Néhémie 7:3 - Ma Zhiklè

³ I gaɗa ta: Kin wina ntamagi Jérusalem ɓai, sèi pats ngraʼa; a kin pizlè ntamagai, a kin ɓarda pa, a di a ndohi mɓer ntamagai. Ndohi Jérusalem sèi ta ɓer samaʼa, staɗ staɗ sam zuraʼa a ma gi nengaʼa.

Néhémie 7:3 ပူးပေါင်းရင်းမြစ်များ

Néhémie 13:19

A pats man te mangoslèmaʼa pats nshèk va, ga sam a kézhèwè, i gaɗa ta, aman ta pizlè ntamagi kokwar Jérusalem, a ta winè azɓai, ha pats nshèk va klèng. I baha ta golahi ga ngiɗè, aman ta nza a ntamagi kokwar, a ndohi ta slaha ta nderhè skwi a kokwar a pats nshèk va azɓai.

Néhémie 3:23

A tsagi tengaʼa Benjamin a Hashub, zuraʼa a ma gi tengaʼa. Te deɓaʼa Azaria, kra Maaséja, kra Anania, a ngu mizlinè, a tsagi gi na.

Néhémie 7:2

I ga Hananai, kramam ga, a ndo mɓer kokwar Jérusalem; a Hanania a bi gi ndakmaʼa, te man nengaʼa ndo nlèɓèslèʼa, a gi zlau Zhiklè a fena ndohi ngiɗè kumba.

Néhémie 7:4

Sam kokwar mbiaʼa, te tsagi cèw ba, a ndohi nʼnza a kokwar ta az a vata ɓai. Ta rama gi ta a pa di ɓai.

Psaumes 127:1

Dimèsh ndè a gi Zhiklè. Dimèsh Salomon. Aman Ndo nzi pèc pècèk a rèm gi azɓai, tenga man ta rèmèʼa ta gi mizlínè ambalai. Aman Ndo nzi pèc pècèk a ɓer kokwar azɓai, ndo mɓer kokwar a ɓerèʼa amɓalai.

Psaumes 147:13

Aman nengaʼa a dizla skwi mɓara ntamagi ngaya ngedeng-gedengaʼa, a pshè ta ma wudahi a sam ngaya.

Matthew 10:16

Na haha i zlinde kinè ara tambakihai a ndev kdadidakhai. Gar haha va-gu maya ara zhüzhokihai, va-lèɓèslè ara nkuɗhomhai.