Michée 6:16 - Ma Zhiklè

¹⁶ Ka dzodzor ma nkwèr Omri, a maya ambaɓiaʼa man a ndohi Achab. Ka gu ara man ta ngra ka, a i da gedas ka, a ta ngwossaha ta ndohi kokwar ngaya. Aranta sèi kin ɗishèʼa, aman ndohi herkeda ta paraha kinè.

Michée 6:16 ပူးပေါင်းရင်းမြစ်များ

I Rois 18:4

Aman Jézabel a mbazl ta ndohi nhadka ma Ndo nzi pèc pècèk, Abdias a mhul ndohi nhadka ma 100, a nʼnghede ta, 50 te slrats za ngiɗè, 50 te slrats za ngiɗè, a mva ta movar a iyam.

I Rois 9:8

Gi haha a da mbeɗ na. Ndohi tèlèba man ta da bizhè a samaʼa, ta da rzl ta, a ta ngwèshè a pa, a ta jhèɗèʼa: Ndo nzi pèc pècèk a nʼnga ta ndohi kokwar, a gi haha, aranta èhèmè?

II Rois 16:3

A ndzodzor civèɗ bihi Israel, a bizhdè kra nengaʼa a ndev vogwa, ara mbèh skwi ndohi man Ndo nzi pèc pècèk a dzam ta auda a sam di ndohi Israel.

II Rois 21:3

Nengaʼa a hüno a nrom sam mʼmbèh skwai a géɗ za, man Ezéchias, bab na, a mbeɗdaussà zaʼa, a ngau sam mvi skwi a Baal. A ngau mblom, lèmèlèmè ara man Achab bi Israel, a ngau, a ntsu ri a bantihai, a kia, a pats te giɗfèk, a ndzodzora.

II Chroniques 22:4

a nʼnga skwi man ambaha Ndo nzi pèc pècèk ɓai, lèmèlèmè ara ndohi gi Achab. Te deb mʼmetsi bab na, ndohi haha ta ngra na maya, a ta gedassaʼa.

II Chroniques 34:25

A géɗ man ta jèkyè, a ta ndèr ɓurdi a zhiklèhi mʼmbèh skwai, a ta pokoy gèɗ ndav auda a skwi man ta gu a ri ta, a i gu ndav a géɗ sam haha, a ndav ga a mènèhi azɓai.

Psaumes 1:1

Mwuffè a sam ndo, man a jéjèr ma ndohi ambaɓihiaʼa azɓai, man a dè a civèɗ ndohi mali azɓai, man a nzi a sam ndohi ngwoshè ma Zhiklè azɓai,

Psaumes 44:13

Ka preda ndohi ngaya a ma a gani ɓai, ka dzhaɗa skwa a pa kumba ɓai.

Psaumes 44:14

Ka gu a nslamagihi nga ta derɗe nga, a ndohi man a tsagi nga ta ngwossaha nga a ta liv nga.

Esaie 25:8

A da gedas-seda mʼmetsi aussa a mèdèp. Bi Zhiklè a da saha ta kuda auda a di a ndohi na, a cè hori auda a di tengaʼa, a di a herkeda tèlèba. Aman Ndo nzi pèc pècèk a ngoɗa.

Esaie 9:16

A gèɗ nengaʼa Bi Zhiklè a wuffè azɓai a gèɗ golahi tengaʼa; wud dikai a ngwozi mazihi ta sia te va azɓai. Aman ta tèlèba ndohi ndérɗèʼa, ndohi shèwa, tèlèba ta derɗe Zhiklè. Ko ar haha Zhiklè a gi ndav di genè a ngeda ri na genè.

Jérémie 19:8

Kokwar haha, i da gi a skwi man ta gi zlauaʼa, a ta ngwèshè a pa. Ko wawa man a da bizhè a pa, a da rzl na, a liv ta, a géɗ matakwan tengaʼa tè-lèba.

Jérémie 25:18

Jérusalem a kokwarhi Juda, a bihi na, a wud bihi na, man ta gedas ta, a ta zi ta, a ta tsa ta derngasl, a ta phomde ndo a vna, ara man a zhè a patsna.

Jérémie 25:9

na haha iyè i zlinde ndo, a sam Nebucadnetsar, bi Babylone, ɓèl ga, da helka ta ndohi gi tè-lèba te man a géɗèʼa, Ndo nzi pèc pècèk a gaɗa; a i zlinde ta, a ta da gi var a kokwar haha, a ndohi kokwar nengaʼa, a ndohi herkeda tèlèba man a tsagiaʼa. I da ga ta a skwi mphomdaʼa, i da pe ta a nlèyè, a ndohi ta ngwossaha ta. I da gedas ta a mèdèp.

Jérémie 29:18

I da hi a verzi ta a tsakwal, a mai, a gidiɓèr, i da ge ta a skwi man kokwar-bihi a gèɗ herkeda tèlèba ta gi zlau a pa, man ta gi wobau a géɗèʼa, a ta tsi derngasl, a ta gi horai a sam ndohi herkeda tèlèba, man i dzam ta a pa,

Jérémie 51:51

Aman nga tsena, ara man ta dérɗèʼa, a nga gu horai, hori a di nga; aman ndohi verzi tsaɗ ta shkè a sam nkezlaʼa, a gi Zhiklè.

Jérémie 7:24

Aman ta gu mèdègèɗ, ta fa zlembaɗ a ma ga ɓai, ta dzodzor ndav tengaʼa man ambaɓai, ta ngwodkay deɓa, ma ka ɓai.

Lamentations de Jérémie 5:1

Ndo nzi pèc pècèk, hur skwi man a ga nga, rka hori nga!

Ezéchiel 39:26

Hori tengaʼa a mali tengaʼa tèlèba man ta gu a sam ga, a da pca ta a gèɗ, aman ta da nzi amba amba te kokwar ta; ndo a da pra ta zlau a va azɓai,

Daniel 9:16

Bi Zhiklè, ara man ndo a se ka te va pèc pècèk, jèkeda ndzoan ngaya, a ka gu ndav a gèɗ kokwar Jérusalem, za ngaya nkezlaʼa, asaɓai; a gèɗ mali nga, a gèɗ mphömè bababhi nga, Jérusalem a ndohi ngaya ta ga a skwi man ndohi a tsagi nga tèlèba ta ngwèshè a pa.

Osée 12:14

Ndo nzi pèc pècèk a nhelka ta ndohi Israel auda te kokwar Egypte a ri ndo nhadka ma, a ndo nhadka ma a mɓüro.

Osée 5:11

Ephraim a gi skwi a wuɗai, a terɗa ma kita, a hi a verzi skwi ambalai.

Michée 2:6

Ta gaɗa: Kin nju ma ɓai! Njè-ma a zhè, aman a géɗ skwi ve na a haha ka ɓai. Ndohi malihai ta hérdè va a deɓa azɓai.

Michée 6:13

Gar haha i hüno a i tse ka, a i gedas ka a géɗ mali ngaya.

Apocalypse 2:20

Aman skwi man ambahay ɓai a sam ngaya, aman ka va na civèɗ a ngwoz Jézabel, man a hur a gaɗa i ngwoz nhadka ma, a njè ta ɓèlèlihi ga, a zlakede ta, aman ta gi mphömè, a ta ndi vrai.