Matthew 6:10 - Ma Zhiklè

¹⁰ A woy ta kezla nzlembaɗ ngaya. Kokwar-Bi ngaya da shkè. Skwi man ka woyaʼa, da gu tʼherkeda lèmèlèmè ara nte zhiklè.

Mofa New Testament

¹⁰ A woy ta kezla nzlembaƋ ngaya. Kokwar-Bi ngaya da shkè. Skwi man ka woya'a, da gu t'herkeda lèmèlèmè ara nte zhiklè.

Matthew 6:10 ပူးပေါင်းရင်းမြစ်များ

Néhémie 9:6

Esdras a gaɗa: Ka staɗgenè, ka Ndo nzi pèc pècèk, Zhiklè. Ka, ka gu giɗfèk te zhiklè te géɗèʼa, a golahi Zhiklè tèlèba, a herkeda a skwi a géɗ nengaʼa tèlèba, a iyam a skwi ntʼhwaɗaʼa tèlèba. Ka vi nshèffè a skwi tèlèba, a golahi Zhiklè ta tsi ri a ka.

Psaumes 2:6

Iyè man i feda bi ga a Sion, a géɗ za ga nkezlaʼa.

Psaumes 40:8

A i gaɗa: Na haha, i shkè ma; ta wìndo te ɗèlèwèr a géɗ ga.

Esaie 2:2

A pats man a di a shkè, a da gi arsa: Za man gi Ndo nzi pèc pècèk te pa, a da nzi a gèd zahi tèlèba, a da tsoko gèɗ auda a sam zahi tèlèba. Ndohi tʼherkeda tèlèba ta da hi a pa,

Jérémie 23:5

Na haha patsaʼa a di a shkè, Ndo nzi pèc pècèk a gaɗa, i da ngotsko bi nzuraʼa auda te verzi David; a da gi hai, a da gi mizlinè a maya, a da bèzlè kita zuraʼa te kokwar.

Daniel 2:44

Aman bihi matsa ta zhè, Zhiklè te zhiklè te géɗèʼa a da til kokwar-bai, man a nzi a mèdèp, a skwi a gé-dèshè azɓai, ndohi herkeda ta ngècè bi asaɓai. Nengaʼa a da bats ta kokwar-bihi haha tèlèba, a ngedas ta. Aman nengaʼa a nzi a mèdèp.

Daniel 4:35

Ndohi a géɗ herkeda tèlèba ara skwi ambalai. A gi ara man a woyaʼa a sam golahi Zhiklè, a sam ndohi tʼherkeda. Ndo a slaha a ngedassa skwi man ri nengaʼa a ngau azɓai, a ngaɗa na: Ka gi a haha mè.

Daniel 7:13

A i rka te nshun ga a vaɗ: Ndo ngiɗè a mshkè te zhiklè, te va vanai, lèmèlèmè ara kra ndo. A mshkè a sam ndo nhala sa, a ta da a sam nengaʼa.

Daniel 7:27

Wuɗai, a wuɗi-bai, a nʼnjèlè kokwar-bihi tʼhwaɗ giɗfèk tèlèba ta da va ta ndohi Zhiklè nkezlaʼa. Wuɗi-bi tengaʼa a nzi a mèdèp, a kokwar-bihi tèlèba ta da gi a ɓèl ta, a ta fi gèɗ a ma tengaʼa.

Zacharie 9:9

Kokwar Sion, slu dimèsh a mwuffè! Kokwar Jérusalem, wuffa! Na haha bi ngaya a shkè a sam ngaya: Zuraʼa, ngul ndo. A manda gèɗ a hai, a dè a deɓ kɗèh, a deɓ gol kɗèh.

Matthew 12:50

Aman ko wawa man a gi skwi man Bab ga te zhiklè a woyaʼa, nengaʼa kramam ga, demam ga, mam ga.

Matthew 16:28

A vava i gaɗa kinè: Ndohi ngiɗè man ta zhè a haha, ta metsi di azɓai, sèi ta rka kra-ndo man a shkè te kokwar-Bi nengaʼa dai.

