Michée 7:14 - Ma Zhiklè

¹⁴ Ɓür ndohi ngaya a gada mɓer skwi ngaya! Ara rèwè skwi ngaya, man ta nza a géɗ ta te za Carmel. Sèi ka lè ta a sam mbelaʼa te Basan, te Galaad, ara nzlèzlèʼa!

Michée 7:14 ပူးပေါင်းရင်းမြစ်များ

Psaumes 100:3

Va-suna, Ndo nzi pèc pècèk, nengaʼa Zhiklè: nengaʼa a nge nga, nga a nengaʼa, nga ndohi na, a tambakhi te va rèwè nengaʼa.

Psaumes 143:5

Skwi nhalaʼa a hakay a gèɗ, i hér skwi man ka gokoɗai, i hérè te ndav a géɗ mizlinè ngaya.

Psaumes 28:9

Mbel ta ndohi ngaya, pshè ta ma ndohi nʼndi gi ngaya, war ta, takaha ta pèc pècèk!

Psaumes 95:7

Aman nengaʼa Zhiklè nga, nga ndohi te va rèwè nengaʼa, tambahikhi te ri na. A patsna, kin tsena daʼai nengaʼa!

Exode 33:16

Man bai nga da shinè te mè, nga a ndohi ngaya nga ngots pombai a sam ngaya; sèi man ka dè a nda nga, a nga a ndohi ngaya nga cko gèɗ auda aranta a sam ndohi a gèɗ herkeda tèlèba.

Cantique des Cantiques 4:1

Ka mbikaɓai, nshib ga, mbikaɓai! Di ngaya hathataʼa ara nkuɗhom tʼhwaɗ maslaka man ka feda a gèɗ. Gwots gèɗ ngaya say-sayaʼa ara hutor plèsh.

Esaie 27:13

A pats nasa ta da tsi tolom mbiaʼa, a ndohi man ta zlak ta te kokwar Assyrie, man ta dzam ta a kokwar Egypte, ta da shkè a deɓa a ngwai, a ta kèlèhi a deɓ sak Ndo nzi pèc pècèk, a géɗ za nkezlaʼa te Jérusalem.

Esaie 35:2

Da dzuv skwai, da wuffa, da wuffa, da shüd gèɗ te pa a yata! Zhiklè a da va na nʼnjèl Liban, mbambi Carmel a mbambi Saron. Ta da rka nʼnjèl Ndo nzi pèc pècèk, nʼnjèl Zhiklè nga mbikaɓai.

Esaie 37:24

Ka zlindeka ta ɓèlèlihi ngaya a ta derɗyè, a ka gaɗa: A kikihi ga man ta zhè kumba sa, i dè a géɗ za, a verzi Liban tèlèba. I ngela wof nhayaʼa a wof mparaʼa te pa, a i dè a géɗèʼa, a i tsi gèɗ auda te ndev gi lak nengaʼa.

Esaie 40:11

A wèr rèwè na ara ndo mɓer skwai, a humbètè wud tambakihi a ndav nengaʼa, a tiɓish ta a sam staɗ, a lè ta mam tambakihi zhèhèɗ-zhèhèɗèa.

Esaie 49:10

Mi a bazl ta azɓai, iyam a dza ta azɓai, pats a te ta azɓai; aman ndo man ta sia te va, a de ta, a lè ta a sam nlèlè iyam.

Esaie 65:10

Saron a gi a sam nwèr skwai, slrats Acor sam rèwè zlèhai ndohi ga man ta woy iyè.

Jérémie 49:31

Va-slambaɗa, va-kala ta va a ndohi herkeda man ta nza a gumai, man skwa a ga ta azɓai, Ndo nzi pèc pècèk a gaɗa. Ntamagi Hatsor azɓai, skwi mɓèr ntamagi na azɓai, ta nzi a dala.

Lamentations de Jérémie 1:7

A pats nlèyè, Jérusalem a hér civèɗ nengaʼa man a nzlak na auda a pa, skwi mèshèlè tèlèba man te va nasa a nʼngotso. Aman antanta ndohi nengaʼa ta kala a ri mayam ta, ndo ntakaha ta azɓai. Mayamhi tengaʼa ta pi dai, ta ngwèshè a géɗ man kokwar Jérusalem ngedas na.

