Néhémie 1:6 - Ma Zhiklè

⁶ Foko zlembaɗ, poko dai, tsena ntsi ri ɓèl ngaya, man i tsi ri a ka a pats a vaɗ a géɗ ndohi Israel, ɓèlèlihi ngaya, a i njè ma mali ndohi Israel. Nga gu mali a sam ngaya. Ko i ba a ndohi gi bab ga, nga gu malai.

Néhémie 1:6 ပူးပေါင်းရင်းမြစ်များ

I Rois 8:30

Sèi ka tsena ntsi ri ɓèl ngaya, a ndohi Israel, ndohi ngaya, man ta tsi ri a ka, a sam na haha. A vava sèi ka cèʼa, a sam nʼnzi ngaya te zhiklè te géɗèʼa. Ka da tsenaʼa a ka da pra nga mali nga.

I Rois 8:47

a ta hér mali ta te kokwar man ta gi ɓèlè te pa, a ta ngwoda ndav ta, a ta tsi ri a ka, te kokwar ndohi ndum ta, a ta gada: Nga gu malai, nga gau ambaɓai, nga gau skwi man ambaha Zhiklè ɓai!

II Chroniques 28:10

Antanta kin hur a kin da ge ta wudahi Juda a Jérusalem a ɓèlèlihi kinè a dalahi mizlinè kinè. Aman kinè, kin gi mali, a sam Ndo nzi pèc pècèk, Zhiklè kin, è, azɓi ɗè?

II Chroniques 29:6

Babhi nga ta gu malai, ta ga skwi man ambaha Ndo nzi pèc pècèk, Zhiklè nga, ɓai. Ta jèkeda, ta peda di aussa, a ta ngwoda na deɓa a sam nʼnzi Ndo nzi pèc pècèk.

II Chroniques 6:40

Anai, Zhiklè ga, paka di a hai, winè zlembaɗ ngaya a ka tsena ntsi ri a sam na haha!

Esdras 10:1

Aman Esdras a ntsu rai, a nju ma mali na, a nkuɗai, a ngurɓahi a ma gi Zhiklè, ndohi Israel kumba kumba ta ɓica va a sam na, ngurhi a ngwozi a wudahi, a ta kuɗi a vata.

Esdras 10:11

Antanta va-ngreda na mali kinèa Ndo nzi pèc pècèk, Zhiklè babhi kinè; va gu skwi man a woyaʼa! Va-ngulko va kinè auda te va ndohi kokwar, te va ngwozi man verzi ta tsaɗ!

Néhémie 1:11

Wa Ndo nzi pèc pècèk, foko zlembaɗ a ntsi ri ɓèl ngaya, a ntsi ri ɓèlèlihi ngaya man ta woy a ta gi zlau nzlembaɗ ngaya! Halau, takaha ɓèl ngaya a patsna, i da su bi ga te va! Te ndev nasa i ndo ngsa na zom a bai.

Psaumes 102:17

Aman Ndo nzi pèc pècèk a da rèm Sion zaʼa, a da ngrédè va na te nʼnjèl na,

Psaumes 106:6

Nga gu mali lèmèlèmè ara babhi nga. Nga gu maharam, nga gu mphömè.

Psaumes 130:2

Tsena daʼai ga! Fu zlembaɗ a ntsi ri ga mbuh mbuhaʼa!

Psaumes 32:5

Te deɓaʼa i ngreda ka mphömè ga auda, i ngheda mali ga ɓai. I gaɗa: I woy a i ngreda na maharam ga a Ndo nzi pèc pècèk. A ka, ka pray mphömè mali ga.

Psaumes 34:15

do do na auda a sam skwi ambaɓiaʼa, da gau skwi man amba, da woy gumai, da hu a verzi nengaʼa.

Psaumes 55:17

I woy a i kuɗi a sam Bi Zhiklè, a Ndo nzi pèc pècèk a da mbelyè.

