Matthew 6:16 - Ma Zhiklè

¹⁶ Aman kin jèkeda skwi nʼndai, kin da gursa di ɓai, ara ndohi nʼngwèdè ndo. Tengaʼa ta min dai, aman ndohi ngiɗè ta rkaʼa, ara man ta jèkeda skwi nʼndai. A vava i gaɗa kinè: Ta ngots skwi ntul ta ma.

Mofa New Testament

¹⁶ Aman kin jèkeda skwi n'ndai, kin da gursa di ɓai, ara ndohi n'ngwèdè ndo. Tenga'a ta min dai, aman ndohi ngiƋè ta rka'a, ara man ta jèkeda skwi n'ndai. A vava i gaƋa kinè: Ta ngots skwi ntul ta ma.

Matthew 6:16 ပူးပေါင်းရင်းမြစ်များ

II Samuel 12:16

David a ntsu ri a Zhiklè a géɗ kra, a njèkeda skwi nʼndai. Aman a mshkè ngwai, a nʼnza a vaɗ, a maslaka kuɗa a va, a mʼmana a herkeda.

II Samuel 12:21

Ɓèlèlihi nengaʼa ta gaɗa na: Ka ge haha mè? Aman kra a zhè a nshèffè dai, ka jèkeda skwi nʼndai, a ka kuɗai. Anai kra a mʼmets na ma, ka slèmbèdè a ka ndi skwi nʼndai, èhèmè?

I Rois 21:27

Aman Achab a ntsena ma haha, a nkuratseda maslaka nengaʼa aussa, a mfeda maslaka sam kuɗa a va, a njèkeda skwi nʼndai. A vaɗ a mʼmanahi a maslaka sam kuɗa a va, a pats a shèwèlè a gèɗ a ndav.

Néhémie 1:4

Aman i tsena ma haha, a i nzahai, a i kuɗai, a i lèyè mʼmèn kumba. Te deɓaʼa i jèkeda skwi nʼndai, a i tsu ri a sam Zhiklè te zhiklè te géɗèʼa.

Esther 4:16

Do a ka ɓic ta ndohi Israel tèlèba-man ta zhè te Suse, va-jèkeda skwi nʼndai mʼmèn makar, va-tsu rai a géɗ ga Kin ndau skwi bai, kin sau skwi ɓai, mʼmèn makar, a pats ba a vaɗ ba. Iyè a dalahi mizline ga nga da jèkeda skwi nʼndi lèmèlèmè arsa. Te deɓaʼa i da de a sam bai, ko ma kita a goɗ arsa ɓai. Ko i dè a mʼmetsai, i da metsu mènè!

Psaumes 109:24

Njèkè skwi nʼndai a pay gudɓi a di sak. Va ga a hezak na a i gwor ga.

Psaumes 35:13

A pats man ta mbelakaɓai, i feda maslaka sam kuɗa a va, a i jèkeda skwi nʼndai a i ga na matakwan a va ga a vna. I tsu ri a gèɗ tʼhai,

Psaumes 69:10

te man srak a géɗ gi ngaya a tay va a hai, ndohi nderd ka ta derɗyè.

Daniel 9:3

A i ngwoda na ma a Bi Zhiklè, aman i tsi ri a nengaʼa, a i gi mbuh mbuh, a i jèkeda skwi nʼndai, a maslaka sam kuɗa a va te mèrwèc;

Mal. 3:14

Kin gaɗa: Ngi mizlinè Zhiklè, skwi ambalai. Nga jéjèr ma nengaʼa, nga lèyè a sam di Ndo nzi pèc pècèk, Zhiklè bi mbiaʼa, a takaha nga te mè?

Matthew 6:1

Va-gu maya a géɗ ngi-zura kinè, aman kin da gu a sam di ndohi ɓai, a ta rka kinè; aman kin da gu arsa, skwi ntul kinè asaɓai a sam Bab kinè te zhiklè.

Matthew 6:2

Aman ka vi skwai, ka baheda ɓai, ara ndohi nʼngwèdè ndo ta giaʼa te gi-njèn-gè-ma-Zhiklè, a civèɗ, a ta woy a ndohi ta slebarde ta. A vava i gaɗa kinè: Ta ngots skwi ntul ta ma.

Matthew 6:5

Aman kin tsi rai, kin gu ara ndohi nʼngwèdè ndo ɓai, man ta woy a ta zlècè, a ta tsi ri te gi-njèngè-ma-Zhiklè, a zolom civèɗ, a ta woy a ndohi ngiɗè ta rka ta. A vava i gaɗa kinè: Ta ngots skwi ntul ta ma.

Marc 2:18

A pats ngiɗè, golahi Jean a golahi malamhai ta jèkeda skwi nʼndai. A ta shkè, a ta gada na Yèsu: Golahi Jean a golahi malamhai ta jèkeda skwi nʼndai; aman golahi ngaya te jèkeda skwi nʼndi azɓi èhèmè?

Luke 18:12

I jèkeda skwi nʼndai tʼhwaɗ luma cèw cèw; te va skwi tèlèba man i ngotso, i cè auda staɗ te va kula, a i va na Zhiklè.

Luke 2:37

A nʼnde na a ngwoz mazai, ani mvi na 84 ma. A njèka gi Zhi-klè ɓai, ko a pats, ko a vaɗ, a ngu mizlinè Zhiklè a njèkeda skwi nʼndai, a ntsi rai.

Actes 10:30

A Corneille a ngaɗa: Mʼmèn faɗ i nda skwa ɓai, ha pats nlaɓasla, i tsu ri te gi ga. Na haha, ndo ngiɗè a nzlatsa a sam ga, a maslaka nslekaɗaʼa,

Actes 14:23

A ta pau ndohi mɓer ndohai a sam mpi ndohi Zhiklè tèlèba, a ta tsu rai, a ta jèkeda skwi nʼndai, a ta pe ta a ri Bi Yèsu, nengaʼa man ta co a ndav.

1 Corinthians 7:5

Kin menda va kinè a deɓa bai, sèi man kin menda ma kinè a pa, a kin nzi kètè, a kin ngècè ri a ntsi rai, a kin humda va kinè te deɓaʼa zaʼa, aman Sadan a slaha a mpe kinè a wi azɓai, a géɗ man kin menda va kinè a deɓa.

2 Corinthians 11:27

I gu mizlinè a vazaza. I nza a dai, mi a nkeɗyè, iyam a ndzayè, i jèkeda skwi nʼndai pats ngiɗè pats ngiɗè kumba, a mtasl, maslaka azɓai.

2 Corinthians 6:5

a sam man ta ndah nga, te gi dangai, a sam nrubai, man ntulè a keɗ nga, te nʼnzi a dai, a ntiɗè a mai,