Michée 6:14 - Ma Zhiklè

¹⁴ Ka ndi skwai, a ngeza ka a hwaɗ azɓai, mi a keɗ ka genè. Ka da feda skwi a hai, ka slaha ka nghédè azɓai. Skwi man ka mbeldaha, i da heldama te var.

Michée 6:14 ပူးပေါင်းရင်းမြစ်များ

Esaie 30:6

Ma a géɗ skwi dakhai te Négeb: Ta da bizhè a ndev kokwar man zlau a nlèyè te pa, man marizhèlè a ngwoz na ta kuɗi te pa, man ndemhal a ntümsho te pa; a ta da skwi ta a deɓ kɗèh a skwi mèshèlè tengaʼa a deɓ zlugumai a sam ndohi man ta takaha ta azɓai,

Esaie 65:13

Gar haha Ndo nzi pèc pècèk Zhiklè a gaɗa: Na haha, ɓèlèlihi ga ta da ndi skwai. A kinè, mi a keɗe kinè. Na haha, ɓèlèlihi ga ta da si skwai. A kinè, iyam a dza kinè. Na haha, ɓèlèlihi ga ta wuffè. A kinè, kin gshè gèɗ.

Esaie 9:20

Manassé a sam ndohi Ephraim, Ephraim a sam ndohi Manassé, ta cèw ta gi arsa a Juda. Ko ar haha, Zhiklè a gi ndav di genè, a ngeda ri na genè.

Jérémie 48:44

Ndo man a hi te ri zlau, a kèlèhi a vèvèɗ. Ndo man a nzevkaɗauda te vèvèɗ, ɓalai a mbéɗèʼa. Aman tiɗè sam kita Moab ma, Ndo nzi pèc pècèk a gaɗa.

Ezéchiel 5:12

Ndohi ngaya i kezla makar; ngiɗè gidiɓèr a da hel ta ma, man ɓai ta da tiɗ ta a mai; ngiɗè ta bèzl ta a tsakwal; ngiɗè i da wushede ta a ma kozlar, a tsakwal a dzadzar ta.

Osée 4:10

Ta ndi skwai, a ngeza ta azɓai; ko ta mènè a bakai, ta yi kra azɓai, te man ta jèkeda Ndo nzi pèc pècèk a ta gshè va a mphömè.

Lèv. 26:26

Aman i cèma kinè movar kinè auda te ma, ngwozi kula ta ti skwi a rèwèc staɗ, a ta kezla kinè te deɓaʼa, a slra a ngeza kinè ɓai.

Aggée 1:6

Kin zleki skwi a vata, kin ɓicè kèshkata gené. Skwi nʼndi kinè a zhè, aman a ngeza kinè azɓai. Skwi nsi kinè a zhè, aman a ngeza hwaɗ azɓai. Maslaka kinè a zhè, aman a slaha a ntsa kinè mtasl azɓai. Ndo mizlinè a ngècè sulai, aman verzi gozhèm nengaʼa nzlina.

Aggée 2:16

Ndo man a hur a ngècè dau agoda 20, a nʼngots agoda 10 genè. Ndo man a hur a ngècè iyam nyi wof kokwi 50, a nʼngots 20 genè.