Nahum 2:10 - Ma Zhiklè

¹⁰ Va-gu metsar verzhègenè, va-gu metsar guro! Skwi mèshèlè a ndev ɓai. Kolongwi nengaʼa mbelaʼa a zhè a vata.

Nahum 2:10 ပူးပေါင်းရင်းမြစ်များ

Genèse 1:2

Herkeda ntil ɓai, kurndazlndazlaʼa. Ruva a nʼnza a géɗ drav iyam, a Mèzhèɓ Zhiklè a zhè a géɗ iyam.

Psaumes 22:14

Ta winkoy ma tengaʼa a gèɗ, ara marizhèlè man a kuɗkaɗa a rai, a woy a ndi zluèɗ.

Esaie 14:23

Gi nengaʼa i geda a gi matakwas, a draɓ, a i patsedaussa a sambak ngédèshè skwai, Zhiklè bi mbiaʼa a gaɗa.

Esaie 21:3

A géɗ nengaʼa a gurtsedyè te va. I dish va ara ngwoz man a yi kra. Matakwan a ndèmay zlembaɗ, a payè a dai.

Esaie 24:1

Na haha Ndo nzi pèc pècèk a kslahda skwi aussa a géɗ herkeda, a gedassaʼa, a ngwoda herkeda a hwaɗaʼa, a ksar ta ndohi a géɗ herkeda.

Jérémie 30:6

Vo-dzhoɗo a kin wora: nguraʼa a ɗish kra ɗè? I rka ngurhi tèlèba, ri a godor, ara ngwoz man a ɗish kra èhèmè, a di tengaʼa a nʼngwode na.

Jérémie 49:23

A gèɗ Damas: Hamath a Arpad ta mbeɗ ta. Ta tsena ma ambaɓiaʼa; ta gudzai, ara iyam man a nzi géɓitèʼa azɓai.

Jérémie 51:62

Ndo nzi pèc pècèk, ka ka goɗ a géɗ sam haha, ka da zeda, a ndo a da nzi a pa azɓai, ko ndo, ko skwi dak, aman hèshèkèɗ a mèdèp.

Jérémie 8:21

Matakwan ndohi ga a gay matakwan a iyè ba; i lèyè, zlau a ngsyè.

Ezéchiel 21:7

Ka ndo, peda di a civèɗ kokwar Jérusa-lem, goɗ ma ngaya a géɗ sam nkezlaʼa, hod ma a géɗ herkeda Israel!

Ezéchiel 31:15

Gar haha Bi Zhiklè a gaɗa: A pats man wof gevda kala a gi dzavai, woyam a kuɗiaʼa. Iyam a hi a pa azɓai, iyam mbiaʼa a zlècè hai. A gèɗ nengaʼa i va na maslaka sam kuɗa a va a Liban, a wofhi te dak tèlèba ta ɓerzl ta.

Daniel 5:6

A bai a ngu zlau henzalalaʼa, a hér gèɗ zlau, vatasl deɓ nengaʼa a nverzl na, a nruɓa na vatasl a va kurɓ kurɓaʼa.

Joel 2:6

Ndohi ta wush ta hi a ma tengaʼa te ri zlau, a nʼngwode ta kuftorhaʼa.

Nahum 2:2

Ndo ngedassa skwai a shkè, a woya a gedas ka. Ɓür gi ngaya ndakmaʼa! Ngelda di a civèɗ, dzawa va ngaya! Sala va ngaya a wuɗai!

Nahum 3:7

Ko wawa man a da rka ka, a da hi na auda a sam ngaya, a gaɗa: Ninive ngedassa ma! Nda kuɗiaʼa wa? Ndè bidèʼa wa?

Sophonie 3:6

I gedassa kokwar-bihai, gi ndohi ngurèʼa te va zlazlar kokwar ta mbeɗ ta, ndo a bizhè a civèɗ tengaʼa azɓai, ndo a shèwèlè te kokwar azɓai, kokwar tengaʼa ndumda ma, ndo a te pa ɓai, ndo a nzi a pa azɓai.

Josué 2:11

Aman nga tsena ma haha, ndav nga a mʼmbeɗ na, a kin pra nga zlau a va. Aman Ndo nzi pèc pècèk, Zhiklè kinè, nengaʼa Zhiklè te zhiklè te géɗèʼa, a Zhiklè a géɗ herkeda ba.

Josué 7:5

Ndohi Ai ta bazl ta ndohi Josué a gi 36, a ta dzamka ta njèkèɗi ndohai auda a ntamagi kokwar, ha ndè a Shebarim. A ta bazl ta, man ta sulomahai a godok. A ndav ndohi Josué a mʼmbeɗ na, a ngwodama ta gèɗ.