Néhémie 12:27 - Ma Zhiklè

²⁷ A pats ngolala nrufa zlazlar Jérusalem, ta baha ta ndohi Lévi a sam tèlèba man ta nza a pa, aman ta shkè Jérusalem, a ta gi ngolala nrufa zlazlar, a mwuffe, a nshid gèɗ, a dimèsh, a dasal, a tèzlèzlèu, a ganzavar.

Néhémie 12:27 ပူးပေါင်းရင်းမြစ်များ

II Samuel 6:12

Aman ta ngra na bi David: Ndo nzi pèc pècèk a mpshè na ma gi Obed-Edom a skwi nengaʼa tèlèba, a géɗ koti Zhiklè, David a ndo, a nckoɗi koti Zhiklè auda te gi Obed-Edom, a ndaʼa a kokwar Jérusalem a mwuffe.

I Rois 8:63

Salomon a zla na skwi a Ndo nzi pèc pècèk a nshid gèɗ; zlèhi 22.000, a tambakihi 120.000. Aranta bai a ndohi Israel tèlèba ta gau ngolala nwin gi Ndo nzi pèc pècèk.

I Chroniques 13:8

David a ndohi Israel tèlèba ta gècè a vata a sam Zhiklè, ta sli dimèsh, a ta tsi ganzavar, a tèzlèzlèu, a ganga, a dakocèr a tolom.

I Chroniques 15:12

A ngaɗa ta: Kinè tsuvomhi ndohi Lévi: Va-tila ndav kinè, kinè a kramamhi kinè, a kin ckoɗi koti Ndo nzi pèc pècèk, Zhiklè Israel, a sam man i tila na.

I Chroniques 15:16

A David a ngaɗa ta tsuvomhi Lévi, aman ta Zlatseda ndohi nsli dimèsh, gwoli ta, a skwi nsli dimèsh tsaɗ tsaɗ, ara ganzavar, tèzlèzlèu, dasal man a slhè, a ta sli dimèsh a deɓaʼa a mwuffè.

I Chroniques 15:28

Aranta ndohi Israel tèlèba ta da koti nderzlè-ma Ndo nzi pèc pècèk a pa a mwuffe, a dimèsh, a ntsi tolom, a dasal, a ganzavar, a tèzlèzlèu.

I Chroniques 15:4

David a mɓic ta wudahi Aaron a ndohi Lévi:

I Chroniques 16:42

Héman a Jeduthun ta ngots tolom, a dasal man a slhè, a skwi dimèsh Zhiklè. A wudahi Jeduthun ta zlatsa a ntamagai.

I Chroniques 16:5

Asaph, tsuvomaʼa, Zacharie ndzadzarda, te deɓaʼa Jeiel, Shemiramoth, Jehiel, Matthithia, Eliab, Benaja, Obed-Edom a Jeiel, a skwi dimèsh tengaʼa, ganzavar a tèzlèlèu. Asaph a gècèdè dasal.

I Chroniques 23:5

4.000 ta da gi a ndohi mɓer ntamagai; 4.000 ta da shid gèɗ a Ndo nzi pèc pècèk a deɓ skwi man ta tsaiaʼa, man i gau a ta slébèrdè Zhiklè.

I Chroniques 26:31

Te va ndohi Hé-bron, Jerija nshèlèkuraʼa, te verzi Hébron. Aman David a ngu bi te mvi 40aʼa, ta jénjèr verzi ta, a ta ngots ngul ndohai, slagamhai te va tengaʼa te Jaezer te Galaad.

II Chroniques 29:25

A mpe ta ndohi Lévi a gi Zhiklè, a ganga a tèzlèzlèu, a ganzavar, ara man David a goɗa; a Gad, ndo nsun skwi bai, a Nathan, ndo nhadka ma. Skwi haha man Ndo nzi pèc pècèk a goɗ te ma ndohi nhadka ma.

II Chroniques 29:30

Te deɓaʼa bi Ezéchias a tsuvomhai ta gaɗa ta ndohi Lévi, aman ta slébèrdè Ndo nzi pèc pècèk, a ma man David a Asaph, ndohi nhadka ma, ta gaɗdahai. A ta slubordo Ndo nzi pèc pècèk, a ta wuffa a ta gurɓahai a ta kalahai a deɓ sak ta.

