Matthew 8:20 - Ma Zhiklè

²⁰ Yèsu a ngaɗa na: Barkdadihai ta ngots vèvèɗ ta, ɗiakihai thwaɗ giɗfèk ta ngots gi ta, aman kra-ndo a nʼngatsa sam na ɓai, aman a fi gèɗ a pa.

Mofa New Testament

²⁰ Yésu a ngaƋa na: Barkdadihai ta ngots vèvèd ta, diakihai t'hwad gidfèk ta ngots gi ta, aman Kra-ndo a n'ngatsa sam na ɓai, aman a fí gèƋ a pa.

Matthew 8:20 ပူးပေါင်းရင်းမြစ်များ

Psaumes 104:12

a diakihi tʼhwaɗ giɗfèk ta nzi a ma iyam, a ta kuɗi tʼhwaɗ wof.

Psaumes 104:17

a sam man ngalawihi ta gi gi ta a pa, a massai man a gi gi na te wof mbotomboto.

Psaumes 109:22

Iyè, i mbelawa, i ndo ntawassaʼa, i gi zlau te ndav tʼhwaɗaʼa.

Psaumes 40:17

Ta tèlèba man ta has ka, a ta woy ngi-zuraʼa ngaya, ta da wuffè a géɗ ngaya, a ta gèɗè pèc pècèk: Ndo nzi pèc pècèk mbiaʼa!

Psaumes 69:29

Sèi ka gedasse nzlembaɗ tengaʼa te ɗèlèwèr nshèffè, da wìnde ta a va ndohi nzuraʼa ɓai!

Psaumes 84:3

Ndav ga a sakat na, mpataka gala gi Ndo nzi pèc pècèk a keɗyè. Anai i sli dimèsh a mwuffè, a pombaz ga a wuffedyè te va, a sam Zhiklè man a zhè a nshèffè.

Daniel 7:13

A i rka te nshun ga a vaɗ: Ndo ngiɗè a mshkè te zhiklè, te va vanai, lèmèlèmè ara kra ndo. A mshkè a sam ndo nhala sa, a ta da a sam nengaʼa.

Matthew 12:32

Ko wawa man a gi ma a géɗ kra-ndo, mali na a prè; aman ko wawa man a gi ma a géɗ Mèzhèɓ Zhiklè nkezlaʼa, mali nengaʼa a prè azɓai, ko tʼherkeda antanta, ko pats ngiɗè.

Matthew 12:40

Aman lèmèlèmè ara Jonas a nʼnza a hwaɗ klèf mbiaʼa pats makar, vaɗ makar, lèmèlèmè kra-ndo a da nzi thwaɗ herkeda, pats makar, vaɗ makar.

Matthew 12:8

Aman kra-ndo, bai, a géɗ pats nshèk va ha.

Matthew 13:37

Yèsu a mʼmbeɗa ta a ma: Ndo man a wushè tser skwi mbelaʼa, nengaʼa kra-ndo.

Matthew 16:13

Aman Yèsu a mdo a kokwar Césarée a Philippe, a ndzhad ta golahi nengaʼa: Ndohi ta sla na kra-ndo wa?

Matthew 16:27

Kra-ndo a di a shkè a nʼnjèl Bab na, a nda golahi nengaʼa. Te deɓaʼa a da va na ndo staɗ staɗ tèlèba te di skwi man a gau.

Matthew 17:9

Aman ta shkèhai te za, Yèsu a nfa ta ma a gèɗ: Skwi man a rka kinè a di haha, kin da ngreda na ndo ngiɗè ɓai, ha pats man kra-ndo a nslambaɗkaɗauda te ndev ndohi mʼmetsa ma.

Matthew 19:28

Yèsu a ngaɗa ta: A vava, i gaɗa kinè: Kinè, aman kin dzadzarkayè: a pats man herkeda a gi a mɓuaʼa, aman kra-ndo a nzi a géɗ sam nʼnzi bi nʼnjèl na, kinè ba kin da nzi a géɗ sam nʼnzi bi 12, a kin da ga ta kita a verzi ndohi Israel 12.

