Michée 3:11 - Ma Zhiklè

¹¹ Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Michée 3:11 ပူးပေါင်းရင်းမြစ်များ

Proverbes 17:23

Ndo ambaɓiaʼa a cè skwi mbalai man ta va na a metsar, aman a ngwèdè civèɗ kita.

Esaie 1:23

Tsuvomhi ngaya ta poko ta gèɗ auda a ndohai, a ta humda va a metsarhai. Ta tèlèba ta woy aman ndohi ta va ta skwai, a ta hèsh skwi mbalai. Ta takaha kra diki azɓai, ta nza na a deɓa a ngwoz mazi azɓai.

Esaie 48:2

Kin co nzlembaɗ kokwar nkezlaʼa, kin thè va a Zhiklè Israel, nzlembaɗ na Zhiklè bi mbiaʼa.

Esaie 5:23

A géɗ man ta ruɓ ta, ta prokoɗi ndo mali auda te kita, a ta fa na kita a gèɗ a ndo man nʼnga mali ɓai.

Esaie 56:11

Tengaʼa kdadihai man mi a gudèma ta gèɗ, a skwi nʼndi a ngeza ta azɓai. Tengaʼa ndohi mɓer skwai man ta slaha ta tsena skwi ɓai, ngiɗè a dè a civèɗ na, ngiɗè a civèɗ na, staɗ staɗ ta hèsh skwi ta, tèlè ta lèmèlèmè.

Jérémie 23:17

A ndohi man ta derɗyè, ta gaɗa ta: Ndo nzi pèc pècèk a ngoɗo: gumi a nda kinè! A ndohi tèlèba man ta sassaya ndav ta, ta gaɗa: Skwi mwuɗitpa a da ga kinè azɓai.

Jérémie 26:7

Ndohi mvi skwi a Zhiklè, ndohi nhadka ma, a ndohi tèlèba ta tsena ma Jérémie te gi Zhiklè.

Jérémie 5:12

Ta cèkèl ma a géɗ Ndo nzi pèc pècèk, ta gaɗa: Zhiklè azɓai. Matakwan a da ga nga azɓai. Tsakwal a mai a da ga nga azɓai.

Jérémie 6:13

Ta woy sulai, ko nkèshèʼa, ko mbiaʼa, ko ndo nhadka ma, ko ndo mvi skwi a Zhiklè, ta gi ri tèlèba.

Jérémie 7:4

Kin fu gèɗ a ma nʼngwèdè ndo haha ɓai, man kin gaɗa: Gi Zhiklè, gi Zhiklè! Na haha gi Zhiklè!

Jérémie 8:10

Gar haha i da pa ta ngwozi ta a ndohi ngiɗè, gi dau ta a ndohi ndum ta, te man tèlèba ta woy sulai, ko nkèshèʼa ko mbiaʼa, ko ndohi nhadka ma, ko ndo mvi skwi a Zhiklè, ta gi ri tèlèba.

Ezéchiel 22:12

Ta ruɓ ndo dai, aman a ta dè a ta keɗa ndo. Ka jhèɗè mpataka skwi a vaʼa, ka gu ri a sam nslamagi ngaya a wuɗai, a iyè i pca ka a gèɗ, Bi Zhiklè a gaɗa.

Ezéchiel 22:27

Ndohi ngaya mbibihiaʼa nara kdadihi dak man ta cizlè skwai, a ta keɗa ndo, a ta gedassa nshèffè a ta ndi hwaɗ a vna.

Ezéchiel 34:2

Ka ndo, hod ma a géɗ ndohi mɓer skwi te Israel. Hod ma! Ka da gaɗa ta ndohi mɓer skwai: Bi Zhiklè a gaɗa: Wobau a géɗ ndohi mɓer skwi te Israel, man ta wèr di va ta genè! Ndohi mɓer skwai ta wèr skwi ta ka bi dè?

Osée 4:18

Ta ndohi zom man ta gi mphömè lèk lèk.

Osée 4:8

I da ngwoda nʼnjèl tengaʼa a horai. Ta ndi skwi mali man ndohi ga ta zliaʼa; ntétékè ta a de ta a sam malai.

