Matthew 6:19 - Ma Zhiklè

¹⁹ Kin ɓüco skwi mèshèlè tʼherkeda ɓai, a sam man pombok a hezai ta ndiaʼa, a sam man ndohi metsarhai ta zlinèʼa, a ta hilèʼa.

Mofa New Testament

¹⁹ Kin ɓüco skwi mèshèlè t'herkeda ɓai, a sam man pombok a hezai ta ndia'a, a sam man ndohi metsarhai ta zlinè'a, a ta hilè'a.

Matthew 6:19 ပူးပေါင်းရင်းမြစ်များ

Job 24:16

A vaɗ a zlin gai, man a zeɓdahi a pats.

Job 31:24

I fi gèɗ a guro ga dè, i gaɗa na guro ndaɓalaʼa: Ka man i ce ka a ndav dè?

Psaumes 39:6

Na haha ka livay patshi ga a hwaɗ ri ngaya; nshèffè ga a sam di ngaya nara skwi ka ɓai. Halau, ko wawa man a zhè a nshèffè, nara kozlar genè.

Psaumes 62:10

Ndohi herkeda, nara kozlar genè, ndohi herkeda, ta mbed ndo. Ta njèlè a kilo azɓai, kafkarawaʼa, lèmèlèmè ara kozlar man nzal ɓai.

Exode 22:2

Aman ta ngots ndo metsar a géɗ skwai, a ta keɗaʼa, ta gi kita a ndo nkeɗaʼa ara ndo nked ndo azɓai.

Proverbes 11:4

Skwi mèshèlè a takaha ka a pats ndzoan azɓai; aman ngi-zuraʼa a mbelka ka auda te mʼmetsai.

Proverbes 16:16

Dara nga ngots maya, a gèɗ man nga ngots guro; dara man nga sun skwai, a géɗ man nga ngècè sulai.

Ecclésiaste 2:26

Zhiklè a va na maya, a nshin skwai, a mwuffe, a ndo man ambaha. Aman ndo malai, sèi a ɓicè skwai, a hèyè skwai, te deɓaʼa Zhiklè a cèma na, a va na ndo man ambaha. Ko skwi haha, skwi ambalai, nara nhi a gerzi kozlar.

Sophonie 1:18

Ko suli ko guro tengaʼa a slaha a mbél ta azɓai, a pats ndzoan Ndo nzi pèc pècèk, aman herkeda tèlèba a gedas na te ri srak Zhiklè man a ndiaʼa ara vogwa. Nengaʼa a da zede ta ndohi a géɗ herkeda tèlèba a nasa nasa.

Matthew 19:21

A Yèsu a ngaɗa na: Man ka woy a ka ndikè a sam man ka gi a njèlèlèʼa, do a ka preda skwi ngaya tèlèba a ma, a ka va ta ndohi ntawassaʼa. Ka da ngècè skwi mèshèlè te zhiklè te géɗèʼa. A ka shkè, dzadzar-kayè!

Matthew 6:20

Aman va-ɓüco skwi mèshèlè te zhiklè te géɗèʼa, a sam man pombok a hezai ta ndia azɓai, a metsarhai ta zlinèʼa, a ta hilèʼa azɓai.

Luke 12:21

Gar haha ndo man a ɓicè skwai a va na, a nʼngatsa skwi mèshèlè a sam Zhiklè ɓai.

Luke 12:33

Va-preda skwi kinè a ma, va-va ta skwi a ndohai, va-doho gozhèm, man ta hèlè azɓai, a kin ɓüco skwi mèshèlè man a zi azɓai te zhiklè, a sam man ndo metsar a dè a pa azɓai, a pombok a ndiaʼa azɓai.

Luke 12:39

Aman skwi haha va-suna! Aman babgi a suna, sam tèkè ndo metsar a shkè, ar a nzhun azɓai, a va na civèɗ azɓai, aman a zlinè gi nengaʼa.

Luke 18:22

A Yèsu a ntsena ma nengaʼa, a ngaɗa na: Njèkaʼa a sam ngaya skwi staɗ: Preda skwi ngaya tèlèba a ma, kezla ta ndohi ntawassaʼa, a ka ngècè skwi mèshèlè te zhiklè te géɗèʼa; a ka shkè, dzadzarkayè!

Luke 18:24

Aman Yèsu a rkaʼa, ndav nengaʼa a kuɗai, a ngaɗa: Wuɗitpa a ndohi man skwi tengaʼa a zhè a vata, man ta dè a kokwar Bi Zhiklè.

1 Timothy 6:17

Ngreda ta ndohi mèshèlè, man ta zhè tʼherkeda antanta, aman da dzugor va ɓai, aman da gso ndav ta a skwi mèshèlè ta ɓai, man a nzi azɓai. Sèi ta pi ndav a Zhiklè, man a va nga skwi tèlèba a vata, aman nga nzi amba.

Hébreux 13:5

Mwoy Suli da gso ndav kinè ɓai; skwi man kin ngotso, da dèʼa kinè! Aman Bi Zhiklè a ngaɗa: I pra ka ma gèɗ azɓai, i jèke ka a géɗ ngaya azɓai.