Michée 6:8 - Ma Zhiklè

⁸ Ndo, ta ngra ka skwi man amba, a skwi man Ndo nzi pèc pècèk a jhèɗèʼa a sam ngaya: Sèi ka gi skwi zuraʼa; ka woy ndo; a ka manda gèɗ a hi a sam Zhiklè ngaya!

Michée 6:8 ပူးပေါင်းရင်းမြစ်များ

Genèse 18:19

I ngotskoɗauda te va ndohai, aman a nfa ta ma a gèɗ a wudahi nengaʼa, a gi nengaʼa, aman ta jè-jèr civèɗ Ndo nzi pèc pècèk, a ta gi zuraʼa, a ta til kita, a Ndo nzi pèc pècèk a nʼnga na Abraham, ara man a pasla na rai.

Genèse 5:22

A Hénoc a jèjèr Bi Zhiklè pèc pècèk. Te deɓ nyi Metushélah, Hénoc a nʼnza a nshèffê mvi 300 dai, a myu wudahi a dalahai.

II Chroniques 30:11

Aman ndohi Aser a Manassé a Zabulon kètè ta manda gèɗ a hai, a ta shkè Jerusalem.

II Chroniques 32:26

Te deɓ nfi va nengaʼa, Ezéchias a mʼmanda gèɗ a hai a ndohi Jérusalem, a Ndo nzi pèc pècèk a nʼnga ta kita ɓai, te va man Ezéchias a zhè a nshèffè dai.

II Chroniques 33:19

Ntsi ri na, a maya man Zhiklè a nco ntsi ri na, mali na, a skwi nlèɓèslɓia nengaʼa, sam man a rom sam mʼmbèh skwi a géɗ za, a sam mʼmbèh skwi nengaʼa a mblom man a gau, ga a mèndè gèɗ a hai, ta windeda ɗèlèwèr Hozai.

II Chroniques 33:23

A mʼmanda gèɗ a hi a sam Ndo nzi pèc pècèk, lèmèlèmè ara man Manassé, bab na, ɓai. Amon, nengaʼa a ngau mali a ma ma.

II Chroniques 34:27

A géɗ man ka huro, a géɗ man ka manda gèɗ a hi a sam Zhiklè, a ka tsena ma nengaʼa, a géɗ sam haha, a géɗ ndohi nengaʼa, a ka manda gèɗ a hai, a ka kuratsa maslaka ngaya, a ka kuɗi a sam ga, iyè ba i tsenaʼa, Ndo nzi pèc pècèk a gaɗa.

Néhémie 9:13

Ka shkèhai a géɗ za Sinai, ka gaɗa ta te zhiklè, ka va ta ma kita nzuraʼa, ma nkwèr nlèɓeslèʼa, ma bai a ma man a de ta man amba.

Psaumes 101:1

Psaume David. I woy a i sli dimèsh a géɗ pombai, a gèɗ ngi-zuraʼa. I woy a i tsa ka ganzavar, Ndo nzi pèc pècèk!

Psaumes 112:4

Te ndev ruva, skwi nhél sam a hulko gèɗ a sam ndohi nzuraʼa. Tengaʼa man ndo a se ta te va, ta woy ndo, a ta gi zuraʼa.

Psaumes 112:9

A vrè, a vi skwi a ndohi ntawas-saʼa. Ngi-zura nengaʼa a nzi a mèdèp. Nzlembaɗ nengaʼa a njèlè a ma mà.

Psaumes 37:26

Pèc pècèk ndo ngiɗè a sia te va, a vi skwi a ndo, a wudahi nengaʼa ta ngècè mpshè ma.

Psaumes 73:28

Aman na haha mwuffè ga, aman i nzi ndul ndul a Bi Zhiklè. I pi ndav ga a Bai, Zhiklè, a i njè ta skwi man a gia tèlèba a ndohai.

Proverbes 21:3

Ngi skwi nzuraʼa, nɗèl skwi nzuraʼa, ambaha Ndo nzi pèc pècèk, a fena skwi man nga va na.

Ecclésiaste 12:13

Ma ndohi maya nara tsakwal. Ngèlègèɗ ma tengaʼa nara sulom. Ndo mɓer ta staɗ a mvau.