Amos 5:14

Va-woy skwi man amba, kin woy skwi man ambaɓi ɓai! A kin nzi a nshèf-fè, a Ndo nzi pèc pècèk Zhiklè bi mbiaʼa a da zhè a sam kinè ara man kin goɗo.

Amos 9:10

Ndohi ga man ta gu malai a ta gada: skwi mwuɗitpa a da ga nga azɓai, matakwan a da ngatsa nga azɓai – a di ta da bazl ta a tsakwal.

Michée 3:5

Ndo nzi pèc pècèk a ga ta ma a va a géɗ ndohi nhadka ma man ta zlakeda ta ndohi ga, man ta hodko ma gumai a sam ndohi man ta vra ta, a ta ga ta ma a va ndohai, man ta ngatsa skwi a bazlazlam a sam ta ɓai.

Michée 7:3

Ri tengaʼa mwosla a ta gi skwi man ambaɓai. Ndo mbiaʼa a jhèɗè skwai. Ko ndo kita ba a ndi ndo. Ndo mbiaʼa a gi ara man a woyaʼa, ta terɗè kita.

Sophonie 3:3

Wud bihi te kokwar nengaʼa, ta ara marizhèlè man ta kuɗkaɗai, ndohi kit a nengaʼa ara nvalavalhi a vaɗ, man ta jèkè skwi a hi a mangoslèm azɓai.

Sophonie 3:4

Ndohi nhadka ma nengaʼa, man ta fu va ta a falihai, ndohi ngi rai; ndohi mvi skwi a Zhiklè nengaʼa ta derɗa skwi nkezlaʼa, ta ngwoda ma kita.

Mal. 1:10

Dara kin pizlè ntamagi Zhiklè, a kin vècè vog-wa a sam mvi skwi a Zhiklè ambali azɓai. I wuffè a géɗ kinè azɓai, Zhiklè ndohi var a gaɗa. A skwi man kin vokoy te ri kinè, nʼngay ɓai.

Mal. 2:9

A géɗ nengaʼa i ga kinè a skwi man a ndara ta ndohi herkeda tèlèba, ara koskosi ndo ambalai, te man kin gsa civèɗ ga ɓai, a kin ɗöl kita nɗèlè.

Nombres 16:15

A Moise a ngu ndav kumba a géɗ nengaʼa, a ngaɗa na Ndo nzi pèc pècèk: Ka co skwi man ta va ka ɓai! Ko kɗèh i cèma ta ɓai, ko ndo ngiɗè i lama ta ɓai.

Nombres 22:7

A ndohi nhalaʼa te Moab, a ndohi nhalaʼa te Madian, to do, a skwi mbali te rai, a ta ndika a sam Balaam, a ta menda na ma Balak.

Matthew 3:9

Kin hur ɓai, a kin gaɗa, Abraham bab nga! Aman i gaɗa kinè: Zhiklè a slaha a nyoko na wuda a Abraham te kwahi haha.

1 Timothy 3:3

ndo njèjèr zom ka ɓai, a tsi ndo azɓai, ndo gumai, a bèzl va azɓai, a hér va na genè ka ɓai,

Titus 1:11

Aman sèi nga tseda ta ma a pa, man ɓai ta gedassa gihi tèlèba a njè-ma tengaʼa ambaɓiaʼa, a njè-ma a géɗ man ta woy skwi te pa.

1 Peter 5:2

Va-war rèwè ndohi Zhiklè man ta va kinè a rai, ara Zhiklè man a woyaʼa, a ndav amba, te man ta fa kinè a gèɗ ka ɓai, a géɗ Suli ka ɓai, aman a géɗ man kin woya a ndav kinè;

Jude 1:11

Wobau a géɗ tengaʼa! Ta beza a civèɗ Cain, a ta gu mali ara Balaam a géɗ sulai, a ta bazl ta lèmèlèmè ara ndohi nrubi Coré.

I Samuel 8:3

Aman wudahi nengaʼa ta gsa civèɗ bab ta ɓai, aman ta woy sulai. Aman ndohi ta ruɓ ta, ta co, a ta ngwoda kita.