Michée 6:4 - Ma Zhiklè

⁴ I helka kinè auda te kokwar Egypte, i preka kinè auda te gi ɓèlè, a i zlinda Moise, Aaron a Miriam a sam kinè.

Michée 6:4 ပူးပေါင်းရင်းမြစ်များ

II Samuel 7:23

Ndohi a géɗ herkeda ngiɗè ta tema, ara ndohi Israel, ndohi ngaya, a géɗ tengaʼa Zhiklè a mdo, a nsumka ta a deɓa a ndohi na, a mva ta nzlembaɗ mbiaʼa, a ngau skwi mbiaʼa mwuɗitpa a géɗ tengaʼa, a ndzam ta ndohi ngiɗè a zhiklèhi tengaʼa auda a ma tengaʼa?

Psaumes 77:20

Civèɗ ngaya a mbeza a ndev iyam mbiaʼa, sam man ka beza a pa te va woyam mbiaʼa, aman ndo a nʼngatsa sam sak ngaya ɓai.

Exode 12:51

A pats nasa, Ndo nzi pèc pècèk a nde ta ndohi Israel auda te kokwar Egypte, ara mbicè va ta, ara nhèyè va ta.

Exode 20:2

Iyè Ndo nzi pèc pècèk, Zhiklè ngaya, man i cka ka auda te herkeɗa Egypte, te gi ɓèlè ngaya.

Exode 3:10

Antanta do, i woya man i zlinde ka a sam Pharaon, aman ka helka ta ndohi ga, ndohi Israel, auda te kokwar Egypte.

Exode 4:10

A Moise a ngaɗa na Ndo nzi pèc pècèk: Ndo nzi pèc pècèk ga, daga man i kra, i nukom-ndo, ko antanta ba, man ka gaɗka na ɓèl ngaya a haha, ma ga a nèʼèn ga amba a ngèd bai.

Exode 4:16

Nengaʼa a da gèdè a sam ndohai te di man a ngaya, nengaʼa ma ngaya, ka a sam na ara Zhiklè.

Exode 6:27

Tengaʼa man ta gada na Pharaon, bi Egypte, aman ta de ta ndohi Israel auda te kokwar Egypte – Moise a Aaron.

Jérémie 32:21

Ka helka ta ndohi Israel, ndohi ngaya, auda te kokwar Egypte, a nrkedai, a skwi man ka ngreda auda, a ri man wuɗi na zhè, a ri nzlatsedaʼa, a skwi mwuɗitpa mbiaʼa.

Amos 2:10

Iyè, i helka kinè auda te kokwar Egypte, a i de kinè te hèshèkèd mvi 40, aman kin da kwèr kokwar ndohi Amor.

Nombres 12:1

A Miriam a ntsu drengasl, ta a Aaron, a géɗ Moise, a géɗ ngwoz Ethiopie man a mco. Ngwoz nengaʼa, dem Ethiopie.

Nombres 33:1

Nasa civèɗ man ndohi Israel ta sawalka te pa, a verzi Moise a Aaron, te deɓ man ta shkè auda te kokwar Egypte ma, ara ndohi var ta, ara ndohi var ta.

Actes 7:36

Nengaʼa a nde ta auda, a ngu nrkedai, a nʼngreda ta skwi tsaɗ tsaɗ te kokwar Egypte, te woyam mbiaʼa nduzoaʼa, tʼhèshèkèɗ, mvi kulkul faɗ.

Deutéronome 15:15

Ka hérèʼa, ara man ka ba ka ɓèlè te kokwar Egypte, te va nasa, a Ndo nzi pèc pècèk, Zhiklè ngaya, a msumka ka a deɓa. A géɗ nengaʼa i va ka ma nkwèr haha a patsna.

Deutéronome 24:18

Huro, ara man ka gu bèlè te Egypte, a Ndo nzi pèc pècèk, Zhiklè ngaya, a nsumka ka a deɓa. Gar haha i va ka ma nkwèr ga haha, a ka da giaʼa.

Deutéronome 4:20

Aman kinè, Ndo nzi pèc pècèk a mpar kinè auda, a nhel kinè auda te gezla, te kokwar Egypte, a kin ndi a skwi na, ara man kin giaʼa a patsna.

Deutéronome 4:34

Man ɓai, Zhiklè man a shkè a sam ndohi na, a helka ta auda te va ndohi herkeda ngidè, a skwi man a njkede ta, a skwi man a ngreda auda, a nrkedai, a var, a ri nengaʼa man wuɗi na zhè, a ngeda ri na, a ngu skwi mbiaʼa, wuɗitpa, ara man Ndo nzi pèc pècèk, Zhiklè kinè, a gau tèlèba a sam di kinè, a géɗ kinè, te kokwar Egypte, ngidè a zhi dè?

Deutéronome 5:6

Iyè Ndo nzi pèc pècèk, Zhiklè ngaya, man i cka ka auda te herkeda Egypte, te gi ɓèlè ngaya.

Deutéronome 7:8

aman a géɗ man Ndo nzi pèc pècèk a woy kinè, a ngu ara man a mbaɗa ta babhi kinè; a nhelka kinè auda a ri man wuɗi na zhè, a mpreka kinè auda te gi ɓèlè, te gi Pharaon, bi Egypte.

Deutéronome 9:26

A i tsu ri a Ndo nzi pèc pècèk, a i gaɗa: Ndo nzi pèc pècèk, Zhiklè nga, ka gedassa ndohi ngaya, skwi nʼndi gi ngaya ɓai, man ka preka ta auda a wuɗi ngaya mbiaʼa, man ka helka ta auda te Egypte a ri man wuɗi na zhè!

I Samuel 12:6

Te deɓaʼa Samuel a ngaɗa ta ndohai: Ndo nzi pèc pècèk a gi malwudai, nengaʼa man a nfu Moise a Aaron, nengaʼa man a nhelka ta babhi kinè auda te kokwar Egypte.