Matthew 8:11 - Ma Zhiklè

¹¹ Aman i gaɗa kinè: Ndohi kumba ta da shkè te civèɗ mvèng pats, te civèɗ nkèl pats, a ta da nzi a nda Abraham, a Isaac, a Jacob te kokwar-Bi-Zhi-klè.

Mofa New Testament

¹¹ Aman i gaƋa kinè: Ndohi kumba ta da shkè te civèƋ mvèng pats, te civèƋ nkèl pats, a ta da nzi a nda Abraham, a Isaac, a Jacob te kokwar-Bi-Zhiklè.

Matthew 8:11 ပူးပေါင်းရင်းမြစ်များ

Genèse 12:3

I woy a i pshè ta ma ndohai, man ta pshè ka ma. Ndo man a phomde ka, i woy a i phömdèʼa. Te ka, verzi ndohi kumba ta da ngècè mpshè ma.

Genèse 22:18

Ndohi a géɗ herkeda tèlèba ta da ngècè mpshè ma a géɗ nzlembaɗ ngaya, a géɗ man ka fu gèɗ a ma ga.

Genèse 28:14

Wudahi ngaya ta da gi a vata, ara wyak te woyam. Ka da zlèzlèmè te man a nkèl pats, te man a mvèng pats, te man a tsagi a tsagai, a ndohi herkeda tèlèba ta da ngècè mpshè ma te nzlembaɗ ngaya.

Genèse 49:10

Gada bai a kèlè auda te ri Juda azɓai, a gada kita a zhè a sam sak nengaʼa, ha bi mbiaʼa a shkè, man ndohi ta fi gèɗ a ma nengaʼa.

Psaumes 22:27

Ndohi man ta manda ta gèɗ a hai, ta da ndi skwai a ta ngézhè. Ndohi man ta woya Ndo nzi pèc pècèk, ta da shida na gèɗ. Ndav kinè da nza a nshèffè a mèdèp!

Psaumes 98:3

A nhur pombi nengaʼa a sam ndohi Jacob, a nhur nlèɓèslè nengaʼa a sam ndohi Israel. Te verzi herkeda tèlèba, ta rka skwi mʼmbel ndo Zhiklè nga.

Esaie 11:10

A pats nasa ndohi man ta sun Zhiklè ɓai ta da menkaɗa deɓa a sam zluzlor Isai. A zluzlor Isai a gi a skwi malwuɗai a sam ndohi tèlèba, sam nʼnzi bi nengaʼa nʼnzala.

Esaie 49:12

Na haha ndohi ngiɗè ta shkè dra, ndohi ngiɗè ta shkè te civèɗ man a géɗèʼa, te civèɗ dukwaɗ, ndohi ngiɗè te kokwar ndohi Sinim.

Esaie 49:6

A gada: Aman ka ɓèl ga, a ka til ndohi te verzi Jacob, a ka helka ta ndohi Israel man ta mbel ta a deɓa, a slra ɓai; sèi i ge ka a skwi nhél sam ndohi herkeda; a skwi mʼmbél ndo a ndi-kè a verzi herkeda tèlèba.

Esaie 52:10

Ndo nzi pèc pècèk a ngreda wuɗi nengaʼa nkezlaʼa auda, a gi nrkedi a ri nengaʼa nkezlaʼa, a sam di ndohi herkeda tèlèba; a ndohi te verzi herkeda tèlèba ta rka skwi mʼmbel ndo Zhiklè nga.

Esaie 59:19

A ta da gi zlau nzlembaɗ Ndo nzi pèc pècèk, te civèɗ dukwaɗ, a ta da gi zlau nʼnjèl bi nengaʼa te civèɗ mvèng pats. Aman nengaʼa a shkè ara woyam nterzlaʼa, man nshèffè Ndo nzi pèc pècèk a hèdèʼa.

Jérémie 16:19

Ndo nzi pèc pècèk, ka wuɗi ga, sam man i ngheda va ga a pa, sam ga nlèaʼa a pats matakwan. Ngul ndohai ta da shkè a sam ngaya te verzi herkeda, a ta gada: Babhi nga ta ngots skwi ncèkèlma genè, skwi mbèh skwi man ambalai, man a takaha ndo azɓai.

Daniel 2:44

Aman bihi matsa ta zhè, Zhiklè te zhiklè te géɗèʼa a da til kokwar-bai, man a nzi a mèdèp, a skwi a gé-dèshè azɓai, ndohi herkeda ta ngècè bi asaɓai. Nengaʼa a da bats ta kokwar-bihi haha tèlèba, a ngedas ta. Aman nengaʼa a nzi a mèdèp.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.

