Matthew 27:51 - Ma Zhiklè

⁵¹ Na haha, maslaka mbiaʼa te gi Zhiklè a nkurats na te va, te géɗèʼa a nshkè-hai a godok, a herkeda a ngudzai, a zahi a ta cizl ta,

Mofa New Testament

⁵¹ Na haha, maslaka mbia'a te gi Zhiklè a nkurats na te va, te géƋè'a a nshkèhai a goƋok, a herkeda a ngudzai, a zahi a ta cizl ta,

Matthew 27:51 ပူးပေါင်းရင်းမြစ်များ

II Chroniques 3:14

Maslaka a ntamagi a ngau a vèvèzh mʼmadzaʼa a nteva, bata maslaka, a nɗahda chérubim-hi a pa.

Psaumes 18:15

A mɓorko sulom nengaʼa, a ndzar ta ndohai, a nzlündkoɗi ndidiyam, a ndzam ta.

Psaumes 18:7

Aman i gu zlau, i tsu ri a Ndo nzi pèc pècèk, a i kuɗau a sam Zhiklè ga. A nengaʼa a ntsena daʼai ga te gi nengaʼa, a kuɗ ga a ntsena na a zlembaɗ.

Exode 40:21

Te deɓaʼa a ncko koti a gai, a mʼmana na maslaka a dai, a nʼngheda koti ma kita, ara man Ndo nzi pèc pècèk a njè na Moise.

Esaie 25:7

A da cèma ta skwi ndèma ta dai a ndohi herkeda auda a dai a géɗ za haha, a cèma ta maslaka man a pizlè ta ndohi herkeda a pa, auda.

Lèv. 16:2

Gada na Aaron, kramam ngaya, do do a sam nkezlaʼa a deb maslaka, a sam skwi mpizlè ma koti pèc pècèk bai. Man bai a da metsi na, aman i da zhè a gèɗ skwi mpizlè ma koti.

Lèv. 21:23

Aman a slaha a ndè a deb maslaka azbai, a zlècè a sam mvi skwi a Zhiklè azbai, a gèɗ man bololo ndo; da derde skwi nkezla bai! Aman iyè Ndo nzi pèc pècèk, man i ga ta a skwi nkezlaʼa.

Habakuk 3:10

Zahi ta rka ka, ta gudzai, vanai a dzurvko iyam a hai, iyam mbiaʼa a kuɗkaɗai, pats a kia ta vangkaɗauda te gi azɓai, man sulom ngaya nwosla, a tsakwal a ndi dai ara ndidiyam.

Habakuk 3:13

Ka dè aman ka takaha ta ndohi ngaya, a ka mbela ndo ngaya man ka bada na mbar a gèɗ. Ka pelassa gèɗ gi ndo ambaɓia, ka mbeɗaʼa, a verzi gi a nzi a dala.

Nombres 4:5

Aman ndohi Israel ta dè a ma ma, Aaron a wudahi nengaʼa sèi ta dè a gai, ntʼhwaɗaʼa, a ta cè na maslaka auda a ntamagai, a ta fa na a deɓa a koti ma kita.

Matthew 27:54

Aman bi sojè, a ndohi mɓer Yèsu, ta rka, herkeda a gudzai, a skwi man a gau, ta gu zlau a vata, a ta gaɗa: A vava, ndo haha kra Zhiklè!

Matthew 28:2

Na haha, herkeda a gudzi a vata, a gol Bi Zhiklè a mshkè te zhiklè, a ngudumbala na kwa auda a ma, a nʼnza a pa.

Marc 15:38

Te gi Zhiklè, maslaka mbiaʼa a nkurats na te va, te géɗèʼa a nshkèhi a godok.

Luke 23:45

A pats a nde na a zhiklè, a maslaka te gi Zhiklè a nkurats na te va.

Luke 23:47

Aman bi sojè a rka skwi man a ga, a nslubordo Zhiklè, a ngaɗa: A vava, ndo haha ndo nzuraʼa.

Hébreux 6:19

A nengaʼa nga ngots skwi ngsa nga ndav nga zuraʼa, man a ngwèdè va azɓai, a bazla civèɗ a maslaka ntamagai a sam nkezlaʼa,

Hébreux 9:3

Te civèɗ ndzeɓa ngiɗè, te deɓ maslaka ntamagai, sam a zhè man ta baha na sam nkezli nkezlaʼa.

Apocalypse 11:13

A nasa nasa herkeda a ngudzau a vata, a kokwar mbiaʼa man ta kezla kula, mʼmbeɗ na. Ngudzi herkeda haha, ndohi gozhèm tsaraɗ ta bazl ta. Njèkèɗiaʼa ta gu zlau kworkworaʼa, a ta slubordo Zhiklè te géɗèʼa.

Apocalypse 11:19

A ta wina gi Bi Zhiklè te zhiklè, a koti nderzlè-ma nengaʼa a rkè te gi Zhiklè, a iyam a nʼndi dai, a iyam a ntsai, a herkeda a ngudzai, a vandzal a nshkè.