Michée 5:3 - Ma Zhiklè

³ Te deɓaʼa nengaʼa a sièmbèɗè, a wèr di rèwè na a wuɗi Ndo nzi pèc pècèk, a nʼnjèl nzlembaɗ Ndo nzi pèc pècèk, Zhiklè na. A ta nza, a nengaʼa a gi a mbiaʼa, wuɗi na a ndikè ha verzi herkeda.

Michée 5:3 ပူးပေါင်းရင်းမြစ်များ

I Rois 14:16

A da jèkeda Israel, a géɗ mali Jéroboam, a géɗ mali man a mpe ta ndohi Israel a wi a vna.

II Chroniques 30:7

Kin gau ara babhi a kramamhi kinè ɓai, man ta gu mali a sam Ndo nzi pèc pècèk, Zhiklè babhi tengaʼa, a mpe ta a ri nlèyè ara man kin ngots a patsna.

Psaumes 67:3

A ndohi a géɗ herkeda ta sun civèɗ ngaya, a kokwar bihai ta sun skwi mʼmbel ndo ngaya.

Esaie 11:11

A pats nasa Bi Zhiklè a da slèmbèɗè zaʼa, a nda sumka ta ndohi nengaʼa a deɓa, njèkèɗi ndohai man ta venda gèɗ ta a kokwar Assyrie, a Egypte, a Pathros, a Ethiopie, a Elam, a Shinear, a Hamath, a herkeda nte ndev iyam mbiaʼa.

Esaie 49:6

A gada: Aman ka ɓèl ga, a ka til ndohi te verzi Jacob, a ka helka ta ndohi Israel man ta mbel ta a deɓa, a slra ɓai; sèi i ge ka a skwi nhél sam ndohi herkeda; a skwi mʼmbél ndo a ndi-kè a verzi herkeda tèlèba.

Jérémie 23:5

Na haha patsaʼa a di a shkè, Ndo nzi pèc pècèk a gaɗa, i da ngotsko bi nzuraʼa auda te verzi David; a da gi hai, a da gi mizlinè a maya, a da bèzlè kita zuraʼa te kokwar.

Jérémie 31:1

A pats nasa, Ndo nzi pèc pècèk a gaɗa, i gi a Zhiklè ndohi te verzi Israel tèlèba; a tengaʼa ta ndi a ndohi ga.

Ezéchiel 34:16

I hèsh skwi man a zlak na, i hulkoɗi skwi man a ksar na, a deɓa; skwi mpaslaʼa i manaʼa; skwi man wuɗi na azɓai i tsa na mbazlav; a i wèr skwi ngraʼa a skwi man wuɗi na zhè, a i da war ta amba zuraʼa.

Osée 11:8

Ephraim, i jèke ka èhèmè? Israel, i pre ka èhèmè? I kwol ka ara Adma èhèmè, i ge ka ara Tseboim èhèmè? A mbeɗamay ndav, a ndaramay ndav tʼhwaɗaʼa.

Osée 2:14

A i da gedassa gi lak na, a wof barassa na man a gèâè a géɗèʼa: skwi man i ngots a fali ga.

Osée 2:9

A nengaʼa a jèjèr golahi na, a nda ndikè a sam ta azɓai. A has ta, a nʼngats ta ɓai, a da gada: I woy a i minè a deɓa a sam baki ga nshèlèkuraʼa. Nʼnzi ga ambahayè te pa a fena mpatsna.

Amos 5:15

Va-gu shèwa a skwi man ambaɓai, va-woy skwi man amba, va-gu kita nzuraʼa a ntamagi kokwar, wa ngiɗè ba Ndo nzi pèc pècèk, Zhiklè bi mbiaʼa, a da va ta pombai a njèkèdi ndohi te gi Joseph.

Michée 4:4

Staɗ staɗ tèlèba a nza te gi dau na, te verzi wof na, a skwi ngiɗè a pa ta zlau a gèɗ asaɓai, Ndo nzi pèc pècèk Zhiklè bi mbiaʼa a ngoɗ te ma na.

Michée 4:7

Ndohi vedal i ge ta a tser ndohai, a ndohi man ta venda gèɗ ta ta ndi a kokwar-bi mbiaʼa. Ndo nzi pèc pècèk a gi bi tengaʼa a géɗ za Sion, a hinè antanta a ma ma a mèdèp.

Michée 5:7

Te deɓaʼa njèkèɗi ndohi Jacob ta zhè te va ndohi herkeda, te ndev ndohi kumba, ara marizhèlè te ndev skwi dak, ara kra marizhèlè te va rèwè tambakihai. Aman a bizhè a pa, a nkeɗaʼa, a ncizl ta, ndo a slaha a nkoldokona auda te ri nengaʼa ɓai.

Michée 5:8

Ri ngaya da gu ngul ta ndohi man ta Sala ka va a gèɗ; mayamhi ngaya tèlèba da ze ta!

Michée 6:14

Ka ndi skwai, a ngeza ka a hwaɗ azɓai, mi a keɗ ka genè. Ka da feda skwi a hai, ka slaha ka nghédè azɓai. Skwi man ka mbeldaha, i da heldama te var.

Michée 7:13

A herkeda a da ndi na a hèshèkèɗ, a géɗ skwi man ambaɓai man ndohi nengaʼa ta gau.

Zacharie 10:6

I va ta wuɗi a ndohi gi Juda, a i takaha ta ndohi gi Joseph, a i helka ta a deɓa a ngwai, te man ta siyè te va. A gi ara man i kwol ta ɓi pal ba. Aman iyè, Ndo nzi pèc pècèk, i Zhiklè tengaʼa, i woya a i cè ntsi ri tengaʼa.

Matthew 1:21

A da yi kra nguraʼa, a ka da va na nzlembaɗ nengaʼa Yèsu, aman nengaʼa a da mbel ta ndohi nengaʼa te mali tengaʼa.

Matthew 12:50

Aman ko wawa man a gi skwi man Bab ga te zhiklè a woyaʼa, nengaʼa kramam ga, demam ga, mam ga.

Matthew 25:40

Bai a ngaɗa ta: A vava i gaɗa kinè, aman kin gu arsa a sam mbelaw ndo staɗ te ndev kramamhi ga haha, kin gay a iyè.

Romans 8:29

Zhiklè a sen ta ndohi na, aman ta az di ɓai, a mpau saba tengaʼa nshèlèkuraʼa, aman ta gi lèmèlèmè ara kra nengaʼa, a nengaʼa a gi a tsuvomaʼa te va kramamhi kumba.