Matthew 26:42

A va zaʼa, macecèwaʼa, a ndo a ntsu rai, a ngaɗa: Bab ga, aman kokwi haha a slaha a ndè auda a sam ga azɓai, sèi i siaʼa, da gu ara man ka woyaʼa.

Matthew 3:2

a ngaɗa: Va-ngwode ndav kinè, aman kokwar-Bi-Zhiklè a zhe ndul ndul.

Matthew 4:17

A pats nasa, Yèsu a nhüno man a njè ta ma Zhiklè, a ngaɗa: Va-ngwode ndav kinè, aman kokwar-Bi-Zhiklè a zhè ndul ndul!

Matthew 7:21

Ndohi man ta bahayè: Bai, Bai, ta dè tèlèba a kokwar-Bi-Zhiklè azɓai, sèi ndohi man ta gi skwi man Bab ga te zhiklè a woyaʼa.

Marc 11:10

Nga slébèrdè kokwar-Bai man a shkè, kokwar-Bi David, Bab nga! Va-nzalaʼa te zhiklè te géɗèʼa!

Marc 3:35

Aman ko wawa man a gi skwi man Zhiklè a woyaʼa, nengaʼa kramam ga, demam ga, mam ga.

Luke 19:11

Aman ta tsena ma haha, a ngaɗa ta ngèlègèɗ-ma ngiɗè, te man nengaʼa ndul ndul a ma kokwar Jérusalem, a ta huro, kokwar Bi Zhiklè a shkè a nasa nasa.

Luke 19:38

Nga slébèrdè nengaʼa man a shkè haha a nzlembaɗ Bi Zhiklè! Gumai a nʼnjèlè te zhiklè te géɗèʼa!

Luke 22:42

a ngaɗa: Bab ga, aman ka woyaʼa, co kokwi haha auda a sam ga; aman ara man i woya ka ɓai, ara man ka, ka mwoyaʼa.

Jean 4:34

A Yèsu a ngaɗa ta: Na haha, skwi nʼndi ga, aman i gi skwi man ndo nzlindekayè a woya i giaʼa, a i ndivè mizlinè nengaʼa.

Jean 6:40

Aman nasa skwi man nengaʼa man a zlindekayè a woyaʼa. Aman ko wawa man a rka kra na, a cè nengaʼa a ndav na, a ngècè nshèffè a mèdèp, a i slambaɗda a pats nʼndikèma skwai.

Jean 7:17

Ndo man a woya a ngi skwi ara man nengaʼa a woyaʼa, a slaha a ndèlèʼa: Njè-ma haha a shkè te Zhiklè dè, dè i goɗ te ma ga dè?

Actes 13:22

Aman a nkoldko nengaʼa auda ma, a mfeda David a bi ta, te nengaʼa a gi malwudai, a gaɗa: I ngots David, kra Jesse, ndo ara man ndav ga a woyaʼa, nengaʼa a da gi skwi tèlèba man i woyaʼa.

Actes 21:14

Aman ta slaha ta bidè a hi ɓai, ta nza tètè, a ta gaɗa: Sèi ara man Bi Zhiklè a woyaʼa.

Actes 22:14

A nengaʼa a ngaɗa: Zhiklè babhi nga a fe ka a hai, aman ka shin skwi man nengaʼa a woyaʼa, a ka rka Zhiklè zuraʼa, a ka tsena ngèɗè te ma na, aman

Romans 12:2

Kin gu lèmèlèmè ara ndohi herkeda sata ɓai, aman va-gu aman nhér gèɗ kinè a gi a mɓuaʼa, aman kin slaha a kin ɗèl skwi man Zhiklè a woyaʼa, ara skwi man amba a skwi mbelaʼa a skwi njèlèlèʼa.

Ephésiens 6:6

a mizline a di ndo gene ka ɓai, aman ara ɓèlèlihi Kristi, man ta gi skwi man Zhiklè a woyaʼa, a ndav tèlèba.

