Michée 2:12 - Ma Zhiklè

¹² Jacob, i da ɓic kinè tèlèba; i da ɓic ta njèkèɗi ndohi Israel; i da ɓic ta a sam staɗ ara tambakihi a kuɗom, ara rèwè tambak te zlazlar; ndohi rèdèdèʼa man ta hèzlèwè kumba.

Michée 2:12 ပူးပေါင်းရင်းမြစ်များ

Genèse 36:33

A Béla a mʼmets na; a Jobab, kra Zérach, te Botsra, a ngu bi te di man a na.

I Chroniques 1:44

Béla a mʼmets na, a Jobab, kra Zérach, te Botsra, a ngu bi te di man a nengaʼa.

Esaie 11:11

A pats nasa Bi Zhiklè a da slèmbèɗè zaʼa, a nda sumka ta ndohi nengaʼa a deɓa, njèkèɗi ndohai man ta venda gèɗ ta a kokwar Assyrie, a Egypte, a Pathros, a Ethiopie, a Elam, a Shinear, a Hamath, a herkeda nte ndev iyam mbiaʼa.

Esaie 27:12

A pats nasa Ndo nzi pèc pècèk a da kizlè dau, a hinè te woyam Euphrate, ha ndè a woyam Egypte. Ta da par kinè tʼhai, staɗ staɗ, kinè ndohi Israel.

Esaie 34:6

Ndo nzi pèc pècèk a tsakwal te rai, man pombaz a pa guzhguzhèʼa, mbeza a pa tambelththaʼa, a pombaz tambak a ɓok, a mbeza kwa deɓa drok. Ta gi ngolala nzli skwi a Ndo nzi pèc pècèk te Botsra, ta bazla skwi kumba te Edom.

Esaie 5:17

Wud tam-bakihai ta da ndi mandai te pa ara dak ta. Kokwar man ta wèr skwi te pa, a nʼngwoda na a hèshèkèɗ.

Jérémie 23:3

Aman iyè, i da ɓicka ta njèkèdi ndohi ga te verzi herkeda, a sam man i dzam ta a pa, a i da helka ta a deɓa a sam nʼnzi ta. Ta da yi wuda, a ta mènè a vata.

Jérémie 3:18

Te ndev nasa ndohi Juda ta da humdè va ta a ndohi Israel, a ta tsokolko va ta a deɓa te kokwar te man a géɗèʼa, a ta dè a kokwar man i va ta babhi ta a skwi nʼndi gi ta.

Ezéchiel 34:11

A vava, Bi Zhiklè a gaɗa: Na haha i woy a i wèr tambakihi ga a ri ga, a i lè ta.

Ezéchiel 34:13

A i de ta auda te va ndohi herkeda, a i ɓicka ta a deɓa te kokwar bihai, a i helka ta a deɓa a kokwar bab ta, a i war ta a gèɗ za Israel, te nkulgodok, a sam nʼnzi tèlèba te kokwar.

Ezéchiel 34:22

I woy a i takaha ta tambakihi ga, aman skwa da ga ta bai; a i bèzlè kita a sam tambakihai, ngiɗè a ngiɗè, ngiɗè a ngiɗè.

Ezéchiel 34:31

Kinè tambakihi ga, tambakihi man a rèwè ga. Iyè, Ndo nzi pèc pècèk, Zhiklè kinè, Bi Zhiklè a ngoɗa.

Ezéchiel 36:37

Gar haha Bi Zhiklè a gaɗa: Aman ndohi Israel ta tsi ri a iyè, i céʼa, a i gi skwi haha a sam tengaʼa a vaʼa: a ndohi ta gi a vata ara rèwè tambak.

Ezéchiel 37:21

Te deɓaʼa ka da gaɗa ta: Bi Zhiklè a gaɗa: Na haha i da helka ta ndohi Israel auda te va ndohi herkeda man ta nzakaɗ a va tengaʼa, a i da ɓicka ta te tsagi tèlèba, a i de ta a deɓa a kokwar ta.

Amos 1:12

I da fa na vogwa a Théman, a da ndeda gi-bihi te Botsra a ma.

Michée 2:13

Ndo mwin civèɗ a shkè a ma tengaʼa, a ta nguzlko gèɗ ta auda. Ntamagi a zhè, a ta ndeɗatska va auda. Bi tengaʼa a dè a ma tengaʼa. Ndo nzi pèc pècèk a lè ta.

Michée 4:8

Ka, kuɗom skwai, za dem Sion, ka da ngècè bi zaʼa ara halaʼa, bi a géɗ ndohi gi Israel.

Michée 5:7

Te deɓaʼa njèkèɗi ndohi Jacob ta zhè te va ndohi herkeda, te ndev ndohi kumba, ara marizhèlè te ndev skwi dak, ara kra marizhèlè te va rèwè tambakihai. Aman a bizhè a pa, a nkeɗaʼa, a ncizl ta, ndo a slaha a nkoldokona auda te ri nengaʼa ɓai.

Michée 5:8

Ri ngaya da gu ngul ta ndohi man ta Sala ka va a gèɗ; mayamhi ngaya tèlèba da ze ta!

Michée 7:14

Ɓür ndohi ngaya a gada mɓer skwi ngaya! Ara rèwè skwi ngaya, man ta nza a géɗ ta te za Carmel. Sèi ka lè ta a sam mbelaʼa te Basan, te Galaad, ara nzlèzlèʼa!

Michée 7:18

Zhiklè, ngar ka wa? Man a keɗa na gèɗ dai a mphömè, a pra ta mali a ndohi nʼndi gi na, a gi ndav a mèdèp azɓai, aman a wuffè a mvi pombai.

Sophonie 3:20

A pats nasa i da hel kinè a deɓa a ngwai, a pats nasa i da ɓic kinè a deɓa. I woy a i va kinè nʼnjèlè, a ndohi herkeda tèlèba ta slèbèrdè kinè, aman i da helka kinè a deɓa te ɓèlè, a sam di ta – Ndo nzi pèc pècèk a gaɗa.