Michée 1:8 - Ma Zhiklè

⁸ Gar haha i kuɗai a i gi wobau, i dè a daf sak, a verzi a dala, i kuɗi ara nvalaval, man mi a keɗaʼa, a i kuɗi ara wuzhèm.

Michée 1:8 ပူးပေါင်းရင်းမြစ်များ

II Rois 18:13

Aman Ezéchias a ngu bi te mvi 14, Sanchérib, bi Assyrie, a mshkè a ngu var a kokwarhi nʼngalaʼa te Juda tèlèba, a ndum ta ma.

Esther 4:1

Mardochée a ntsena skwi tèlèba man ta gau, a nkuratseda maslaka na aussa, a mfeda maslaka sam kuɗa a va, a mpeda hutsoɗ a gèɗ, a njèkeda gi na, a ndo a ndev kokwar, a gi wobau, a tsi lalau.

Job 30:29

I ndaʼa a kramam nvalaval, a mandal zhèrèuhai.

Psaumes 102:6

I kuɗai a i shèkètè, a gworyè a hai hunjüɓaʼa.

Esaie 13:21

Sèi skwi dak a nzi te pa. A gihi tengaʼa, zhèrèu a hayda va a pa, a madzagihi ta tsi mɓarwasl te pa.

Esaie 13:22

Kda dak a bkwè te gi ɓai, nvalaval a kuɗi te gi man ndohi ta gots te pa. Pats ndikèmaʼa kalka ma, ta mènè a vata azɓai.

Esaie 16:9

A géɗ nengaʼa i kuɗai a géɗ wof barassa te Sibma, a nda ndohi Jaezer. Hesbon a Elealé i pan kinè a kuɗ ga; te man a géɗ nyi wof ngaya, a géɗ man ta para nyi wof ngaya, mayamhi ta tsi sabi a géɗèʼa.

Esaie 21:3

A géɗ nengaʼa a gurtsedyè te va. I dish va ara ngwoz man a yi kra. Matakwan a ndèmay zlembaɗ, a payè a dai.

Esaie 22:4

A géɗ nengaʼa i gaɗa: Va-ngwodkay deɓa, a i kuɗi tsektsekaʼa, a géɗ wuɗi ndohi ga man ngedas na. Kin jkudo aman kin bidyè ɓai!

Esaie 32:11

Kinè man kin hér gèɗ zlau azɓai, va-gudzau! Zukom dalahai, va-gu zlau! Va-suda na maslaka auda a va, va-nza adai, sèi skwi deɓa genè!

Jérémie 4:19

Woba ndav ga, woba ndav ga! I gudzi te ndav ga! I gudzi te ndav ga! Ndav ga a dzayè, i slaha a i nzi tètèʼa ɓai; i tsena tolom, i tsena nguzli var.

Jérémie 9:1

I woya a i kuɗai a pats a vaɗ a gèɗ ndohi ga man ta bazl ta, ko gèɗ ga nwalaɗ na, ko kuɗa a hezlamay dai.

Jérémie 9:10

I hinè nkuɗi za, i hinè ntsi nguzlah a géɗ sam nɗaʼa. A nde na hèshèkèɗ, ndo a bizhè a pa azɓai, kuɗ skwa a te pa ɓai; ɗiakihi a skwi dak tèlèba ta venda gèɗ ta ma.

Jérémie 9:19

Wobau a tsenkaɗi te Sion. Nga gedassa! Hori a di nga! Sèi nga jèkeda kokwar, gi nga ngedassaʼa.

Ezéchiel 32:18

Ka ndo, gu wobau a géɗ ndohi Egypte rèdèdèʼa, a kinè a dalahi ndohi herkeda, va-zukde ta hai! I daʼa a vèvèɗ a hwaɗaʼa, a sam ndohi dzavai, a nda ndohi man ta te vèvèɗ tʼhwaɗaʼa.

Michée 2:4

A pats nasa ta da gèɗè ngèlègèɗ ma a géɗ kinè, a ta tsi nguzlah: Ta dum nga ma, nga gedassa. Ndohi nga ta pe ta a ri a ndohi ngiɗè, a nga ngècè a deɓa asaɓai. Ta ngela sam dak nga a ri a ndohi man ta dum nga.

I Samuel 19:24

A nengaʼa ba a nsuɗa maslaka nengaʼa auda a va, a nhodko ma a sam di Samuel, a nʼnza a pa adai, a pats sa, a vaɗ sa. A géɗ nengaʼa ta gèɗè a ta ngala na gèɗ: Saul ba te ndev ndohi nhadka ma dè?