Néhémie 5:4 - Ma Zhiklè

⁴ Ndohi ngiɗè ta gaɗa: Nga co Suli a dua a nga pil budu bi a vna, a nga feda gi dau a gi lak a hi te diaʼa.

Néhémie 5:4 ပူးပေါင်းရင်းမြစ်များ

I Rois 9:21

wudwud tengaʼa man ta jèkaha va a kokwar, man ndohi Israel ta slaha ta dzam ta ɓai, Salomon a mpar ta a ɓèlèlihi ha patsna.

Esdras 4:13

Bi da suna: aman ta da rom kokwar zaʼa, a ta rufa zlazlar ma, ta pi budu asaɓai, ta da cèkèlè skwi asaɓai, ta da vi skwi duak asaɓai, bi a da ngècè skwi asaɓai.

Esdras 4:20

Bihi man wuɗi ta zhè ta nza te Jérusa-lem, a ta kwor herkeda tèlèba te wud woyam, a ta tsokolo skwi te pa, a budu, a duak.

Esdras 7:24

A géɗ ndohi mvi skwi a Zhiklè tèlèba, a ndohi Lévi, a ndohi nfi dimèsh, a ndohi mɓer ntamagai, a ndohi ntil gi Zhiklè, i gaɗa kinè: sèi kin jhèɗè budu a duak te ri ta azɓai, a kin cèkèlè skwi a sam ta azɓai.

Néhémie 5:3

Ndohi ngiɗè ta gaɗa: Sèi nga vi gi dau a gi lak a gi nga a hai a nslembolom, a nga ngècè dau te ndev mai.

Néhémie 9:37

Skwi man nga ɓicè kumba, a bihai man ka pe ta a bai a géɗ nga. Nasa a géɗ mali nga. Ta gi bai a géɗ nga, a géɗ skwi nga, ara man ndav ta a woyaʼa, a nga si matakwan kumba.

Proverbes 22:7

Ndo mèshèlè a kwor ta ndohi ntawassaʼa. Ndo man dua a gèɗ, a gi ɓèlè bab skwi man a nco te ri na.

Josué 16:10

Aman ta dzam ta ndohi Canaan man ta nza te Guézer ɓai, a ndohi Canaan ta nza te ndev ndohi Ephraim, ha patsna. Aman ta pe ta a mizlinè ɓèlè.