Matthew 5:30 - Ma Zhiklè

³⁰ Aman ri mandi ngaya a kalde ka a malai, ngela na auda, a ka kaldaussa. Dara nfèfèn va ngaya staɗ a gedas na, a géɗ va ngaya tèlè man ta kalda a vogwa kita.

Mofa New Testament

³⁰ Aman ri mandi ngaya a kalde ka a malai, ngela na auda, a ka kaldaussa. Dara nfèfèn va ngaya staƋ a gedas na, a géƋ va ngaya tèlè man ta kalda a vogwa kita.

Matthew 5:30 ပူးပေါင်းရင်းမြစ်များ

Matthew 11:6

Mwuffe a sam ndo man sak nengaʼa a slèfèdè azbai a géɗ ga!

Matthew 13:21

Aman a ntsa zluzlor te ndav na ɓai, a nzi kètè gene. A matakwan a shkè, a ta paraha a géɗ ma Zhiklè, a slafadama na sak.

Matthew 16:23

Aman Yèsu a nʼngwoda na ma, a ngaɗa na Pierre: Do ngaya a deɓa a sam ga, Sadan! Ka war a ka slafaɗamay sak. Aman ka hér skwi Zhiklè ka ɓai, ka hér skwi ndohai.

Matthew 17:27

Yèsu a ngaɗa na: Gar haha wudahi ngwai, ndohi mpraʼa. Aman a géɗ man nga da slafadama ta sak azɓai, do a ma woyam, wusheda jir, a ka por klèf! Winèma na ma, a nshèlèkuraʼa, ka da ngècè gurso te pa. Co a ka da va ta, te di man a ga a ka.

Matthew 18:8

Aman ri ngaya a sak ngaya ta kalde ka a malai, ngeldaussa, a ka wushedaussa! Dara ka dè a sam nshèf-fè ara ndo vedal, a géɗ man ta kalde ka a vogwa kita man a mbècè azɓai a mèdèp, a ri cèw a sak cèw.

Matthew 22:13

A bai a ngaɗa ta ndohi mizlinè nengaʼa: Va-dzawama na ri a sak, a kin kaldaussa a va ruva. Te pa ta kuɗai a ta peɗi zlèʼèn.

Matthew 25:20

A ndo man a ngots gozhèm zlam a mshkè, a mpa na gozhèm zlam a vaʼa, a ngaɗa: Bai, ka pay gozhèm zlam, na haha, i gu mizlinè a vna, a i ngots go-zhèm zlam a vaʼa.

Matthew 26:31

Yèsu a ngaɗa ta: A vaɗ haha, kin da jèkyè tèlèba; aman ta Windo te ɗèlèwèr Zhiklè: I keɗa ndo mɓer skwai, a tambakihi a ta ngezl ta.

Matthew 5:22

Aman iyè, i gaɗa kinè: Ndo man a gi ndav a géɗ kramam nengaʼa, a kèlè a kita. Aman ndo man a gaɗa na kramam nengaʼa ‘medekam ndo’, a ngu malai, aman ta cèmma a géɗèʼa. A ndo man a gaɗa: Ka, skwa a ga ka! A ngu malai, aman a dè a vogwa kita.

Matthew 5:29

Aman di ngaya nte civèɗ ri mandai a kalde ka a malai, vedotkoɗauda, a ka kaldaussa. Dara nfèfèn va ngaya staɗ a gedas na, a géɗ va ngaya tèlèba man ta kalda a vogwa kita.

Marc 9:43

Man ri ngaya a kalde ka a malai, ngeldaussa! Dara ka dè a sam nshèffè ara ndo vedal, a géɗ man ka zi ngaya a vogwa kita mbiaʼa a ri cèw

Luke 12:5

Aman i woya man i ngra kinè nengaʼa man sèi kin gi zlauaʼa: va-gu zlau nengaʼa, man te deɓ man a keɗe kinè, a slaha man a kalda kinè a vogwa kita. Halau, i gaɗa kinè, va-gu zlau nengaʼa!

Luke 17:2

Dara ta mana na vova a daʼai, a ta kalda a drav iyam, a géɗ man a slafadama na sak a kra nkèshèʼa staɗ haha. Va-gu maya a géɗ va kinè.

Romans 9:33

ara man ɗèlèwèr Zhiklè a gaɗa: Na haha, i geda kwa ntse sak ndo te Sion, a za man a slafaɗama ta sak. Ko wawa man a cè a ndav na, a ngècè hori a di azɓai.

1 Corinthians 8:13

Gar haha, aman i slafaɗama na sak a kramam ga a géɗ skwi nʼndai, i woya a i ndi zluèɗ azɓi fèt. I woya a i slafaɗama na sak a kramam ga azɓai.

Galates 5:11

Aman iyè, dalahimam ga, man i njè ma nʼngél ngwon, ndohi Juif ta parahayè èhèmè? Man arsa, njèma ga a géɗ wof ngézlèl Yèsu nara skwi nslafaɗama ta sak asakaɓai.

1 Peter 2:8

Nara kwa ntsama ta sak, skwi nslafaɗama ta sak. Kwa ntsama ta sak, te man ta co ma Zhiklè a ndav ɓai. Nʼnga a sam ta arsa!