Esaie 56:1

Ndo nzi pèc pècèk a goɗ arsa: va-dzodzor ma kita, va-gu zuraʼa, skwi mʼmbel ndo ga a shkè ndul ndul; a ngi zura ga a gudoko va auda a di ndohai ndul ndul.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 66:2

Ri ga a ngau skwi haha tèlèba man a zhè, nʼnga aranta, Ndo nzi pèc pècèk a gaɗa. Ndo man a manda gèɗ a hai, a ndav nengaʼa a mbèɗè, ndo man a gi zlau ma ga, i rkaʼa, a i pi di a nengaʼa.

Jérémie 22:16

A nʼnga ta kita a ndohi ntawassaʼa, a ndohi man ta ga mali ɓai, a wuffè a vna. Nasa nshin Zhiklè ka bi dè? Ndo nzi pèc pècèk a gaɗa.

Jérémie 22:3

Ndo nzi pèc pècèk a goɗ ar haha: Va-gu kita zuraʼa, va-mbela ndo man ndo ambaɓiaʼa a nʼnga na wuɗai, auda te ri nengaʼa! Ndo mbrok, kra dikai, ngwoz mazai, kin ga ta matakwan ɓai, kin ga ta wuɗi ɓai, kin keɗa ndo man nʼnga mali ɓai a sam haha ɓai!

Jérémie 9:23

Ndo nzi pèc pècèk a goɗ ar haha: Ndo maya da fu va a géɗ maya na ɓai! Ndo wuɗai da fu va a géɗ wuɗi na ɓai! Ndo mèshèlè da fu va a géɗ skwi mèshèlè nengaʼa ɓai!

Lamentations de Jérémie 3:26

Amba, aman nga nzi tètèʼa, a nga zhèr skwi ntakaha nga te ri Ndo nzi pèc pècèk.

Ezéchiel 16:63

Aman i da pra ka mali tèlèba man ka gau, ka da hérèʼa; hori a da keɗ ka a pa, ka slalia ka winè ma azɓai, Bi Zhiklè, Ndo nzi pèc pècèk, a gaɗa.

Ezéchiel 33:14

Aman i gaɗa na ndo ambaɓiaʼa: Sèi ka metsi ngaya! A nengaʼa a njèkeda mali na, a gi skwi nzuraʼa te ngi-zuraʼa,

Daniel 4:37

Anai, i Nebucadnetsar, i shid gèɗ, i slébèrdè, i njèl bi Zhiklè man a gi skwi tèlèba zuraʼa, a civèɗ nengaʼa tèlèba ngi-zuraʼa. A slaha a mʼmanda ta gèɗ a hai a ndohi nfi va.

Osée 12:6

Ndo nzi pèc pècèk, Zhiklè bi mbiaʼa, nasa nzlembaɗ nengaʼa.

Osée 6:6

Aman mwoy-Zhiklè ambahayè a fena nzli skwi a Zhiklè. Nshin Zhiklè ambahayè a fena nʼndèr skwi a Zhiklè.

Lèv. 26:41

a géɗ nengaʼa i ba i Sala ta va a gèɗ, a i dzam ta a kokwar mayamhi ta – aman te deɓaʼa ta manda gèɗ a hai, nfi va ta kala ta a ndav, a ta til malai,

Amos 5:24

Aman kita nzuraʼa da gau, ara man iyam a hai, a ngi-zuraʼa da gudkoɗa, ara iyam man a hakaɗai.

Michée 6:9

Ndo nzi pèc pècèk a bèhè te kokwar. Ndo man a gi zlau nzlembaɗ na, maya na zhè. Va-tsenaʼa, kinè ndohi mɓicaʼa te dak a ndohi te kokwar!

Sophonie 2:3

Va-woy Ndo nzi pèc pècèk, kinè te kokwar tèlèba, man kin manda gèɗ a hai, man kin jèjèr ma nkwèr nengaʼa. Va-woy skwi nzuraʼa, va-manda gèɗ u hai, wa ngiɗè ba pats ndzoan Ndo nzi pèc pècèk a da ngats kinè azɓai.

Zacharie 7:9

Zhiklè bi mbiaʼa a goɗ ar haha: Va-gu kita zuraʼa, va-gu a ndav amba, a ngiɗè da su ngiɗè te va!

