Michée 7:19 - Ma Zhiklè

¹⁹ Nga da sia te va zaʼa, a da kerɗda mali nga a hwaɗ sak na. Ka da wusheda mali nga tèlèba a drav iyam mbiaʼa.

Michée 7:19 ပူးပေါင်းရင်းမြစ်များ

II Samuel 24:14

David a ngaɗa na Gad: I gi zlau a vata; aman dara nga kala a ri Ndo nzi pèc pècèk. Aman nengaʼa, ndohi ta sia te va a vata. I woy a i kèlè a ri ndohi ɓai.

Psaumes 103:12

Ara man nvangkaɗ pats na dra a sam nkèl pats, lèmèlèmè a helda mali nga dra.

Psaumes 130:8

Nengaʼa a da preka ta ndohi Israel auda te mali tengaʼa tèlèba.

Psaumes 85:3

Ka pra ta malai a ndòhi ngaya, ka fa na kwa a gèɗ a mali tengaʼa tèlèba.

Esaie 33:24

Ndo man a gaɗa: i mbelakaɓai, az te kokwar ɓai. A ndohi te kokwar Jérusalem, mali tengaʼa mpraʼa.

Esaie 38:17

A vava, skwi man a dzay te ndav ɗekeɗekeʼa, a nʼngwoda na a gumai; ka ngskay a deɓa a ma vèvèɗ mʼmetsai, man i woya a i kèlèhi a pa. Ka wusheda mali ga tèlèba a deɓ ngaya.

Esaie 43:25

Iyè, i pana mali ngaya, a gèɗ ngaya ka ɓai, a gèɗ va ga; a i her mali ngaya te deɓaʼa asaɓai.

Jérémie 31:20

Ephraim kra ga mbelaʼa, kra ga man i wuffè a géɗ nengaʼa, man pèc pècèk i slefiaʼa, i woya a i hérèʼa, di ɗè? Ndav ga a gudzi a géɗ nengaʼa, a siyè te va, a vava, Ndo nzi pèc pècèk a gaɗa.

Jérémie 31:34

Ngidè a slebda na nslamagi na azɓai, kramam ngiɗè a slebda na kramam na azɓai, a ngaɗa: Va-sun Ndo nzi pèc pè-cèk! Aman tengaʼa tèlèba ta da senyè, ko nkèshèa, ko mbiaʼa, Ndo nzi pèc pècèk a gaɗa. Te deɓaʼa i da pra ta mphömè ta, i da hér mali tengaʼa asaɓai.

Jérémie 33:8

I da pan ta te mali tengaʼa tèlèba, man ta gu mali a sam ga; i da pra ta mali tengaʼa tèlèba, man ta gu mali a sam ga, a ta jèkyè.

Jérémie 50:20

A pats nasa, te ndev nasa, Ndo nzi pèc pècèk a gaɗa, ta da woy mphömè Israel; aman nʼasaɓai. Ta da woy mali Juda; ta da ngècè asaɓai, te man i da pre ta, a njèkèɗi man i jèka ta.

Lamentations de Jérémie 3:22

Pombi Ndo nzi pèc pècèk nʼndev di ɓai, nsi ndo nengaʼa te va klèng di ɓai.

Lamentations de Jérémie 3:32

A mbeɗama na ndav; aman a sia te va genè, ara pombi nengaʼa man a ndev ɓai.

Ezéchiel 18:22

Mali nenga tèlèba man a gau, ta hérèʼa asaɓai, a géɗ ngi-zuraʼa nengaʼa man a gau, a da nzi a nshèffè.

Ezéchiel 39:29

I da ngheda va ga te deɓaʼa asaɓai, a géɗ man i va ta Mèzhèɓ ga a gèɗ Israel, Bi Zhiklè a gaɗa.

Daniel 9:24

Nga va ta mvi 70 a ndohi ngaya a kokwar ngaya nkezlaʼa, ha mphömè a mali nʼnga tèlèba ma, ha mali ta mpela ma, a ngi-zuraʼa a zhè a mèdèp, ha ma nshunè a ma ndo nhadka ma a ndikè a pa, a ta bada na mbar a gèɗ a ndo nkezlaʼa a géɗ ndohi nkezli nkezlaʼa tèlèba.

Osée 14:2

Va-nju ma mali kinè, va-menkaɗa a deɓa a sam Ndo nzi pèc pècèk, va-gaɗa na: Pra mali nga tèlèba, a nga ngècè pombai, a nga slébèrde ka a ma, te di man a marai.

Osée 14:4

Aman ta jèkyè sa, i da mbel ta. I da woy ta, i woy ta a ndav ga. I gi ndav a géɗ tengaʼa te deɓaʼa asaɓai.

Zacharie 3:4

Gola a ngaɗa ta golahi ntakaha a sam na: Va-suɗa na maslaka nlizhèʼa auda a va! A ngaɗa na: Na haha, i ca ka mali auda a va. Va-va na maslaka ngolala a va!

Romans 6:14

Malai a slaha a nda gi bi kinè asaɓai, te man kinè tʼhwaɗ ma kita Zhiklè ka ɓai, aman kinè tʼhwaɗ pombai.

Romans 8:13

Aman kin jèjèr ntétékè nte va kinè, kin da metsi kinè. Aman kin gedassa ntétékè nte va kinè a Mèzhèɓ, kin da nzi a nshèffè.

Deutéronome 30:3

te deɓaʼa Ndo nzi pèc pècèk, Zhiklè ngaya, a da helka ta ɓèlèlihi a deɓa, ka da sia te va, a da ɓic kinè a deɓa te ndev ndohi herkeda man Ndo nzi pèc pècèk, Zhiklè kinè, a nksar kinè a pa.

Deutéronome 30:6

Ndo nzi pèc pècèk, Zhiklè ngaya, a da va ka ndav mɓuaʼa, kinè a ndohi te verzi ngaya, ndav mɓuaʼa te nʼngél ngwon genè ka ɓai, te ntil ndav ngaya. A ka da woy Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba, a ka da nzi a nshèffè.

Deutéronome 32:36

Aman Ndo nzi pèc pècèk a da Preka ta ndohi nengaʼa auda te kita, a ɓèlèlihi nengaʼa ta sia te va; te man a rkaʼa, wuɗi tèlèba klèng, ko bèlè azɓai, ko kra ngwi azɓai.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

Hébreux 8:12

Ta da siyè te va te skwi man ambaɓai man ta giaʼa, a i woya man i hér mali tengaʼa azɓai.

1 John 3:8

Ndo man a gi malai, nengaʼa ndo bi madzagai, aman bi madzagai ndo mali te nhinkaɗ na. Kra Zhiklè a shkè, aman a ngedassa mizlinè bi madzagai.