Néhémie 8:16 - Ma Zhiklè

¹⁶ Te deɓaʼa ndohi to do a ta hulkoɗi ri wof, a ta gu godzovok, staɗ staɗ tèlèba a ma gi na, a ma gi Zhiklè, a dalmagi a ntamagi ‘nlèlè iyam’, a dalmagi a ntamagi ‘Ephraim’.

Néhémie 8:16 ပူးပေါင်းရင်းမြစ်များ

II Samuel 11:2

Pats ngiɗè, a dakwaɗ, aman David a nslambaɗa a sam mʼmènè na, a shèwèlè a géɗ gi bi na, a mpoko di a hai, a nrka ngwoz ngiɗè a pèn va. Va nengaʼa amba, mbikaɓai.

II Rois 14:13

Amatsia, bi Juda, kra Joas, kra Achazia, Joas a ngso, a ndzawaʼa, te Beth-Shémesh, a ndaʼa a kokwar Jérusalem. A mʼmbeɗa zlazlar Jérusalem, a hinè a ntamagi Ephraim, ha ndè a ntamagi te tsagai, slrats te ndevaʼa a tsi ri 400.

II Chroniques 20:5

Josaphat a nzlatsa te ndev mɓicè-va te Juda, te Jérusalem, te gi Ndo nzi pèc pècèk, a ma gi mɓuaʼa.

II Chroniques 33:5

A nʼnga ta sam mʼmbèh skwai a bantihai a kia a pats te giɗfèk, te gala gi Zhiklè cèw.

Néhémie 12:37

A ntamagi ‘nlèlè’ zuraʼa a ma tengaʼa ta tivè ntivè a kokwar David, a sam ntiv ntivè zlazlar a gi David te géɗèʼa, ha ndè a ntamagi ‘iyam’ te civèɗ mvèng pats.

Néhémie 12:39

A sam ntamagi Ephraim te géɗèʼa, a sam ntamagi nhalaʼa, a ntamagi ‘klèf’, a hüno a sam gi ngurèa Hananeel a gi ngurèʼa ‘tèmèrè’, ha ndè a ntamagi ‘tambak’. A nga zlatsahi a ntamagi ‘dangai’.

Néhémie 3:26

ha ndè zuraʼa a ma ntamagi ‘iyam’, te civèɗ mvèng pats, a gi ngurèʼa man a tsi gèɗ auda.

Néhémie 8:1

Ndohi tèlèba ta ɓica va a sam nstaɗ, a ndav staɗ, zuraʼa a ntamagi ‘nlèlè iyam’, a ta gaɗa na Esdras, ndo ɗèlèwèr, aman a ckoɗi ɗèlèwèr ma kita Moise, man Ndo nzi pèc pècèk a mva ta ndohi Israel.

Néhémie 8:3

Esdras a njongo ɗèlèwèr, daga prèk, ha géɗ pats, a sam man a zhè a ntamagi ‘nlèlè iyam’, a sam di ngurhai a ngwozai, a ndohi tèlèba man maya ta zhè, a ta cinèʼa. A ndohi tèlèba ta fu zlembaɗ a ma ɗèlèwèr kita.

Jérémie 19:13

Gihi Jérusalem a gihi bihi Juda, sèi ta gi lèmèlèmè ara sam te Topheth, man ta lizhèʼa, gihi tèlèba a géɗ gi tèlèba man ta zla ta skwi a bantihai a giɗfèk, a ta va ta skwi nsai a zhiklèhi ngiɗè tsaɗ.

Jérémie 32:29

Ndohi Chaldée ta da shkè a pa, ta da gi var a kokwar haha, ta da fa na vogwa a kokwar haha, a vogwa a nʼndeda ma. Lèmèlèmè gihai man ta va na skwi a Baal a géɗèʼa, a ta va ta skwi a zhiklèhi ngiɗè, a ta pokoy gèɗ ndav auda a vna.

Deutéronome 22:8

Aman ka da pi gi mɓuaʼa, gu maya, a ndo da kalkaɗahi a géɗ gi ngaya ɓai, man ɓai mʼmetsi a gi a gi ngaya.