Néhémie 6:9 - Ma Zhiklè

⁹ Tèlèba ta woy a ta pa nga zlau a gèɗ, a ta gaɗa: Ta hur nga da jèkeda mizlinè, a da ndivè azɓai. Aman i wosla va a mizlinè holholaʼa.

Néhémie 6:9 ပူးပေါင်းရင်းမြစ်များ

II Chroniques 15:7

Gar haha, kinè va-mana ndav kinè, ri kinè da ngots wuɗai, aman skwi ntul kinè a zhè.

II Chroniques 32:18

Ɓèlèlihi Sanchérib ta boho a wuɗai, a daʼai Juda, ta woy a ta pra ta zlau a va ndohi Jérusalem, man ta zhè a géɗ zlazlar, a ta woy a ta duma kokwar arsa.

Esdras 1:6

A nslamagihi ta, ta takaha ta a skwi tsaɗ tsaɗ tèlèba: sulai, guro, kolongwai, skwi kuɗom, a skwi mèshèlè kumba, a skwi man ta tsokolo ncèkèlè a vaʼa.

Néhémie 6:14

Zhiklè ga, hur skwi man Tobija a Sanballat ta gau, a Noadia, ngwoz nhadka ma, a ndohi nhadka ma ngiɗè man ta wov a ta pray zlau a va!

Psaumes 138:3

A pats man i baha ka, ka mbeɗkay a ma, ka va na wuɗi a ndav ga.

Psaumes 56:3

Mayamhi ga ta vèɗè htsan a hin daga prèk a nda na ma dakwaɗ. Ta kumba ta woy nʼndiyè a ma.

Psaumes 68:35

Va-sun wuɗi Bi Zhiklè! Nengaʼa a gi bai a géɗ Israel, a wuɗi nengaʼa a zhè te va vanai.

Psaumes 71:1

Ndo nzi pèc pècèk, i pi ndav ga a ka, ka pay hori a di bi fèt!

Esaie 40:29

A va ta wuɗai a ndohi man ta ngeza, a va ta wuɗai a ndohi man wuɗi ta azɓai.

Esaie 41:10

Ka gu zlau ɓai, i zhè a sam ngaya. Ka ngul di zlau lawlawa ɓai, aman i Zhiklè ngaya! I va ka wuɗai, i takaha ka ma ba, i gs ka te ri mandi ga man a ngul skwai.

Jérémie 38:4

Wud bihai ta gaɗa na bai: Sèi ta keɗa ndo haha! Aman nengaʼa a wushedama ta ri a ndohi var, man ta zhè te kokwar haha, ri ndohi kokwar tèlèba, man ta gaɗa ta ma haha. Ndo haha a vava a woy skwi mʼmbél ndohi haha ka ɓai, a woya a nzede ta.

Ezéchiel 30:24

I va na wuɗi a ri a bi Babylone, i va na tsakwal ga a rai, a i paslama na ri a bi Pharaon, man a dè ngèy va ara ndo man a ndi va mʼmetsai.

Zacharie 10:12

Ndo nzi pèc pècèk, nengaʼa wuɗi tengaʼa, a ta dè a ma te nzlembaɗ nengaʼa.

2 Corinthians 12:9

a nengaʼa a ngaɗayè: Pombi ga da dèʼa ka, aman wuɗi ga a gi te ndohi man wuɗi ta azɓai. Gar haha i woya man i jégèr va nshèlèkuraʼa a géɗ man wuɗi ga azɓai, a wuɗi Kristi a nzi a sam ga.

Ephésiens 3:16

Da va kinè wuɗai, ara mèshèlè nʼnjèl nengaʼa, aman kin gi a ndohi wuɗai te ndav kinè, te Mèzhèɓ nengaʼa.

Ephésiens 6:10

Te deɓaʼa: Va-nzala va kinè te Bi Zhiklè, a wuɗi nʼnjèl na!

Philippiens 4:13

I slaha skwi tèlèba a nda nengaʼa, man a vay wuɗai.

Hébreux 12:12

Gar haha va-zlatseda rihi kinè man ta ngeza, va-sala gurmbèzhi kinè man ntulè a keɗ ta.

1 Peter 5:10

Aman Zhiklè pombi tèlèba, man a baha kinè a sam nʼnjèl nengaʼa man a nzi a mèdèp te Kristi, a di a til kinè, a nzal kinè, a va kinè wuɗai, a pi verzi nshèffè kinè man a gidè va azɓai, kinè man antanta skwa a dza kinè kèshkata.

I Samuel 30:6

A David a nsau matakwan kumba, ndohi ta woya ta kèlè a kwa. Ndav a ndza ta a ndohi tèlèba a gèɗ wudahi a dalahi ta. Aman David a mpu ndav na a Ndo nzi pèc pècèk, Zhiklè na.