Matthew 7:15 - Ma Zhiklè

¹⁵ Va-gu maya a sam ndohi nhadka ma ncèkèlma; aman ta shkè a sam kinè, ta lèɓèslèʼa ara tambak, aman te ndav ta, ta ara kda dak man a woya a nʼnde kinè a ma.

Mofa New Testament

¹⁵ Vagu maya a sam ndohi nhadka ma ncèkèlma; aman ta shkè a sam kinè, ta lèɓèslè'a ara tambak, aman te ndav ta, ta ara kda dak man a woya a n'nde kinè a ma.

Matthew 7:15 ပူးပေါင်းရင်းမြစ်များ

I Rois 13:18

A nengaʼa a ngaɗa na: I ba i ndo nhadka ma, lèmèlèmè ara man a ngaya. Gol Zhiklè a mʼmenday ma Ndo nzi pèc pècèk, a ngaɗa: Da ckoɗa gi ngaya, aman a da ndi skwai, a si iyam. A nʼngul ma a sam na.

Jérémie 29:21

Zhiklè bi mbiaʼa, Zhiklè Israel, a goɗ a géɗ Achab, kra Kolaja, a géɗ Sédécias, kra Maaséja, man ta hodko kinè ncèkèlma a nzlembaɗ ga: Iyè i da pe ta a ri Nebucadnetsar, bi Babylone, a da bazl ta a sam di kinè.

Jérémie 29:32

a géɗ nengaʼa Ndo nzi pèc pècèk a gaɗa: Iyè i gi kita a géɗ Shemaeja, ndo Néchélam, a géɗ ndohi te verzi nengaʼa: Ndo azɓai te va gwoli na, man ta da nzi te ndev ndohi haha; nengaʼa a da rka skwi mbelaʼa man i ga ta ndohi ga azɓai, Ndo nzi pèc pècèk a gaɗa, a géɗ man a nju ma, a ndohi ta slambaɗa na va a Ndo nzi pèc pècèk.

Ezéchiel 13:16

Ndohi nhadka ma Israel, tengaʼa man ta hodko ma a géɗ Jérusalem, a ta rka gumi nengaʼa te nshunè, aman gumi azɓai, Bi Zhiklè Ndo nzi pèc pècèk a gaɗa.

Ezéchiel 13:22

A géɗ man kin mbeɗama na ndav a ndo nzuraʼa a ncèkèlma, ndo man i woy a i ga na matakwan bai, a kin va ta wuɗai a ndohi nderɗe Zhiklè; a ta ngwèdè gèɗ a deɓa te civèɗ tengaʼa ambaɓiaʼa azɓai, aman ta mbél ta.

Ezéchiel 22:25

Tsuvomhi kokwar ngaya ta ara marizhèlèhai man ta bebrè a ta cizlè ndo. Ta ndeda ndohi a ma, ta ngezlama ta skwi mèshèlè a skwi mbelaʼa tengaʼa a ma, a ngwozi kokwar kumba ta nde ta a ngwozi mazai.

Ezéchiel 22:27

Ndohi ngaya mbibihiaʼa nara kdadihi dak man ta cizlè skwai, a ta keɗa ndo, a ta gedassa nshèffè a ta ndi hwaɗ a vna.

Daniel 11:34

Aman ta te matakwan, skwi ntakaha ta a zhe kètè, a ndohi kumba ta da dzadzar ta mberzlazlahaʼa.

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Zacharie 13:4

A da gi a pats nasa, ndohi nhèdè ma tèlèba, hori a da gi a di ta, man mèzhèɓ nhèd ma a shkè a géɗ tengaʼa; a ta vi bkwi a va ara maslaka, a ta cèkèl ma azɓai.

Matthew 10:17

Va-gu maya a géɗ kinè a sam ndohai. Ta da va kinè a sam ncèmma, ta da ndah kinè te gi-njèngè-ma tengaʼa.

Matthew 16:11

Kin tsena ɓi èhèmè? I gaɗa kinè a géɗ movar ka bai. Aman va-gu maya a skwi man a shégèr skwai a sam ndohi pharisie a ndohi sadducée.

Matthew 16:6

A Yèsu a ngaɗa ta: Va-gu maya a skwi nshègèr skwai a sam ndohi pharisie a ndohi sadducée!

Matthew 24:11

A ndohi nhadka ma ncèkèlma kumba ta da slèmbèɗè, a ta da pèkètède ta ndohi kumba.

Matthew 7:14

A ntamagi nlühaʼa, a civèɗ nlühaʼa, man a daʼa a nshèffè; ndohi man ta ngècèʼa matskata genè.

Luke 12:15

A ngaɗa ta ndohi tèlèba: Va-rkaʼa, va-gu maya a ntétékè skwai. Ndo a nzi a nshèffè azɓai, a géɗ skwi man a ngotso kumba.

Luke 6:26

Wobau, aman ndohi tèlèba ta gèɗ ma man amba a géɗ kinè; aman lèmèlèmè babhi tengaʼa ta gau a sam ndohi nhadka ma ncèkèlma.

