Michée 1:16 - Ma Zhiklè

¹⁶ Sha gèɗ ngaya, a gèɗ wudahi ngaya man ka woy ta. Nza a gèɗ ndoy-ndoyaʼa ara mohodok; aman ta da jèke ka, ta da hel ta a ɓèlè.

Michée 1:16 ပူးပေါင်းရင်းမြစ်များ

II Rois 17:6

Te mvi bi Osée 9, bi Assyrie a nduma Samarie, a nhel ta ndohi Israel a ɓèlè a kokwar Assyrie, a mpe ta a kokwar Chalach, a za Chabor, a woyam Gozan, a kokwarhi mbimbihiaʼa te Mèdes.

Job 1:20

Te deɓaʼa Job a nslambaɗa, a nkuratseda maslaka nengaʼa aussa, a nsha gèɗ, a nkalda va na a hi a herkeda, a ntsu rai, a ngaɗa:

Esaie 15:2

Ta tivè a Dibon, a sam man ta va na skwi a Zhiklè, a ta kuɗai. Moab a gi wobau te Nébo, te Médeba. Gèd ndohi tèlèba nshèʼa, bozozom ta nshèʼa.

Esaie 22:12

Bi Zhiklè bi mbiaʼa a mboho a pats nasa, a woya aman ta kuɗai a ta tsi lalau, atashi gèɗ atavi maslakasam kuɗa a va.

Jérémie 16:6

Mbibihiaʼa a nkèshkèshè-hiaʼa ta da bazl ta te kokwar haha, ndo nda re ta asaɓai, ndo nda kuɗ ta asaɓai, ta hi a verzi mbav a gèɗ kinè asaɓai, ta shè kinè gèɗ a verzia asaɓai.

Jérémie 4:8

A géɗ nengaʼa, va-feda maslaka sam kuɗa a va, va-gu wobau, va-kudau! Ndo nzi pèc pècèk a gi ndav kumba a géɗ ndohi Israel, a nkeɗa gèɗè a hi ɓai.

Jérémie 47:5

Ta ndeva kokwar Gaza ma; Askalon, ko kuɗ ɗiak a te pa ɓai; njèkèɗiaʼa a vara lèmèlèmè. Ka cèh va, tè ngèmè?

Jérémie 6:26

Dem ndohi ga, feda maslaka sam kuɗa a va, a ka manahi a va mèrwèc. Gu wobau ara man ka kuɗi kra ngaya ngu-raʼa staɗgenè. Tsu lalau! A nasa nasa ndo ngedassa ndo a kala nga va.

Jérémie 7:29

Shè gèɗ ngaya, a ka wusheda gwots aussa, a ka gu wobau! Aman Ndo nzi pèc pècèk a nkwol ta ndohi man ta poko na gèɗ ndav auda.

Lamentations de Jérémie 2:19

Gu wobau a vaɗ, a sam nkezawaʼa, ngurdo skwi auda te ndav tèlè a sam Ndo nzi pèc pècèk, da hakaɗauda te pa ara iyam; geda ri a zhiklè a ka tsu ri a géɗ nshèffè wudahi ngaya, man ta tiɗ ta a mai a zolom civèɗ tèlèba.

Amos 7:11

Amos a ngoɗ ar haha: Jéroboam ta da keɗaʼa a tsakwal, a ta da hel ta ndohi Israel a ɓèlè dra.

Amos 7:17

Gar haha Ndo nzi pèc pècèk a gaɗa: ngwoz ngaya a da ndi a fali ngwoz te kokwar. Wudahi ngaya a dalahi ngaya ta da bèzl ta a tsakwal. Herkeda ngaya ta da liva ka a ri a teɓa, a ta va na ndo ngiɗè. Ka, ka da metsi ngaya a kokwar ndohi nte deɓa. A ndohi Israel sèi ta da jèkeda kokwar ta, a ta da gi ɓèlè a kokwar ngiɗè.

Amos 8:10

A i da ngwoda ngolala kinè, a ndi a sam kuâa, a dimèsh mwuffè kinè tèlèba a nguzlah. I va kinè maslaka sam kuɗa a va tèlèɓa, ko wawa a da she gwots gèɗ na auda. I gi a ndohi a lèyè ara man ta kuɗi kra nguraʼa man na staɗgenè. Ndikè-ma skwi nengaʼa ara pats mwuɗitpa.

Deutéronome 28:41

Ka da yi wudahi a dalahai, ta a ngaya ka ɓai, ta dè a ta da gi ɓèlè.