Matthew 5:3

Mwuffè a sam tengaʼa man ndohi ngiɗè ta sla ta ndohi ntawassaʼa te maya.

Matthew 5:7

Mwuffè a sam ndohi man ndo a se ta te va; aman tengaʼa ta da si Bi Zhiklè te va.

Luke 10:42

Gso va a skwi staɗgenè! Marie a nco skwi man amba, a ta cè nengaʼa te ri na azɓai.

Luke 11:42

Aman Woba kine, ndohi pharisie! Kin vi skwi staɗ te va kula, te skwi nkè-shèa; aman kin fa na gèɗ a ma kita a mwoy-ndo Zhiklè ɓai. Aman ar agassa sèi kin gi skwi haha, a kin jèkaha ngiɗè azɓai.

Luke 12:14

A Yèsu a ngaɗa na: Masli ga, a mfiyè a ndo kita, a ndo nkezli skwi a sam kinè wa?

Luke 6:36

Anai, ndo da se kinè te va, lèmèlèmè ara ndohi ta si Zhiklè, Bab kinè, te va.

Romans 7:16

Aman i gi skwi man i woy i gia ɓai, kala man i co ma kita Zhiklè, ara man i gaɗa ma kita amba.

Romans 9:20

Ndo ga, ka wa, man ka woy a kin virslè a Zhiklè? Skwi nramaʼa a gaɗa na ndo nroma: Ka gyè ar haha èhèmè, ɗè?

1 Corinthians 7:16

Aman ka ngwoz, ka sun ɗè, wa ngiɗè ba ka mbela baki ngaya? Aman ka nguraʼa, ka sun ɗè, wa ngiɗè ba ka mbela ngwoz ngaya?

Ephésiens 4:32

Aman va-gu skwi a ndav amba, nlèɓèslè, ngiɗè a ngiɗè, va-pra mali ngiɗè a ngiɗè, lèmèlèmè ara Zhiklè a pra kinè malai te Kristi.

Deutéronome 27:10

a kin da gi skwi tèlèba man ma nkwèr nengaʼa a ma kita nengaʼa a gèdèʼa, man i njè kinè a patsna.

Deutéronome 30:15

Na haha a patsna i ngra ka: nshèffè a skwi man amba – mʼmetsai a skwi man ambaɓai.

Colossiens 3:12

Gar haha kin ndohi man Zhiklè a mpar ta, ndohi nkezlaʼa, ndohi man a woy ta, va-feda skwi haha a va: nsi ndo te va, ndav nlüɓekwaʼa, mʼmèndè gèɗ a hai, ndav amba, nzhèr skwia dai.

2 Thessalonians 2:16

Aman nengaʼa, Bi nga Yèsu Kristi, a Zhiklè, Bab nga, man a woy nga a ndav na, a va nga skwi mbid nga man a nzi dai a mèdèp, a skwi man nga zhèrè te ndav,

Jacques 2:20

Aman ka, nrzla-va! Sèi suno, ncè-a-ndav man a gi skwi te deɓaʼa azɓai, skwa ambalai.

Josué 24:14

Anai, va-gu zlau Ndo nzi pèc pècèk, va-dzodzora zuraʼa, nlèɓèslèa, va-kwola zhiklèhi bababhi kinè ngiɗè man ta dzadzar ta tʼwud woyam Jourdain, te kokwar Egypte, ba. Va-dzodzor Ndo nzi pèc pècèk!

1 Peter 3:8

Man ar haha: Kin tèlèba, va-nza a nhèr gèɗ staɗ a ndav staɗ: ndohi da se kinè te va, va-woy kramam kinè a ndav amba, va-manda gèɗ a hai.

I Samuel 12:23

I ba i woy a i gi mali a sam Ndo nzi pèc pècèk azɓi ba, a i jèkè ntsi ri a géɗ kinè azɓai. Aman i woy a i ngreda kinè civèɗ man amba a nzuraʼa.

I Samuel 15:22

Samuel a ngaɗa: Skwi man ta zla na Zhiklè a ta ndara na Zhiklè ambaha Ndo nzi pèc pècèk, lèmèlèmè ara nfi gèɗ a ma nengaʼa dè? Na haha, ndo man a fi gèɗ a ma nengaʼa, a fena ndo man a vi skwi a Zhiklè; njèjèr ma nengaʼa, a fena mbeza drok.