Michée 5:4 - Ma Zhiklè

⁴ Nasa gumai. Aman ndohi Assyrie ta da shkè a kokwar nga, aman ta mbècè sak a herkeda nga, nga Zlatseda ta ndohi mɓer skwi tsaraɗ a wud bihi tsamakaɗ a ma.

Michée 5:4 ပူးပေါင်းရင်းမြစ်များ

Psaumes 145:12

A ta senda ta nrkedi ngaya a ndohai, nʼnjèlè a nslébèrdè ngi-bi ngaya.

Psaumes 22:27

Ndohi man ta manda ta gèɗ a hai, ta da ndi skwai a ta ngézhè. Ndohi man ta woya Ndo nzi pèc pècèk, ta da shida na gèɗ. Ndav kinè da nza a nshèffè a mèdèp!

Psaumes 72:19

Ngo-slubordokoy nzlembaɗ nengaʼa nʼnzalaʼa a mèdèp, nʼnjèl nengaʼa da ndha herkeda tèlèba. Amen, Amen.

Psaumes 72:8

A da gi bai, a hinè te woyam mbiaʼa staɗ a ndè a woyam mbiaʼa ngiɗè, a hinè te woyam Euphrate, a ndè a verzi herkeda.

Psaumes 93:1

Ndo nzi pèc pècèk, bai! A nʼnjèl bi a va. Ndo nzi pèc pècèk, wuɗi te va, a ndzawa va na a vna. Gar haha herkeɗa nʼngaʼa ngedeng-gedengaʼa, a gidè va azɓai.

Psaumes 98:3

A nhur pombi nengaʼa a sam ndohi Jacob, a nhur nlèɓèslè nengaʼa a sam ndohi Israel. Te verzi herkeda tèlèba, ta rka skwi mʼmbel ndo Zhiklè nga.

Exode 23:21

Gau maya a géɗ ngaya, a sam na; fu gèɗ a ngèɗè nengaʼa, ka Sala va a sam na bai. Aman kin da tèwèɗè ma nengaʼa, a da pra kinè mali kinè azbai. Aman iyè, te nengaʼa.

Esaie 45:22

Vo-ngwodko ndav a sam ga, aman i mbel kinè, kinè te verzi herkeda tèlèba. Aman Zhiklè, iyè, ngiɗè azɓai.

Esaie 49:5

Aman Ndo nzi pèc pècèk, man a ngiyè a ɓèl na, man i tʼhwaɗ mam ga dai, a woy aman i hulkoɗi ndohi Jacob a deɓa a sam na, a i ɓicka ta ndohi Israel a sam na. Ndo nzi pèc pècèk a nzalyè; Zhiklè ga, nengaʼa wuɗi ga.

Esaie 52:10

Ndo nzi pèc pècèk a ngreda wuɗi nengaʼa nkezlaʼa auda, a gi nrkedi a ri nengaʼa nkezlaʼa, a sam di ndohi herkeda tèlèba; a ndohi te verzi herkeda tèlèba ta rka skwi mʼmbel ndo Zhiklè nga.

Esaie 52:13

Na haha ɓèl ga a da gi a ndo, a grè a gi a mbiaʼa, a ta slébèrdèʼa.

Esaie 8:7

na haha, Bi Zhiklè a baha na iyam woyam mbiaʼa, man a hi a wuɗai: bi Assyrie a nʼnjèl nengaʼa tèlèba, a nzede ta. Woyam mbiaʼa sa a dè auda a dzah, a tsagi woyam,

Michée 7:14

Ɓür ndohi ngaya a gada mɓer skwi ngaya! Ara rèwè skwi ngaya, man ta nza a géɗ ta te za Carmel. Sèi ka lè ta a sam mbelaʼa te Basan, te Galaad, ara nzlèzlèʼa!

Zacharie 13:7

Tsakwal, kala na va a ndo nwèr skwi ga, a ndo man ndo ga, Zhiklè bi mbiaʼa a gaɗa. I tsi ndo nwèr skwai, a tambakihi ta venda gèɗ ta, a i gedas ta, man wuɗi ta azɓai.

Zacharie 9:10

A da ndiv kiki var te Ephraim, a plèshi te Jérusalem, a lèkèɗ ba. A da tsi gumai a sam ndohi herkeda tèlèba. Kokwar bi nengaʼa a hinè a ma woyam ngiɗè, a ndè a ma woyam ngiɗè, a ndè a verzi herkeda.

Mal. 1:5

Di kinè a da rkaʼa, a kin da gaɗa: Ndo nzi pèc pècèk mbiaʼa, ko te deɓ kuma kokwar Israel.

Matthew 16:18

Aman iyè ba, i gaɗa ka: Ka Pierre: a géɗ pra haha i woya man a i til mpi ndohi Zhiklè ga. Mʼmetsai a da slaha ta azɓai.

Matthew 2:6

Ka kokwar Bethléhem, ka nhüɗök genè ka ɓai, aman te ka, bai a di a shkè auda. Nengaʼa a da gi a ndo mɓer ndohi Israel ga.

Matthew 25:31

Aman kra-ndo a shkè a nʼnjèl na, a nda golahi Zhiklè tèlèba, a da nzi a géɗ sam nʼnzi bi nʼnjèl na.

Luke 1:32

Nengaʼa a da gi a mbiaʼa, a ta da baha na kra Zhiklè te géɗèʼa. Bi Zhiklè a da va na sam nʼnzi bi David, bab na.

Jean 10:38

Aman i gi mizlinè Bab ga, a kin woy a kin ciyè a ndav ɓai, vo-co mizlinè a ndav mènè, a kin da suna, a kin cè a ndav kinè, Bab ga a zhè te iyè, a iyè, i zhè te Bab ga.

Jean 20:17

A Yèsu a ngaɗa na: Ka gsiyè a ri ɓai, aman i da a deɓa a sam Bab ga di ɓai! Aman do a sam kramamhi ga, a ka gaɗa ta: Na haha, i dè a sam Bab ga, a sam Bab kinè, a sam Zhiklè ga, a sam Zhiklè kinè.

Ephésiens 1:3

Nga shid gèɗ a Zhiklè, Bab Bi nga Yèsu Kristi, aman a pshè nga ma te Kristi, a va nga skwi Mèzhèɓ man a Zhiklè tsaɗ tsaɗ.

1 Peter 1:5

a kinè man a géɗ ncè-a-ndav, wuɗi Zhiklè a ɓer kinè a sam mʼmbel ndo, man ntila, man a di a gudko va a dai a pats ndikèma skwai.

Jude 1:1

Jude, ɓèl Yèsu Kristi, kramam Jacques, a sam ndohi man Zhiklè a baha ta, man Zhiklè, Bab nga, a woy ta, a Yèsu Kristi a ɓer ta.

Apocalypse 11:15

A gol Zhiklè matsaraɗaʼa a ntsu tolom: a ngèɗè mbiaʼa a ntsenka te zhiklè, man a gaɗa: Ta va na kokwar-bihi herkeda a ri a Bi Zhiklè, a Kristi nengaʼa. Nengaʼa a gi Bai a ma ma a mèdèp.