Colossiens 1:13

A mpreka nga auda te ri wuɗi ruva, a mpe nga a kokwar-Bi kra nengaʼa, man a woya a ndav na,

Colossiens 1:9

Gar haha nga ba, a pats man nga tsenaʼa, nga jèka ɓai, aman nga tsi ri a Zhiklè pèc pècèk a géɗ kinè: ndav kinè da ndha te nshin skwi man Zhiklè a woyaʼa, a maya, a nshin skwi te Mèzhèɓ Zhiklè tsaɗ tsaɗ,

1 Thessalonians 4:3

Aman na haha skwi man Zhiklè a woyaʼa: aman ndav kinè nkezla, a kin nzi dra a sam mphömè.

1 Thessalonians 5:18

Va-gu susai a géɗ skwi tèlèba. Aman skwi haha Zhiklè a woy kin giaʼa te Yèsu Kristi.

Hébreux 1:14

Tengahi tèlèba mèzhèɓhi man ta gi mizlinè Zhiklè, man a takaha ta ndohai, aman ta ngècè skwi mʼmbel ta, ara nʼndi gai.

Hébreux 10:36

Aman skwi man a woy a zhè a sam kinè: Nzhèr skwia dai, nʼnzi taraʼa. Te deɓaʼa man kin gu skwi man Zhiklè a woyaʼa, kin ngècè skwi man Zhiklè a mpasla kinè ri a pa.

Hébreux 10:7

A i gaɗa: Na haha, i shkè – ta Windo te ɗèlèwèr a géɗ ga – aman i gi skwi man ka woyaʼa, Zhiklè ga.

Hébreux 13:21

da va kinè maya, aman te skwi man amba tèlèba kin gi ara man a woyaʼa. Da gu skwi man ambaha te ndav nga, te Yèsu Kristi. A Yèsu, nʼnjèlè pèc pècèk a mèdèp. Amen.

1 Peter 2:15

Gar haha Zhiklè a woyaʼa, aman kin pizlèma ta ma a ndohi nrzlaʼa, a ndohi man ta sun skwa ɓai, a skwi man amba man kin giaʼa.

1 Peter 4:2

Te deɓaʼa, man a zhè tʼherkeda dai, a jèjèr ntétékè va na azɓai, aman a nzi a nshèffè, a gi skwi man Zhiklè a woyaʼa.

Apocalypse 11:15

A gol Zhiklè matsaraɗaʼa a ntsu tolom: a ngèɗè mbiaʼa a ntsenka te zhiklè, man a gaɗa: Ta va na kokwar-bihi herkeda a ri a Bi Zhiklè, a Kristi nengaʼa. Nengaʼa a gi Bai a ma ma a mèdèp.

Apocalypse 12:10

A i tsena ngèɗè ngiɗè mbiaʼa man a gaɗa te zhiklè: Antanta skwi mʼmbel ndo a wuɗai a kokwar-bai a Zhiklè nga a zhè, a wuɗi-bai a sam Kristi nengaʼa, a géɗ man ta kalda ndo mpin ta kramamhi nga, man a pin ta a pats a vaɗ a sam Zhiklè nga.

Apocalypse 19:6

A i tsena ara ngèɗè ndo ntiɓishèa mbiaʼa, ara kuɗ iyam mbiaʼa, ara ntsi iyam mbiaʼa, man a gaɗa: Alléluya! Bi Zhiklè nga, Bi wuɗi tèlèba, a gi bi ma.

Apocalypse 20:4

A i rka sam nʼnzi bihai, a ndohi man ta da gi kita, ta nza a pa. A i rka mèzhèɓ nshèffè ndohai, man ta zlama ta daʼai a géɗ malwuɗi Yèsu, a géɗ ma Zhiklè, a tengaʼa man ta tsu ri a skwi dak a skwi man ta gu ara nengaʼa, ɓai, a ta co lamba nengaʼa a medi tengaʼa, a ri tengaʼa, ɓai. A ta ngots nshèffè zaʼa, a ta gu bi a nda Kristi, mvi gozhèm staɗ.