Psaumes 88:1

Dimèsh. Psaume ndohi Koré. Dimèsh Héman, ndo Ezrach.

Esaie 6:5

I gada: Wobau, i da gédèsh ga; aman tapidaf ma ga a gèɗè ma nlizhèʼa, a i nza te ndev ndohi man tapiɗaf ma tengaʼa gèɗè ma nlizhèʼa, a i rka Bai, Zhiklè bi mbiaʼa, a di ga!

Lamentations de Jérémie 5:7

Babhi nga ta gau malai, tengaʼà man ani tʼasaɓai. A nga, mali tengaʼa a gèɗ nga.

Daniel 9:15

Anai Bi Zhiklè nga, ka man ka helka ta ndohi ngaya auda te kokwar Egypte a wuɗi ri ngaya, man ka ga nzlembaɗ ngaya a mbiaʼa ha patsna, nga gu malai, nga ga skwi man ambaha ka ɓai.

Daniel 9:20

Aman i gèɗè dai, a i tsi ri dai, a i nju ma mali ga a mali ndohi Israel, ndohi ga, dai, a i tsu ri mbuh mbuh a sam Ndo nzi pèc pècèk, Zhiklè ga, a géɗ za Zhiklè ga nkezlaʼa,

Daniel 9:4

a i tsu ri a Ndo nzi pèc pècèk, Zhiklè ga, a i nju ma, a i gada: Wa, Bi Zhiklè mbiaʼa, mwuɗitpa, man ka ɓer nderzlè-ma a sam ndohi man ta woy ka a ta jèjèr ma nkwèr ngaya, a ta se ka te va.

Daniel 9:5

Nga gu malai, nga gau ambaɓai, nga woy ka ɓai, nga kwol ka, nga jèkeda ma nkwèr ngaya, a ma ngaya man a de nga.

Daniel 9:8

Ndo nzi pèc pècèk, hori a di nga, a di bihi nga, a di tsuvomhi nga, a bababhi nga, a gèɗ man nga gu mali a sam ngaya.

Luke 18:7

A Zhiklè a takaha ta ndohi man a parka ta, azɓi dè, man ta tsi riaʼa a pats a vaɗ? A gi ndawali a ntakaha ta dè?

Luke 2:37

A nʼnde na a ngwoz mazai, ani mvi na 84 ma. A njèka gi Zhi-klè ɓai, ko a pats, ko a vaɗ, a ngu mizlinè Zhiklè a njèkeda skwi nʼndai, a ntsi rai.

Ephésiens 2:3

Nga ba, nga gu arsa zlèzlèʼa, nga dzadzara ntétékè te va nga. A nga gu skwi man va nga, a nhér gèɗ nga a woyaʼa. Nga ndohi man ndzoan Zhiklè a gèɗ, te nyakaɗ nga, lèmèlèmè ara ndohi ngiɗè.

1 Timothy 5:5

Aman nengaʼa ngwoz diki a vava, man a nza a géɗ na, a pi ndav a Zhiklè, a tsi rai, a gi mbuh mbuh, a vaɗ a pats.

2 Timothy 1:3

I shid gèɗ a Zhiklè, nengaʼa man i jèjèrèʼa a mèzhèɓ ndav mpanaʼa, ara man babababhi ga ta gau, a i tsi ri a géɗ ngaya pèc pècèk, a pats a vaɗ.

1 John 1:9

Aman nga ngreda mali nga auda, nengaʼa nlèɓèslèa a nzuraʼa, aman a pra nga mali nga, a pan nga te skwi man nzura ka ɓai tèlèba.

I Samuel 15:11

Ndav a dzayè a gèɗ man i feda Saul a bai; aman nengaʼa a nʼngwoday deɓa, a ndzodzor ma ga ɓai. A ndav Samuel a mʼmbeɗ na, a kuɗi a sam Ndo nzi pèc pècèk tʼhwaɗ vaɗ sa tèlèba.