Néhémie 1:9 - Ma Zhiklè

⁹ Aman kin da menkada deɓa a sam ga, a kin jèjèr ma nkwèr ga zuraʼa, ko kin venda gèɗ a verzi herkeda, i da ɓicka kinè a deɓa, a i de kinè a sam man i ngotskoɗauda, a nzlembaɗ ga da nza a pa.

Néhémie 1:9 ပူးပေါင်းရင်းမြစ်များ

I Rois 8:48

A ta ngwodko ndav ta tèlèba a sam ngaya, a nhér gèɗ ta tèlèba, te kokwar man mayamhi tengaʼa ta par ta a ɓèlè, a ta ngwoda na ma a kokwar man ka va ta babhi ta, a kokwar man ka ngotskoɗauda a gi man i gu a nzlembaɗ ngaya, a ta tsi rai a ka helka ta auda;

I Rois 9:3

A Ndo nzi pèc pècèk a ngaɗa na: I tsena ntsi ri a kuɗa ngaya man ka herdakay va a vna. I ga gi man ka rom a nzlembaɗ ga a gi nkezlaʼa a mèdèp. Di ga a pa, ndav ga a pa pèc pècèk.

I Chroniques 16:35

Va-goɗo: Mbel nga, Zhiklè, ndo mʼmbel nga! Ɓicka nga a deɓa, preka nga auda a sam ndohi nte deɓa, aman nga da shid gèɗ a nzlembaɗ ngaya nkezlaʼa, a nga ngècè nʼnjèl nga te nslébèrdè ka.

Esdras 6:12

Zhiklè man nzlembaɗ nengaʼa a nzi a pa a sam haha, da kalda bi staɗ staɗ tèlèba auda te bai, da gedassa ndohi tèlèba man ta gi maya a ta gi mèdègèd a sam ma bi haha a ta woy a ta gedassa gi Zhiklè te Jérusalem. Iyè, Darius, i goɗ ma haha. Sèi ta gi arsa ndèzl zura-zuraʼa!

Psaumes 106:47

Ndo nzi pèc pècèk, Zhiklè nga, mbel nga, ɓicka nga a deɓa te va ndohi nte deɓa, a nga shida na gèɗ a nzlembaɗ ngaya nkezlaʼa, a nga ngècè nʼnjèl nga te nslébèrdè ka.

Psaumes 107:3

tengaʼa man a ɓicka ta a deɓa tʼherkeda te civèɗ mvèng pats, te civèɗ nkèl pats, te man a tsagi a tsagai.

Psaumes 147:2

Ndo nzi pèc pècèk a da dadaya Jerusalem zaʼa, a da helka ta ndohi Israel a deɓa zaʼa.

Esaie 11:12

A zlècedè skwi malwuɗai a sam ndohi tèlèba. A da ɓicka ta ndohi Israel man ta hu ta, a deɓa, a da lèka ta ndohi Juda man ta ksar ta a deɓa te tsagi herkeda faɗ.

Esaie 27:12

A pats nasa Ndo nzi pèc pècèk a da kizlè dau, a hinè te woyam Euphrate, ha ndè a woyam Egypte. Ta da par kinè tʼhai, staɗ staɗ, kinè ndohi Israel.

Esaie 56:8

Bi Zhiklè man a ɓic ta ndohi Israel man ta venda gèɗ ta, a goɗ arsa: I da ɓic ta ndohi ngiɗè a vaʼa, a va ndohi mɓicaʼa.

Jérémie 12:15

Aman i dumdaussa ma, ta da siyè te va zaʼa, i da helka ta a deɓa, staɗ staɗ tèlèba a sam skwi nʼndi gi na, staɗ staɗ tèlèba a kokwar na.

Jérémie 3:14

Kinè ndohi man kin kwolyè, va-menkaɗa deɓa, Ndo nzi pèc pècèk a gaɗa. Iyè, i bi kinè, I woy a i cè staɗ staɗ te kokwar staɗ staɗ tèlèba, a i hilè te verzi kinè tèlèba cèw cèw, a i de kinè a kokwar Sion.

Jérémie 31:10

Va-tsena ma Ndo nzi pèc pècèk, ndohi herkeda! Va-njo dra Tʼherkeda nte ndev iyam! Va-gaɗa: Nengaʼa man a nksara Israel, a da ɓicèʼa, a da ɓirèʼa, ara ndo mɓer skwai man a wèr rèwè na.

Jérémie 32:37

Na haha, iyè i da ɓic ta te herkeda tèlèba, man i dzam ta a pa a ndav, a ndzoan, a shèwa ga mbiaʼa, a i da helka ta a deɓa a haha, a i gi aman ta nzi a gumai.

Jérémie 6:22

Ndo nzi pèc pècèk a goɗ ar haha: Na haha ndohi kokwar ta shkè te civèɗ man a géɗèʼa, ndohi rèdèdèa ta shkè te verzi herkeda.

Ezéchiel 14:6

Gar haha gaɗa ta ndohi Israel: Bi Zhiklè a goɗ ar haha: Va-ngwoda ta deɓa a vrihi kinè! Va-jèkeda skwi hori kinè tè-lèba!

Ezéchiel 36:24

I da parka kinè a deɓa tʼherkeda tèlèba. I da ɓic kinè, a i de kinè a deɓa a ngwai a kokwar kinè.

Lèv. 26:3

Aman kin jèjèr ma nkwèr ga, a ma kita ga, a kin gi aranta,

Zacharie 8:7

Zhiklè bi mbiaʼa a ngaɗa: Na haha, i woy a i mbel ta ndohi ga, a hünko te civèɗ mvèng pats, a ndè a civèɗ nkèl pats.

Matthew 24:31

A nengaʼa a di a zlinde ta golahi nengaʼa, a ta tsi tolom mbiaʼa, a ta ɓic ta ndohi mparahiaʼa, te tsagi herkeda faɗ, te verzi gai, ndè a verzi gi ngiɗè.

Deutéronome 12:21

Aman sam man Ndo nzi pèc pècèk, Zhiklè ngaya a ngotskoɗauda, a mfeda nzlembaɗ na a pa, dra a sam ngaya, sèi ka zli te va zlè a tambak man ka va na Ndo nzi pèc pècèk, ara man i njè ka a gèɗ; a ka da ndau te gi ngaya.

Deutéronome 12:5

Sèi kin dè a sam man Ndo nzi pèc pècèk, Zhiklè kinè, a ngotsko dʼauda a ndohi te verzi kinè, aman nzlembaɗ nengaʼa da nza a pa. Sèi kin dè a pa!

Deutéronome 30:1

Aman skwi haha tèlèba a da ga ka, mpshè ma ba a ma mphomdaʼa ba man i ngra ka – aman ka da cè a ndav zuraʼa te ndev ndohi herkeda tèlèba man Ndo nzi pèc pècèk, Zhiklè ngaya, a da dzam ka a pa,