Néhémie 8:1 - Ma Zhiklè

¹ Ndohi tèlèba ta ɓica va a sam nstaɗ, a ndav staɗ, zuraʼa a ntamagi ‘nlèlè iyam’, a ta gaɗa na Esdras, ndo ɗèlèwèr, aman a ckoɗi ɗèlèwèr ma kita Moise, man Ndo nzi pèc pècèk a mva ta ndohi Israel.

Néhémie 8:1 ပူးပေါင်းရင်းမြစ်များ

II Rois 23:2

Bai a ndo a gi Zhiklè, a ndohi Juda tèlèba, a ndohi Jérusalem tèlèba, a ndohi mvi skwi a Zhiklè, a ndohi nhadka ma, a ndohi kokwar tèlèba, ko wudahi ba, ko ndohi ngraʼa ba, to do a verzi nengaʼa. A nengaʼa a njènga ta ma tèlèba te ɗèlèwèr nderzlè-ma man ta ngots te gi Zhiklè.

II Chroniques 34:15

Ezéchias a ngaɗa na Shaphan, ndo mwindè ɗèlèwèr: I ngots ma kita te gi Ndo nzi pèc pècèk. A Ezéchias a mva na ɗèlèwèr a Shaphan.

II Chroniques 34:30

Te deɓaʼa a mdo a gi Ndo nzi pèc pècèk a nda ndohi Juda tèlèba, a ndohi Jérusalem, ndohi mvi skwi a Zhiklè a ndohi Lévi a ndohi tèlèba, a hüno te mbiaʼa, ha ndè a sam nkè-shèʼa. A njongo ma tèlèba te ɗèlèwèr nderzlè-ma a sam ta, man ta ngots te gi Ndo nzi pèc pècèk.

Esdras 7:1

Te deɓ nengaʼa, aman Artaherhes bi Perse, Esdras a mshkè, kra Seraja, te verzi Azaria, te verzi Hilkija,

Esdras 7:10

Esdras a nfu gèɗ a vna, a nwuzhè ma kita Ndo nzi pèc pècèk, a njèjèrèʼa, a nslebda ta ndohi Israel ma kita a ma nkwèr Zhiklè.

Esdras 7:11

Na haha ɗèlèwèr man bi Artaherhes a mva na Esdras, ndo mvi skwi a Zhiklè, ndo ɗèlèwèr, man a slebda ta ndohi Israel ma man Ndo nzi pèc pècèk a mva ta te ma kita nengaʼa.

Esdras 7:6

Esdras haha a mshkè te Babylone. Nengaʼa ndo mwindè ɗèlèwèr, man a sun ma kita Moise, man Ndo nzi pèc pècèk, Zhiklè Israel, a mvau. A Ndo nzi pèc pècèk, Zhiklè nengaʼa, a takaha a ri na, a bai a mva na skwi tèlèba man a woyaʼa.

Néhémie 12:26

Tengaʼa ta zhè te va man Jojakim, kra Josué, te verzi Jotsadak, a Néhémie, ngomna, a Esdras, ndo mvi skwi a Zhiklè, ndo ɗèlèwèr, ta zhè.

Néhémie 12:37

A ntamagi ‘nlèlè’ zuraʼa a ma tengaʼa ta tivè ntivè a kokwar David, a sam ntiv ntivè zlazlar a gi David te géɗèʼa, ha ndè a ntamagi ‘iyam’ te civèɗ mvèng pats.

Néhémie 3:26

ha ndè zuraʼa a ma ntamagi ‘iyam’, te civèɗ mvèng pats, a gi ngurèʼa man a tsi gèɗ auda.

Néhémie 8:16

Te deɓaʼa ndohi to do a ta hulkoɗi ri wof, a ta gu godzovok, staɗ staɗ tèlèba a ma gi na, a ma gi Zhiklè, a dalmagi a ntamagi ‘nlèlè iyam’, a dalmagi a ntamagi ‘Ephraim’.

Néhémie 8:3

Esdras a njongo ɗèlèwèr, daga prèk, ha géɗ pats, a sam man a zhè a ntamagi ‘nlèlè iyam’, a sam di ngurhai a ngwozai, a ndohi tèlèba man maya ta zhè, a ta cinèʼa. A ndohi tèlèba ta fu zlembaɗ a ma ɗèlèwèr kita.

Esaie 8:20

Ndohi maya tengaʼa a ndohi mal-wuɗi tengaʼa a vava ta da gèɗè arsa, man ɓai di tengaʼa nciɗ ɓai.

Lèv. 9:5

A ta hulkoɗi skwi ara man Moise a gada ta, a sam gi mɓicè-va, a mpi ndohi tèlèba ta shkè a ta zlatsa a pa a sam Ndo nzi pèc pècèk.

Mal. 4:4

Va-hur ma kita Moise, ɓèl ga, man i va na ma kita a ma nkwèr ndohi Israel tèlèba te za Horeb.

Matthew 13:52

Aman Yèsu a ngaɗa ta: Gar haha malam staɗ staɗ tèlèba, man nʼnde na a ndo kokwar-Bi-Zhiklè, lèmèlèmè ara babgai, man a ngecè skwi auda te skwi mèshèlè nengaʼa, ko skwi mɓuaʼa ko skwi mʼmovaʼa.

Matthew 23:13

Woba kinè, malamhai a ndohi pharisie! Kinè ndohi nʼngwèdè ndo, aman kin pizlèa kokwar Bi Zhiklè a sam ndohai.

Matthew 23:2

Malamhai a ndohi pharisie ta gshè va a njè Moise.

Matthew 23:34

Gar haha i zlinde ta ndohi nhadka ma, a ndohi man ta sun maya, a ndohi man ta sun ɗèlèwèr Zhiklè, a sam kinè. Matrehiaʼa kin da bazl ta, a kin da gezlal ta, matrihiaʼa kin da ndah ta a mènèwèɗ te gi njèngè ma Zhiklè kinè, a kin dzam ta te kokwar te kokwar.

Deutéronome 31:11

aman ndohi Israel tèlèba ta shkè a ta zlècè a sam Ndo nzi pèc pècèk, Zhiklè kinè, a sam man a ngotskoɗauda, kin da jèngè ma kita haha a zlembaɗ ndohi Israel tèlèba.

Juges 20:1

Ndohi Israel tèlèba, mpi ndohi tèlèba, ta ɓica va a ma staɗ, a hinè te Dan, ha ndè Beer-Shèba, a kokwar Galaad ba, a sam Ndo nzi pèc pècèk te Mitspa.

Juges 20:8

A ndohi tèlèba ta slambaɗa ara ndo staɗ, a ta gaɗa: Ko ndo staɗ ba a dè ngwi azɓai, a dè a gi na azɓai.