Néhémie 13:2 - Ma Zhiklè

² a géɗ man ta lamaha ta ndohi Israel a movar a iyam ɓai, a ta baha na Baalam, da phomda Israel; aman Zhiklè a ngwoda ma mphomdaʼa a ma mpshè ma.

Néhémie 13:2 ပူးပေါင်းရင်းမြစ်များ

Psaumes 109:28

Aman tengaʼa ta dérɗè ndo, – ka, ka pshè ma; a ndohi mpinyè ta ngècè hori a dai; aman ɓèl ngaya da ngots mwuffè.

Michée 6:5

Ndohi ga, va-hur skwi man Balak, bi Moab, a woy a nʼnga kinè, a ma man Balaam, kra Beor, a mʼmbeɗa na a ma, daga Sittim, ha ndè Guilgal; aman a ka shin ngi-zuraʼa Ndo nzi pèc pècèk!

Nombres 23:18

A nengaʼa a nhüno ngèɗè, a ngaɗa: Balak, slambaɗa, tsenaʼa! Kra Tsippor, fay zlembaɗ!

Matthew 25:40

Bai a ngaɗa ta: A vava i gaɗa kinè, aman kin gu arsa a sam mbelaw ndo staɗ te ndev kramamhi ga haha, kin gay a iyè.

Deutéronome 23:3

Ndo Ammon, ndo Moab, ta te va mpi ndohi Ndo nzi pèc pècèk ɓai, ko verzi ta a gi 10, a mèdèp.

Deutéronome 23:4

A géɗ man ta va kinè movar a iyam ɓai, a civèɗ, man kin shkè auda te kokwar Egypte; a géɗ man ta ruɓ Balaam, kra Beor, te Pethor, te Mésopotamie, da phomde ka.

Deutéronome 23:5

Aman Ndo nzi pèc pècèk, Zhiklè ngaya, a woya a ntsena ma Balaam ɓai, te man Ndo nzi pèc pècèk, Zhiklè ngaya, a woy ka.

2 Peter 2:15

Ta jèkeda civèɗ nzuraʼa a ta zlak ta, a ta dzodzor civèɗ Balaam, kra Béor, man a woy sulai te ngi skwi zura ka ɓai.