Jean 10:12

Aman ndo man ta feda a tambakhai, bab skwi ka ɓai, tambakhi nengaʼa ka ɓai. Aman a rka kokoya a shkè, a hi na, a jèka ta tambakhi a pa, a kokoya a kala ta a va, a tambakhi ta ngezl ta.

Actes 13:40

Va-gu maya, aman skwi man ndo nhadka ma a goɗo, da shkè a gèɗ kinè ɓai.

Actes 13:6

Aman ta sawala tʼherkeda te ndev iyam, ha a ndikè a kokwar Paphos, ta ngots ndo mʼmbèh skwai, ndo nhadka ncèkèlma, ndo Juif, nzlembaɗ na Bar Jésus.

Galates 2:4

A kramamhi ncèkèlma ngiɗè tsaɗ tsaɗ ta wucka nga va, aman ta war a ta njénjè-rèʼa, ara man nga ngots sam mpraʼa te Yèsu Kristi, a ta woy a ta ge nga a ɓèlèlihi ta.

Ephésiens 4:14

Te deɓaʼa nga wudahi ka ɓai, a njè ma ambali tsaɗ tsaɗ, a shèwa ndohi man ta ngwèdè ndo, a maya ambaɓiaʼa man ta pe nga a wi a vna, a wutèma nga gèɗ azɓai.

Ephésiens 5:6

Ndo da pe kinè a wi a ma ambali ɓai. Aman a géɗ skwi haha ndzoan Zhiklè a shkè a géɗ ndohai man ta fi gèɗ a ma Zhiklè azɓai.

Philippiens 3:2

Va-gu maya a kdadihai, va-gu maya a ndohi mizlinè ambaɓihiaʼa, va-gu maya a ma nʼngél ngwon ncèkèlma.

Colossiens 2:8

Va-gu maya, aman ndo ngiɗè a ngwode kinè azɓai a nshindè maya nengaʼa, man a pe kinè a wi a ncèkèlma ambalai, a maya nzakaɗ ndohai. Verzi nengaʼa njè-ma ndohai, a géɗ skwi herkeda, Kristi ka ɓai.

2 Timothy 3:13

Aman ndohi ambaɓihiaʼa a ndohi ncèkèlma ta gi ambaɓi holholaʼa a ma ma. Ta pi ndohi a wai, a ndohi ngiɗè ta pe ta tengaʼa a wai.

2 Timothy 4:3

Aman pats a di a shkè, man nʼnjè ma man nzlerɗak a te pa ɓai, ambaha ta ndohi ɓai. Aman ta jèjèr skwi man ambaha ta tengaʼa, a ta ngècè ndohi njèngè ma tengaʼa, man ma tengaʼa a pa ta kocè kocè.

2 Peter 3:17

Kinè dalahimam ga, a géɗ man ta gaɗa kinè skwi haha ma, va-ɓür va kinè, man ɓai ncèkèlma ndohi mphömè a zlakede kinè lèmèlèmè a nda tengaʼa. Kin jèkeda sam man kin nza a pa taraʼa ɓai!

1 John 4:1

Dalahimam ga, kin co mèzhèɓ tsaɗ tsaɗ tèlèba a ndav ɓai! Sèi kin jkede ta mèzhèɓhai, a kin wora, aman ta shkè te Bi Zhiklè. Aman ndohi nhadka ncèkèl-ma kumba ta zhè tʼherkeda.

Jude 1:4

Ndohi faɗkata ta wuca kinè va, kita tengaʼa mwindèa nʼnzi a zhè aranta ma: tengaʼa ndohi man ta woy Zhiklè ɓai, ta ngwode pombi Zhiklè nga a ntétékè tengaʼa, a ta cèkèlma a géɗ Bi nga Yèsu Kristi, ndo ncè nga ma staɗgenè.

Apocalypse 16:13

A i rka mèzhèɓhi ambaɓihiaʼa makar, ta ara kudofihai, a ta shkè auda te ma skwi man nara kedam, te ma skwi dak ngiɗè, te ma ndo nhadka ncèkèlma.

Apocalypse 17:6

A i rka ngwoz Pombaz ndohi nkezlaʼa a Pombaz ndohi malwuɗi Yèsu a nkeɗaʼa ara zom. A i rzl ga kumba, aman i rka ngwoz sa.

Apocalypse 19:20

A ta gso skwi dak a nda ndo nhadka ncèkèlma man a gu nrkedi a sam di na, man a pe ta ndohi man lamba skwi dak a va, a wai, aman ta tsi ri a skwi man ta roma ara skwi dak. A ta wushede ta cèw ba a vèvèɗ vogwa, man skwi nvècè vogwa te pa, a di tʼuda.

Apocalypse 20:10

A bi madzagai man a pe ta a wai, ta kalda a vogwa mbiaʼa, a skwi nvècè vogwa te pa, a sam man skwi dak a ndo nhadka ncèkèlma ba nte pa, a ta ga ta matakwan a pats ba a vaɗ ba a mèdèp.