Matthew 26:28 - Ma Zhiklè

²⁸ Aman na haha Pombaz ga, Pombaz nderzlè-ma, man mbadahai, a mprè mali ndohi kumba.

Mofa New Testament

²⁸ Aman na haha pombaz ga, pombaz nderzlèma, man mbaƋahai, a mprè mali ndohi kumba.

Matthew 26:28 ပူးပေါင်းရင်းမြစ်များ

Jérémie 31:31

Na haha pats ngiɗè a di a shkè, Ndo nzi pèc pècèk a gaɗa, nga da derzlè ma mɓuaʼa a nda ndohi Israel a ndohi Juda.

Lèv. 17:11

Aman nshèffè skwi a zhè te pombaz, a i va kinè a gèɗ sam mvi skwi a Zhiklè, a gi a skwi mpil gèɗ kinè. Pombaz a gi a skwi mpil gèɗ, a géɗ nshèffè man te pa.

Zacharie 9:11

I helka ta ndohi dangai ngaya auda te vèvèɗ, man iyam a te pa ɓai, a géɗ pombaz nderzlè-ma nga.

Matthew 20:28

Lèmèlèmè kra-ndo a mshkè aman ndohi ta takaha ka ɓai; a mshkè, aman a takaha ta ndohai, a vi nshèffè nengaʼa a skwi mpil gèɗ a géɗ ndohi kumba.

Matthew 26:27

Te deɓaʼa a nco kokwai, te deɓ nshid gèɗ, a mva ta, a ngaɗa: Va-sau tèlèba te pa!

Matthew 26:29

I gaɗa kinè, anai i si barassa te deɓ anta asaɓai, ha pats man i da siaʼa mɓuaʼa a nda kinè te kokwar-Bi Bab ga.

Matthew 6:12

Pra nga mali nga, ara man nga pra mali ndohai man ta gu mali a sam nga.

Marc 1:4

Jean a mshkè, a ngu baptême tʼhèshèkèɗ, a nju ma baptême, aman ndohi ta ngwode ndav ta, a mali tengaʼa a mpraʼa.

Marc 14:24

A ngaɗa ta: Na haha Pombaz ga, Pombaz nderzlè-ma, man mbadahai a géɗ ndohi kumba.

Luke 22:19

A nco movar, a nshüd gèɗ, a ntsakaʼa, a mva ta, a ngaɗa: Na haha, va ga, man i viaʼa a géɗ kinè. Skwi haha va-gau, a kin héryè.

Luke 22:20

Lèmèlèmè kokwai, te deɓ skwi nʼndai, a ngaɗa: Kokwi haha, skwi nderzle nga mɓuaʼa te Pombaz ga, man a mbaɗa a géɗ kinè.

Romans 5:15

Aman pombi man Zhiklè a mvau, a lèmdè a mali azɓai. A géɗ mali ndo staɗ, ndohi kumba ta bazl ta; aman pombi Zhiklè a zlèzlèmè holholaʼa a géɗ pombi ndo staɗ, Yèsu Kristi, man ndohi kumba ta ngotso.

Romans 5:19

Ara man a géɗ ndo staɗ, man a gu mèdègèɗ, ndohi kumba ta gaʼa a ndohi malihai, a gèɗ ndo staɗ, man a fa na gèɗ, ndohi kumba ta ngècè ngi-zuraʼa.

1 Corinthians 11:25

Skwi haha va-gau, a kin héryè. Lèmèlèmè kokwi te deɓ skwi nʼndai, a ngaɗa: Na haha, kokwi nderzla nga a ma mɓuaʼa te pombaz ga. Skwi haha va-gu pèc pècèk, aman kin siaʼa, a kin héryè.

Ephésiens 1:7

Yèsu a mpela gèɗ nga a Pombaz na, a mpra nga malai te pombi nengaʼa mbiaʼa,

Colossiens 1:14

te nengaʼa gèɗ nga mpela, mali nga mpraʼa.

Colossiens 1:20

Te nengaʼa Zhiklè a mʼmenda gumai a hai a gèɗ skwi tèlèba, ko a géɗ herkeda, ko te zhiklè te géɗèʼa, te man a tsu gumi a Pombaz nengaʼa a deɓ wof ngézlèl na.

Hébreux 10:29

Va-huro, kita mbiaʼa holholaʼa ndo a ngècèʼa, aman a mbatsaha kra Zhiklè a sak, a nrka Pombaz nderzlè-ma, te nengaʼa man a gaʼa a ndo nkezlaʼa, ara skwi nlizhèa, a nderɗe Mèzhèɓ pombi Zhiklè.

Hébreux 13:20

Aman Zhiklè gumai, man a ncko Bi nga Yèsu auda te mʼmetsai, ndo mɓer tambakhi mbiaʼa te pombaz nderzlè-ma a mèdèp,

Hébreux 9:28

ara man Kristi a mvau nshèffe na sak staɗ, te deɓaʼa klèng, aman a ncè malihi ndohai kumba. Macecèwaʼa a di a gudko va a di a géɗ mali ka ɓai, aman a géɗ man a da hel ta ndohi man ta zhèrèʼa.

1 John 2:2

Nengaʼa skwi mpil gèɗ malihi nga, malihi nga genè ka ɓai, aman mali herkeda tèlèba.

Apocalypse 7:14

A i gaɗa na: Bi ga, ka, ka suna. A nengaʼa a ngaɗayè: Tengaʼa man ta shkè auda te matakwan mbiaʼa, a ta pana maslaka tengaʼa, a ta slekaɗa maslaka tengaʼa te Pombaz kra tambak.

Apocalypse 7:9

Te deɓaʼa i rka nhèyè ndo mbiaʼa, ndo a slaha a nʼngrè ɓai, te va ndohi herkeda, a ndohi kokwar, a gerzi ndohai, a daʼai ta tsaɗ tsaɗ tèlèba, ta zlatsa a ma sam nʼnzi bai, a ma kra tambak, a maslaka nslekaɗa a va, a vah gangar te rai,