Marc 8:38

Aman ko wawa man a gi hori ga, a hori ma ga a sam ndohi mphömè a ndohi malihi haha, kra-ndo ba a da gi hori nengaʼa, a pats man a shkè te nʼnjèl Bab na, a nda golahi Bi Zhiklè nkezlaʼa.

Luke 12:8

Aman i gaɗa kinè: Ko wawa man a ngredyè auda a sam ndohai, kra-ndo ba a ngrédèʼa a sam golahi Zhiklè.

Luke 18:8

I gaɗa kinè, a takaha ta tsam tsam. Aman kra-ndo a shkè, a da ngècè ncè-a-ndav tʼherkeda dè?

Luke 2:12

Va-suna te skwi malwuɗi haha: Kin ngècè kra, mpaɗaʼa a bomtèrè, mʼmana tʼhai te torok.

Luke 2:16

A to do tsam tsam, a ta ngots, Marie a Joseph, a kra mʼmana te torok.

Luke 2:7

A nyu tsuvom nengaʼa, kra nguraʼa, a mpaɗda a bomtèrè, a mfeda a torok, te man sam mʼmènè ngiɗè azɓai te gi mbrokihai.

Luke 21:36

Anai va-nza a dai, va-tsu ri pèc pècèk, aman kin zli va kinè auda a sam skwi haha tèlèba man a di a shkè, a kin slaha a kin zlècè a sam kra-ndo.

Luke 8:3

a Jeanne, ngwoz Chuza, bigol Hérode, a Suzanne, a ngwozi ngiɗè kumba, ta takaha ta a skwi ta.

Luke 9:58

A Yèsu a ngaɗa na: Barkdadihai ta ngots vèvèɗ ta, dikihai tʼhwaɗ giɗfèk ta ngots gi ta. Aman kra-ndo a nʼngatsa sam na ɓai, aman a fi gèɗ a pa.

Jean 1:51

A ngaɗa na: A vava, a vava, i gaɗa kinè: Kin da rka giɗfèk mwinèa, a golahi Zhiklè ta dè a pa, a ta shkèhai a géɗ a kra-ndo.

Jean 12:34

A ndohi ta gaɗa na: Nga tsena te ma kita Zhiklè, Kristi a nzi a mèdèp. Ka, ka gaɗ ke: Sèi ta zlècèdè krando. Kra-ndo haha wa?

Jean 13:31

Aman a nʼndo auda ma, Yèsu a ngaɗa: Antanta kra-ndo nʼnzalaʼa, a nʼnjèlè Zhiklè a gudoko na va a di te nengaʼa.

Jean 3:13

Ndo ngiɗè a dè zhiklè azɓai, sèi ndo man a shkè te zhiklè, nengaʼa kra-ndo man a zhè te zhiklè.

Jean 3:14

Ara Moise a nzlatseda zhüzhok tʼhèshèked, ta da zlècèdè kra-ndo.

Jean 6:27

Kin gu mizlinè a géɗ skwi nʼndi man a di agédèsh na ɓai, aman a géɗ skwi man a va kinè nshèffè a mèdèp, nengaʼa man kra-ndo a di a va kinè, kra-ndo man Zhiklè, Bab na, a tsoko na va,

Jean 6:53

A Yèsu a ngaɗa ta: A vava, a vava, i gada kinè: Aman kin ndi zluèɗ va krando azɓai, kin si Pombaz va nengaʼa azɓai, kin ngècè nshèffè te ndav kinè azɓai.

Jean 6:62

Aman te deɓaʼa kin da rka kra-ndo, man a dè deɓaʼa sam man a shkè te pa, kè?

Actes 7:56

Na haha i rka giɗfèk mwinèa, kra-ndo nzlatsa te civèɗ ri mandi Zhiklè.

2 Corinthians 8:9

Aman kin sun pombi Bi nga Yèsu Kristi, ko nengaʼa ndo mèshèlè, a nʼnde na a ndo ntawassaʼa, a géɗ kinè, a géɗ man te ntèwèshè nengaʼa kin ndi a ndohi mèshèlè.