5 Na haha i woy a i ga ka kita, Zhiklè bi mbiaʼa, a gaɗa. I cèma ka maslaka auda a gèɗ, a ndohi herkeda ta rka ka adai, a kokwar-bihai ta rka hori a di ngaya.
a géɗ skwi haha tèlèba i woy a i ɓic ta ndohi tèlèba man ka gu mphömè a nda ta, man ka ambaha ta, tèlèba man ka woy ta, tèlèba man ka gu mayam ta. I da ɓicko ka a gèɗ te sam tèlèba. I da ngredeka ka auda a sam ta, ka adai, a ta rka hori ngaya tèlèba.
Ka da gaɗa na sam nhèyè wof, te civèɗ dukwaɗ: Tsena ma Ndo nzi pèc pècèk! Bi Zhiklè a goɗ ar haha: Na haha i vècè vogwa te ndev ngaya, man a ndeda wof mɓayaʼa a wof ngworaʼa tèlèba a ma a sam ngaya. Nèʼèn vogwa a da mbècè azɓai, a nde ta ndohi tèlèba a ma, a hinè te dukwaɗ, ha ndè man a géɗèʼa.
I woy a i gi srak a géɗ ngaya a ta ga ka skwi a shèwa. Ta ngelama ka htsan a zlembaɗ, a ndohi te verzi ngaya ta bazl ta a tsakwal. Ta da helama ka wudahi a dalahi ngaya, a ta fa ta vogwa a ndohi te verzi ngaya.
Ta da ga ka shèwa, skwi tèlèba man ka ɓüco, ta cèma ka, a ta jèke ka a pa adai, skwa az a va ngaya bai, a mphömè ngaya a ngredekaɗauda. A géɗ skwi hori man ka gu a ntétékè ngaya,
Marizhèlè a ngso skwai, aman wudahi nengaʼa ta ngézhè, a ngso skwai a géɗ mam marizhèlèhai, a nʼndha gi na a skwi man a gso, a skwi man a cizlèʼa a sam mʼmènè na.