Michée 2:11 - Ma Zhiklè

¹¹ Aman ndo ngiɗè a shkè a ma ambalai flak-flakaʼa, a cèkèlma, a gaɗa: i hodko ma a géɗ zom a barassa! – Nasa ndo nʼnjè ma man ambaha ta ndohi ambaɓihiaʼa haha!

Michée 2:11 ပူးပေါင်းရင်းမြစ်များ

I Rois 13:18

A nengaʼa a ngaɗa na: I ba i ndo nhadka ma, lèmèlèmè ara man a ngaya. Gol Zhiklè a mʼmenday ma Ndo nzi pèc pècèk, a ngaɗa: Da ckoɗa gi ngaya, aman a da ndi skwai, a si iyam. A nʼngul ma a sam na.

I Rois 22:6

A bi Israel a mɓic ta ndohi nhadka ma 400, a ngaɗa ta: Amba aman i dè var a Ramoth te Galaad dè, dè i jèkeda dè? A ta gada na: Do, Bi Zhiklè a da pa ta a ri a bai!

Job 31:5

Aman i cèkèlma, aman i ngwèdè ndo,

Proverbes 25:14

Ndo man a gada ka: i va ka skwai – aman a vi azɓai, nara vani malama man iyam a te pa ɓai.

Esaie 28:7

Aman ko tenga haha ta dè dzaw-dzawaʼa ara ndohi zom, man zom a keɗ ta: ndohi mvi skwi a Zhiklè a ndohi nhadka ma, ta dè dzaw-dzawaʼa te ri zom, barassa a dzakaɓama ta gèɗ. Aman ta hodko ma, ta gèɗè zlakzlakaʼa. Aman ta bèzl kita, ta bèzlè tsarayaʼa azɓai.

Esaie 9:15

A ndohi ncè ta ma ndohi haha, ta nde ta a ndohi mpe ta a wai, a ta zede ta ndohi man ta cè ta ma.

Jérémie 14:14

Aman Ndo nzi pèc pècèk a ngaɗayè: Ndohi nhadka ma ta cèkèl ma a nzlembaɗ ga. Iyè nzlinde ta ka ɓai, i va ta ma ga ɓai, i gaɗa ta ɓai. Ta hodko ma ncèkèlma, ta njè kinè ma ncèkèlma, skwi ambalai man ta ngul te gèɗ ta.

Jérémie 23:14

I rka skwi horai a sam ndohi nhadka ma te Jérusalem: ta gi mphömè, ta cèkèl ma. Ta ndha ri ndohi malihai, ta woya ndo da menkada deɓa te mali na bai. Ta tèlèba ta ga ara Sodome a sam di ga, lèmèlèmè ara ndohi kokwar Gomorrhe.

Jérémie 23:17

A ndohi man ta derɗyè, ta gaɗa ta: Ndo nzi pèc pècèk a ngoɗo: gumi a nda kinè! A ndohi tèlèba man ta sassaya ndav ta, ta gaɗa: Skwi mwuɗitpa a da ga kinè azɓai.

Jérémie 23:25

I tsena ma ndohi nhadka ma man ta hodko ma ncèkèlma a nzlembaɗ ga, a ta gaɗa: Nshunè a nkeɗyè, nshunè a nkeɗyè!

Jérémie 23:32

Ndohi nhadka nshunè ncèkèlma, ta ambahayè hai, Ndo nzi pèc pècèk a gaɗa, man ta njè ta ncèkèlma a nfi va tengaʼa, a ta zlakede ta ndohi ga. Iyè nzlinde ta ka ɓai, iyè ngaɗa ta ka ɓai. Ta takaha ta ndohi haha ɓai, ko kèshkata, Ndo nzi pèc pècèk a gaɗa.

Jérémie 28:15

Te deɓaʼa Jérémie, ndo nhadka ma, a ngaɗa na Hanania, ndo nhadka ma: Tsena mbelembela, Hanania! Ndo nzi pèc pècèk a nzlindka ka ɓai. Ka gu aman ndohi ta pi ndav a ka, a géɗ ncèkèlma ngaya!

Jérémie 5:31

Ndohi nhadka ma ta hodko ma ta tsakal ma. Ndohi mvi skwi a Zhiklè ta takaha ta te pa. Ndohi ga, ambaha ta. Aman te deɓ nengaʼa, kin da gi mè?

Lamentations de Jérémie 2:14

Ndohi nhadka ma nga ta cèkèl ma a sam ngaya, a ta njè ka ma nrzlaʼa. Ta ngra ka mali ngaya ɓai, aman ka shkè auda te ndzoan. Skwi man ta hodko ma a géɗ ngaya, skwi ncèkèlma, skwi nʼngwode ka genè.

Ezéchiel 13:22

A géɗ man kin mbeɗama na ndav a ndo nzuraʼa a ncèkèlma, ndo man i woy a i ga na matakwan bai, a kin va ta wuɗai a ndohi nderɗe Zhiklè; a ta ngwèdè gèɗ a deɓa te civèɗ tengaʼa ambaɓiaʼa azɓai, aman ta mbél ta.

Osée 7:14

Ta kuɗau a sam ga a ma genè, a ndav tèlè ka ɓai, aman ta manahi a matakwan. Ta gi zlau a géɗ dau a iyam nyi wof, a ta gi mèdègèɗ a sam ga.

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Michée 3:5

Ndo nzi pèc pècèk a ga ta ma a va a géɗ ndohi nhadka ma man ta zlakeda ta ndohi ga, man ta hodko ma gumai a sam ndohi man ta vra ta, a ta ga ta ma a va ndohai, man ta ngatsa skwi a bazlazlam a sam ta ɓai.

Romans 16:18

Aman tengaʼa ta gi mizlinè Bi nga Kristi ka ɓai, aman mizlinè hwaɗ tengaʼa. Ma tengaʼa ara vongwom; ma tengaʼa man amba a pe ta a wai, man ta hér mali ta azɓai.

Philippiens 3:19

Ndikè-ma tengaʼa, sam ngédèsh ta. Zhiklè tengaʼa, hwaɗ ta. Nʼnjèl tengaʼa, hori ta, ta hér skwi herkeda.

1 John 4:1

Dalahimam ga, kin co mèzhèɓ tsaɗ tsaɗ tèlèba a ndav ɓai! Sèi kin jkede ta mèzhèɓhai, a kin wora, aman ta shkè te Bi Zhiklè. Aman ndohi nhadka ncèkèl-ma kumba ta zhè tʼherkeda.