Lamentations de Jérémie 5:21

Ndo nzi pèc pècèk, hel nga a deɓa a sam ngaya, a nga menkada deɓa. Va-nga nshèffè mɓuaʼa ara zlèzlèʼa.

Ezéchiel 36:11

I gi aman ndohi a skwi kuɗom ta mènè a vata. Ta zlèzlè-mè a ma ma, a ta yi wuda. I da ge kinè kumba ara halaʼa, i da ga kinè skwi man amba a fena nshèlèkuraʼa; a kin da suna, i Ndo nzi pèc pècèk.

Lèv. 27:32

Skwi man ta ngrèʼa, staɗ te va kula tèlèba, a Ndo nzi pèc pècèk.

Amos 9:11

A pats nasa i da ɗèɗèyè gi David man mʼmbeɗ na a pa, a i ndè zlerɗi mbazlaʼa, a i cèpè sam man i ɗaɗayda a pa, a i rèmeʼa ara zlèzleʼa zaʼa.

Abdias 1:19

Ndohi Négeb ta cè za Esau a skwi nʼndi gai. Ndohi Shephela ta cè skwi Philistie a skwi nʼndi gai, a dal Ephraim, a dal Samarie. A ndohi Benjamin ta cè skwi Galaad a skwi nʼndi gai.

Michée 5:4

Nasa gumai. Aman ndohi Assyrie ta da shkè a kokwar nga, aman ta mbècè sak a herkeda nga, nga Zlatseda ta ndohi mɓer skwi tsaraɗ a wud bihi tsamakaɗ a ma.

Sophonie 3:13

Njèkèɗi ndohi Israel, skwi mèmè man skwi nzura ka ɓai, ta da gi asaɓai; ta cèkèlma azɓai; ta ngwèdè ndo azɓai. Ta wèr skwi ta, ta mènè a sam skwi ta, ndo a pra ta zlau a va azɓai.

Zacharie 10:10

I woya a i helka ta a deɓa te kokwar Egypte, te Assyrie, i ɓicka ta, a i helka ta a deɓa a kokwar Galaad a Liban, sam a da slra ta ɓai.

Zacharie 11:7

A i war tambakihi man ta woy a ta zli daiaʼa. I hui gadhi cèw. Staɗ i baha na ‘pombai’, ngiɗè i baha na ‘nhumdè va’. A i war ta tambakihi a vna.

Mal. 3:4

A skwi man Juda a Jérusalem ta va na a Ndo nzi pèc pècèk a gi ambaha, lèmèlèmè ara man a gu zlèzlèʼa tʼhinkaɗ na.

Nombres 23:9

Iyè a géɗ za, i rka ta, iyè man a géɗèʼa, ta zhè a sam di ga, na haha, ndohi man ta zhè a géɗ ta ka ɓai, na haha, ta te verzi ndohi nte deɓa ka ɓai!

Nombres 32:1

A ndohi Ruben a ndohi Gad ta ngots rèwè skwi mbiaʼa. Ta rkaʼa, kokwar Jaezer a kokwar Galaad, sam mwèr skwi a zhè te pa.

Nombres 32:4

Nebo a Beon, kokwar man Ndo nzi pèc pècèk a mpa ta a ri ndohi Israel, sam mwèr skwai. Anai ɓèlèlihi kine ta ngots rèwè skwai.

Matthew 2:6

Ka kokwar Bethléhem, ka nhüɗök genè ka ɓai, aman te ka, bai a di a shkè auda. Nengaʼa a da gi a ndo mɓer ndohi Israel ga.

Jean 17:16

Tengaʼa ta a herkeda ka ɓai, lèmèlèmè ara iyè man iyè a herkeda ka ɓai.

Deutéronome 33:28

Aranta Israel a nza amba amba, nlèlè Jacob na pa a géɗ na, te kokwar man dau a mbar a ndev ɓi te pa, a giɗfèk a proko minmèn.