Matthew 26:39 - Ma Zhiklè

³⁹ Te deɓaʼa a nco sak a ma kètè, a ntseda medi a hai, a ntsu rai, a ngaɗa: Bab ga, aman ara man a gai, kokwi haha do do auda a sam ga; aman ara man iyè a nwoya ka ɓai, aman ara man ka, ka woyaʼa.

Mofa New Testament

³⁹ Te deɓa'a a nco sak a ma kètè, a ntseda medi a hai, a ntsu rai, a ngaƋa: Bab ga, aman ara man a gai, kokwi haha do do auda a sam ga; aman ara man iyè a nwoya ka ɓai, aman ara man ka, ka woya'a.

Matthew 26:39 ပူးပေါင်းရင်းမြစ်များ

Genèse 17:3

A Abram a nkalahi a deɓ sak nengaʼa, a Bi Zhiklè a ngaɗa na:

II Samuel 15:26

Aman Ndo nzi pèc pècèk a gaɗa: ka ambahay ɓai – nana i zhè; da gau ara man a woyaʼa.

I Chroniques 21:16

David a mpu dai, a nrka gol Ndo nzi pèc pècèk, a nzlatsa tʼhwaɗ giɗfèk, a ngeda kafahi gwèsh a géɗ kokwar Jérusalem, a woya a ngedassaʼa. David a ndohi nhalaʼa, a maslaka sam kuɗa a va, ta kalahi a medi ta.

Esaie 50:5

Bi Zhiklè a mwinay zlembaɗ, a i ga mèdègèɗ ɓai, a i mena a deɓa ɓai.

Esaie 53:12

Gar haha i da pa na ndohi mbibihiaʼa a skwi nʼndi gi nengaʼa. A da kezli skwi ɓèlè a nda ndohi man wuɗi ta a zhè, te man a mvau gèɗ na a mʼmetsai. Ta ngra na a va ndohi amba-ɓihiaʼa; aman nengaʼa a nzuɓ mali ndohi kumba, a ntsu rai a géɗ ndohi malihai.

Ezéchiel 1:28

Ara kwarai man a rkè te va vanai a pats man iyam a gai; sam nhelaʼa a si dai te tsagi tèlèba. Aranta skwi man i rkaʼa, nʼnjèl Ndo nzi pèc pècèk man a ngudko va. Aman i rkaʼa, a i kalahi a deɓ sak nengaʼa. I tsena daʼai ngiɗè man a gaɗa.

Nombres 14:5

A Moise a Aaron ta tseda medi ta a hai a sam di mpi ndohi Israel tèlèba.

Nombres 16:22

Aman ta kalahi a deɓ sak nengaʼa, a ta gada: Zhiklè! Zhiklè man ka vi nshèffè a ndo tèlèba. A géɗ man ndo staɗ a ngau malai, ka gi ndav a géɗ mpi ndohi tèlèba dè?

Matthew 20:22

Yèsu a mʼmbeɗa na a ma: Kin sun skwi man kin jhèɗè ɓai. Kin slaha kin si a kokwi man i da sia te pa dè? Ta gaɗa na: Nga slaha.

Matthew 24:24

Aman kristihi ncèkèlma, a ndohi nhadka ma ncèkèlma ta da slèmbèɗè, a ta ngreda skwi malwuɗi mbiaʼa, a nrkedai, aman ta pèkètède ta ndohi mparahiaʼa ba, man ta slaha.

Matthew 26:42

A va zaʼa, macecèwaʼa, a ndo a ntsu rai, a ngaɗa: Bab ga, aman kokwi haha a slaha a ndè auda a sam ga azɓai, sèi i siaʼa, da gu ara man ka woyaʼa.

Marc 13:22

Aman Kristihi ncèkèlma, a ndohi nhadka ncèkèlma ta da slèmbèɗè, a ta da ngreda skwi malwuɗai a nrkedai, man ta pèkètèdè ndohi man Zhikiè a mpar ta, man ta slaha.

Luke 17:16

A nkalahi a deɓ sak Yèsu, a nshida na gèɗ. Nengaʼa ndo Samarie.

Jean 11:41

A ta cama na ngezlambar auda te ma gi dzavai. A Yèsu a mpu di a zhiklè, a ngaɗa: Bab ga, i shida ka gèɗ, aman ka co ma ga.

Jean 14:31

Aman ndohi herkeda da suna, i woy Bab ga a ndav ga, a i gi ara ma nkwèr Bab ga. Va-slambaɗa, ngo-dokoya!

Jean 18:11

A Yèsu a ngaɗa na Pierre: Ciɓda kafahi gwèsh a gi na! Kokwi man Bab ga a vayè, a i siaʼa, i siaʼa azɓi ɗè?

Jean 5:19

A Yèsu a mʼmbeɗa ta a ma: A vava, a vava, i gaɗa kinè: Kra a slaha man a gi skwi a ri na azɓai, ko staɗ. Sèi skwi man a rka, Bab na a giaʼa. A skwi man nengaʼa a giaʼa, kra nengaʼa ba, a giaʼa.

Jean 5:30

I slaha a i gi skwi a géɗ ga ɓai; i bèzlè kita, ara man i tsenaʼa. Kita ga nzuraʼa. I woy skwi ara man iyè i woya ka ɓai, aman skwi man nengaʼa man a zlindekayè a woyaʼa.

Jean 6:38

I shkè te zhiklè, a i gi skwi ara ndav ga man a woya ka ɓai. I shkè, aman i gi skwi man nengaʼa man a zlindekayè a woyaʼa.

Actes 10:25

Aman Pierre a mshkè, Corneille a nhaka na ma, a nkalahi a deɓ sak nengaʼa.

Philippiens 2:8

Te Skwi man a gau ara ndo, a mʼmanda gèɗ na a hai, a nfu gèɗ a Zhiklè, ha a nco mʼmetsai, mʼmetsai a wof ngézlèlèʼa.

Hébreux 5:7

Te va man a zhè a géɗ herkeda dai, a ntsu ri a kuɗa a dai, a ngu mbuh mbuh, a mbèhè a Zhiklè, man a slaha a mbelaʼa te mʼmetsai. A Zhiklè a ntsena ntsi ri nengaʼa, a géɗ man a mʼmanda gèɗ a hai pèc pècèk.

Apocalypse 19:10

A i kalahi a deɓ sak nengaʼa, aman i tsi ri a nengaʼa. A ngaɗayè: Az arsa ɓai! I ba i ɓèlè ara man a ngaya, ara kramamhi ngaya, man ta gi malwuɗi a géɗ Yèsu. Tsu ri a Zhiklè! Ndohi nhadka ma ta hadka ma malwuɗi Yèsu.