Matthew 5:48 - Ma Zhiklè

⁴⁸ Gar haha sèi kin ndikè a sam jèlèlèʼa, ara Bab kinè te zhiklè, jèlèlèʼa.

Mofa New Testament

⁴⁸ Gar haha sèi kin ndikè a sam jèlèlè'a, ara Bab kinè te zhiklè, jèlèlè'a.

Matthew 5:48 ပူးပေါင်းရင်းမြစ်များ

Genèse 17:1

Aman mvi Abram 99, Ndo nzi pèc pècèk a ngudoko na va a dai, a ngaɗa na: I Zhiklè Bi wuɗai. Gso civèɗ ga, a ka nza zuraʼa,

II Samuel 22:31

Civèɗ Zhiklè, amba, zuraʼa. Ma Ndo nzi pèc pècèk, nzuraʼa, man ta jkedaʼa; nengaʼa gambar ndohi tèlèba man ta woy a ta nghédè va a diaʼa.

Psaumes 37:37

War ndo man a gaʼa a njèlalaʼa, war ndo man a gi zuraʼa: nengaʼa a nzi a gumai, a ndohi te verzi nengaʼa ta zhè.

Lèv. 11:44

Aman iyè, Ndo nzi pèc pècèk, Zhiklè kinè. Gar haha va-bür va kinè nkezlaʼa, a kin nzi a ndohi nkezlaʼa, aman iyè i kezla. A kin lizha va kinè a ri kinè bai a skwi tèlèba man a shèwèlè a géɗ herkeda.

Lèv. 19:2

Gada ta mpi ndohi Israel tèlèba aranta: A woy kin kezla, te man iyè, i kezla, i Ndo nzi pèc pècèk, Zhiklè kinè.

Lèv. 20:26

Sèi kin kezla a sam ga, te man iyè, Ndo nzi pèc pècèk, i kezla, a i parka kinè auda te va ndohi herkeda, a kin ndi a ndohi ga.

Matthew 5:16

Gar haha va-gu aman skwi nhél sam kinè a hél sam a sam di ndohai, aman ta rka mizlinè kinè man amba, a ta slébèrdè bab kinè te zhiklè.

Matthew 5:45

aman kin ndi a wudahi Bab kinè te zhiklè. Nengaʼa a gi aman pats a vèngè a géɗ ndohi ambaɓihiaʼa, a géɗ ndohi man amba, a gi aman iyam a shkèhai a géɗ ndohi nzuraʼa, a géɗ ndohi nzura ka ɓai, cèw ba.

Matthew 5:47

Aman kin ga ta mbalai a kramamhi kinè genè, kin fen ta a mè? Ndohi nte deɓa ta gi arsa azɓi dè?

Luke 6:36

Anai, ndo da se kinè te va, lèmèlèmè ara ndohi ta si Zhiklè, Bab kinè, te va.

Luke 6:40

Ndo man a slebi skwai, a fena ndo nsleba na azɓai. Aman ndo staɗ staɗ tèlèba, man nslebau ma, a ndi lèmèlèmè ara ndo nsleba na.

2 Corinthians 13:11

Te deɓaʼa, dalahimam ga, va-wuffa, va-tül nshèffè kinè zaʼa, vo-co ma man nga bid kinè a vna, va-hur ma a ndav staɗ, va-woy gumai! A mwoy-ndo Zhiklè a gumai a da nzi a nda kinè.

2 Corinthians 13:9

Nga wuffè, aman wuɗi nga azɓai, aman kinè, wuɗi kinè a zhè. A nga tsi rai, aman kin gi jèlèlèʼa.

2 Corinthians 7:1

Dalahimam ga, aman nga ngots ma mpèsl ri aranta, ngo-tülokoy va nga te skwi man a lizhè va a ndav tèlèba, a nga rufa skwi nkezla ndav nga te zlau Zhiklè.

Ephésiens 3:1

Gar haha iyè Paul, i ndo dangai Kristi Yèsu a géɗ kinè, ndohi nte deɓa.

Deutéronome 18:13

Ka lèbèslè a sam Ndo nzi pèc pècèk, Zhiklè ngaya, te skwi tèlèba!

Deutéronome 27:10

a kin da gi skwi tèlèba man ma nkwèr nengaʼa a ma kita nengaʼa a gèdèʼa, man i njè kinè a patsna.

Colossiens 1:28

Nga njè nengaʼa, a nga bid ta ndohi tèlèba, a nga senda ta ndohi tèlèba, a maya tèlèba, aman nga slaha nga Zlatseda ndo staɗ staɗ jèlèlèʼa te Kristi.

Colossiens 4:12

Epaphras a ga kinè mbalai, gwoli kinè, ɓèl Yèsu Kristi, man a tsi ri a géɗ kinè pèc pècèk, a vazaza a va, a géɗ man kin zlatsa jèlèlèʼa, a kin shin skwi tèlèba man Zhiklè a woyaʼa, a vava.

Jacques 1:4

Nzhèr skwia dai a da ndivè mizlinè na, a kin ndikè a sam man kin gaʼa a ndohi nshfaʼa, ma az a géɗ kinè ɓai, a skwi man kin ngatsa ɓi ba, azɓai.

1 John 3:3

Ndo staɗ staɗ man a zhèr skwi haha te ndav na, a til ndav na, ara ndav Yèsu ntilaʼa.