, a mʼmets na ma, Ndo nzi pèc pècèk a ngaɗa na Josué, kra Nun, ndo ntakaha Moise: