Néhémie 5:2 - Ma Zhiklè

² Ndohi ngiɗè ta gaɗa: Wudahi nga a dalahi nga, nga tèlèba, nga kumba. Sèi nga gi maya dau, aman nga ndiaʼa, a nga mbel nga.

Néhémie 5:2 ပူးပေါင်းရင်းမြစ်များ

Genèse 41:57

A ndohi ta shkè te man a verzi gai tèlèba, a kokwar Egypte, a sam Joseph, aman ta shum dau; aman mi a gi a herkeda a vata.

Genèse 42:2

I tsena, dau nshumè a zhè te kokwar Egypte; vo-do, a kin da sumko nga dau, a nga nzi a nshèffè, a nga tiɗ nga azɓai.

Genèse 43:8

A Juda a ngaɗa na Israel, bab na: Vay kra, a nga slèmbèɗè, a nga dè, a nga mbél nshèffè nga; nga da tiɗ nga, nga a nda ka a wudahi nga tèlèba.

Genèse 47:19

Ka woy a nga teɗ nga a sam di ngaya, a dak nga a nde na hèshèkèɗ ɗè? Suma nga va nga a dak nga a skwi nʼndai, a nga gi ɓèl Pharaon, a dak nga a nengaʼa. Va-nga tser skwai, a nga nzi a nshèffe, nga da bazl nga bai, a dak nga da nda a hèshèkèɗ ɓai.

II Rois 4:1

Ngwoz gol ndohi nhadka ma ngiɗè a ntsu ri a sam Elisée, a ngaɗa: Baki ga, hel ngaya, mʼmets na. Ka ha ka suna, ɓèl ngaya a nslubordo Zhiklè. Ndo man dua nengaʼa a zhè te ri na, a mshke, a woy aman a helamay wudahi ga cèw, a ga ta a ɓèlèlihai.

Néhémie 5:3

Ndohi ngiɗè ta gaɗa: Sèi nga vi gi dau a gi lak a gi nga a hai a nslembolom, a nga ngècè dau te ndev mai.

Aggée 1:6

Kin zleki skwi a vata, kin ɓicè kèshkata gené. Skwi nʼndi kinè a zhè, aman a ngeza kinè azɓai. Skwi nsi kinè a zhè, aman a ngeza hwaɗ azɓai. Maslaka kinè a zhè, aman a slaha a ntsa kinè mtasl azɓai. Ndo mizlinè a ngècè sulai, aman verzi gozhèm nengaʼa nzlina.

Mal. 2:2

Aman kin fi zlembaɗ azɓai, a kin fi gèɗ a kin njèl nzlembaɗ ga azɓai, i pra kinè ma man a phomde kinè a gèɗ, a i ngwode mpshè ma kinè a ma mphomdaʼa. Halau, i da phomde kinè, te man kin fi gèɗèʼa azɓai.

Deutéronome 23:19

Aman kramam ngaya a jhèɗè skwi a sam ngaya, ka dzhoɗ skwi a deɓa a mpataka a vaʼa te ri nengaʼa ɓai, ko sulai, ko skwi nʼndai, ko skwi mèmè.