Matthew 21:41

Ta gaɗa na: A da bazl ta ndohi ambaɓihiaʼa, a da va ta gi wof nengaʼa a ri a ndohi mizlinè ngiɗè, man ta woy a ta va na skwi na, a pats man skwi nʼngaʼa.

Matthew 24:31

A nengaʼa a di a zlinde ta golahi nengaʼa, a ta tsi tolom mbiaʼa, a ta ɓic ta ndohi mparahiaʼa, te tsagi herkeda faɗ, te verzi gai, ndè a verzi gi ngiɗè.

Matthew 3:2

a ngaɗa: Va-ngwode ndav kinè, aman kokwar-Bi-Zhiklè a zhe ndul ndul.

Matthew 8:10

Aman Yèsu a ntsena ma haha, a nrzl na, a ngaɗa ta ndohi man ta dzodzora: I gaɗa kinè a vava, ko te kokwar Israel i ngots ndo man a nco a ndav a vata ar haha ɓai.

Luke 12:37

Mwuffe a sam ɓèlèlihai, aman bi tengaʼa a shkè, a nʼngats ta, ta nzhun ɓai. A vava i gaɗa kinè: A da tke hwaɗ, a pe ta a table, a va ta skwi nʼndai.

Luke 16:22

Te deɓaʼa ndo ntawassaʼa a mʼmets na, a golahi Zhiklè ta zuɓda a sam Abraham. A ndo mèshèlè ba a mʼmets na, a ta rda a vèvèɗ.

Actes 10:45

A ndohi Juif man ta co a ndav, man ta shkè a nda Pierre, ta rzl ta, aman ko ndohi man verzi ta tsaɗ ha ta ngots Mèzhèɓ Zhiklè nkezlaʼa.

Actes 11:18

Aman ta tsenaʼa, ta nza tètè, a ta slubordo Zhiklè, a ta gaɗa: Gar haha Zhiklè a gi aman ndohi te verzi ta tsaɗ tsaɗ ta ngwèdè ndav ta, a ta ngècè nshèffè.

Actes 14:22

a ta va ta wuɗi a golahi Yèsu, a ta bid ta, aman ta nzi taraʼa te ncè-a-ndav tengaʼa. Ta gaɗa, sèi nga bi-zhè a ndev skwi man wuɗitpa kumba, ga nga dè a kokwar Bi Zhiklè.

Actes 14:27

Aman ta shkè a pa, ta ɓic ta ndohi Zhiklè, a ta ngreda ta skwi tèlèba man Zhiklè a gau a nda tengaʼa, ara man a winè ntamagi a sam ndohi herkeda ngiɗè, aman ta cè a ndav.

1 Corinthians 15:20

Aman antanta Kristi a nslambaɗkaɗauda te ndev ndohi mʼmetsaʼa, nʼngaʼa a tsuvom ndohi mʼmetsaʼa.

1 Corinthians 6:9

Kin sun ɓi ɗè, ndohi nzura ka ɓai, ta ndi kokwar-Bi Zhiklè azɓai. Kin peda ndav kinè a wai a ri kinè ɓai! Ko ndohi mphömè, ko ndohi vrai, ndohi ngi ngwoz a dala, ko ndohi mphömè nguraʼa a nguraʼa,

Ephésiens 3:6

Skwi nʼngheda sa a haha: ndohi nte deɓa ba ta ngècè skwi Zhiklè a nda tengaʼa, ta humda a va staɗ, ndohi man ta mba a mpèsl ri Kristi Yèsu te ma mbelaʼa.

Colossiens 3:11

Gar haha ndo Grec, ndo Juif, ndo man ngwon nʼngela, ndo man ngwon nʼngel ɓai, ndo barbare, ndo Scythe, ɓèlè, kra ngwi ka ɓai, – aman Kristi, tèlèba, te ndohi tèlèba.

2 Thessalonians 1:5

Antanta kita nzuraʼa man a Zhiklè a nʼngreda auda. Amba aman kin ngècè kokwar-Bi Zhiklè, a géɗ nengaʼa man kin si matakwan.

Apocalypse 7:6

te verzi Aser ndohi gozhèm 12, te verzi Nephtali ndohi gozhèm 12, te verzi Manassé ndohi gozhèm 12,