Michée 3:7 - Ma Zhiklè

⁷ A ndohi nsun skwai ta gi horai, a ndohi nhadka ma ta ngècè hori a dai. Tèlèba ta pi ri a dai, a géɗ man Zhiklè a mʼmbeɗa ta a ma ɓai.

Michée 3:7 ပူးပေါင်းရင်းမြစ်များ

Psaumes 74:9

Nga rka nrkedi asaɓai, a mèdèp, ndo nhadka ma Zhiklè ba asaɓai. Ndo man a suna, gar a da nzi tèkè tèkè, a te va nga ɓai.

Exode 9:11

A ndohi mʼmbèh skwai ta slaha ta gi arsa a sam di Moise ɓai; aman mblè a nkala ta a va ara man a va ndohi Egypte tèlèba.

Esaie 44:25

I gedassa ta njè-ma ndohi vri aussa. I ndede ta ndohi mpi kwa a madaɗauhai, a i wushede ta ndohi maya aussa, a i ndeda skwi man ta slebda ta ndohai a skwi nrzlaʼa.

Jérémie 18:18

Ta gaɗa: Ngo-vhokoy ma a gèɗ a Jérémie! Ma nhèdè ma a sam ndo mvi skwi a Zhiklè a ndiva ma? Ma ncèmma a sam ndo maya a ndiva ma? Ngo-tsedokoy ma a pa, ngo-fokoy gèɗ a ma nengaʼa ɓai!

Ezéchiel 24:17

Ɗüsh te ndav genè! Ka tsu nguzlah bai! Paɗa gèɗ ngaya, feda kotokoroh a sak, ka paɗda bozozom a pa bai, a ka ndau ɗaf sam kuɗa, man ta ckoɗa a sam kuɗa ɓai!

Ezéchiel 24:22

Kin da gi lèmèlèmè ara man i gau. Kin da paɗda bozozom a pa ɓai, kin da ndi ɗaf sam kuɗa azɓai.

Lèv. 13:45

Ndo hutsoɗ man hutsoɗ a va, da feda maslaka nkuratsa a va, da sha gèɗ na, da paɗama na ma, a bozozom tèlèba, da boho: Nlizhèa, nlizhèa!

Amos 8:11

Bi Zhiklè Ndo nzi pèc pècèk a gaɗa: Pats a di a shkè, a i zlindè mai a herkeda, mi skwi nʼndi a mi iyam ka ɓai, aman mi ma Ndo nzi pèc pècèk.

Michée 3:4

Te deɓaʼa ta da kuɗi a sam Ndo nzi pèc pècèk; aman nengaʼa a da mbeɗa ta a ma azɓai. A pats nasa a da nghédè va a sam ta, a géɗ man ta gu skwi man ambaɓi a sam na.

Michée 7:16

Ndohi herkeda ta da rkaʼa, a ta ngècè hori a dai a géɗ wuɗi tenga tèlèba. Ta rzl ta, ta winè ma asaɓai, zlembaɗ tengaʼa ndèʼa.

Zacharie 13:4

A da gi a pats nasa, ndohi nhèdè ma tèlèba, hori a da gi a di ta, man mèzhèɓ nhèd ma a shkè a géɗ tengaʼa; a ta vi bkwi a va ara maslaka, a ta cèkèl ma azɓai.

I Samuel 14:37

A Saul a ndzhoɗo Zhiklè: I do a verzi ndohi Philistie dè? Ka da pe ta a ri ndohi Israel dè? Aman Zhiklè a mʼmbeɗa na a ma a pats nasa ɓai.

I Samuel 28:15

Samuel a ngaɗa na Saul: Ka ngokoy nshèk va ga a pa èhèmè? A ka bahay è auda èhèmè? Saul a ngaɗa: I te matakwan mbiaʼa. Ndohi Philistie ta gi var a iyè. Zhiklè a njèkyè ma, a mbeɗay a ma asaɓai, ko te ma ndohi nhadka ma, ko te nshunè. A gèɗ nengaʼa i baha ka, a ka ngray skwi man i da giaʼa.

I Samuel 28:6

Saul a ndzhoɗo Ndo nzi pèc pècèk; aman Ndo nzi pèc pècèk a mbeɗa na a ma ɓai, ko te nshunè, ko a jimèr nkezlaʼa, ko a ma ndohi nhadka ma.

I Samuel 9:9

Zlèzlèa man ndohi Israel to do a tajhèdè Zhiklè, ta gaɗa: Vo-washke, ngo-dokoy a sam ndo nsun skwai! Ndohi man antanta ta baha ta ndohi nhadka ma, zlèzlèa ta baha ta ndohi nsun skwai.