II Chroniques 5:13

Aman ta tsu tolom a ta slu dimèsh, a cinè ara daʼai ndo staɗ, a nslébèr-dè a nʼnjèl Ndo nzi pèc pècèk. Aman ta hüno ntsi tolom, a ta tsi ganzavar a tèzlèzlèu a ta fu dimèsh nshid gèɗ a Ndo nzi pèc pècèk: aman nengaʼa amba, a pombi nengaʼa a nzi a mèdèp; vani nʼndha te gi Zhiklè.

II Chroniques 7:6

Ndohi mvi skwi a Zhiklè ta zlatsa a sam mizlinè ta, a ndohi Lévi ba a skwi dimèsh Ndo nzi pèc pècèk man bi David a ngau, aman a nslubordo Zhiklè a vna, a ta slu dimèsh: Va-shüd gèɗ a Ndo nzi pèc pècèk, te man pombi nengaʼa a nzi a mèdèp. A ndohi ntsi tolom ta tsu tolom zuraʼa a ma ndohi mvi skwi a Zhiklè, a ndohi Israel tèlèba ta zlatsa a tsagi tengaʼa.

Esdras 6:16

Ndohi Israel, ndohi mvi skwi a Zhiklè, ndohi Lévi a njèkèɗi ndohi man ta menkada deɓa te ɓèlè, ta gu ngolala mwi-nè gi Zhiklè haha, a ta wuffè.

Néhémie 11:20

Njèkèɗi ndohi Israel, ndohi mvi skwi a Zhiklè, ndohi Lévi, te kokwar Juda tèlèba, staɗ staɗ tèlèba te skwi nʼndi gi na.

Néhémie 12:43

A pats nasa ta va na skwi a Zhiklè a vata, ta wuffè, a géɗ man Zhiklè a mva ta mwuffè a ndav. Ngwozi ba a wudahi ba ta wuffè, nhèzlèwè m wuffè Jérusalem a cinè dra.

Néhémie 8:17

Mpi ndohi tèlèba – tengaʼa man ta menkada deɓa te ɓèlè – ta gu godzovok, a ta nza a pa. Daga pats man Josué, kra Nun, a zhè, ha patsna, ndohi Israel ta ga arsa ɓai, a mwuffè mbiaʼa a zhè.

Psaumes 149:3

Sèi ta shid gèɗ a nzlembaɗ nengaʼa te ngècè; sèi ta sli dimèsh a géɗ nengaʼa a tèzlèzlèu a ganzavar.

Psaumes 30:1

Psaume. Dimèsh ngolala mwin gi Zhiklè. Man a David.

Deutéronome 16:11

Ka dawuffèasam Ndo nzi pèc pècèk, Zhiklè ngaya, a sam man Ndo nzi pèc pècèk, Zhiklè ngaya, a ngotskoɗauda, a nzlembaɗ na a nzi a pa: kinè, kra ngaya, nguraʼa a demaʼa, ɓèl ngaya, ko nguraʼa ko ngwoz, ndo Lévi mana zhè a sam ngaya, ndo man verzi na tsaɗ, kra dikai, ngwoz mazai man ta zhè a sam ngaya tèlèba.

Deutéronome 20:5

Te deɓaʼa bihi ndohi var sèi ta gaɗa ta ndohai: Ngau gi tok-tok man a nʼnza a pa di ɓi wa? Do do na, da mena a deɓa a gi na, man ɓai man a da metsi na te var, ndo ngidè a da nzi a pa.

Philippiens 4:4

Va-wuffa te Bai Yèsu pèc pècèk, a i gaɗa kinè zaʼa: Va-wuffa!

Apocalypse 5:8

Ncè ɗèlèwèr na, skwihi faɗ a nshèffè, a ndohi nhalaʼa 24, ta kalahi a deɓ sak kra tambak. Tèlèba te ndev ta ta ngots ganzavar a kokwi guro, nʼndha a burdi. Nasa ntsi ri ndohi Zhiklè.