Matthew 23:8 - Ma Zhiklè

⁸ Aman kinè, kin gu arsa ɓai, da baha kinè Rabbi ɓai! Ndo njèngè ma kinè staɗgenè, kin tèlèba kramamhai.

Mofa New Testament

⁸ Aman kinè, kin gu arsa ɓai, da baba kinè Rabbi ɓai! Ndo njèngè ma kinè staƋgenè, kin tèlèba kramamhai.

Matthew 23:8 ပူးပေါင်းရင်းမြစ်များ

Matthew 10:25

A slra aman ndo nslebi skwai a gi lèmèlèmè ara ndo nʼngra na, a ɓèlè ara babgi na. Aman ta baha na babgi a nzlembaɗ Béelzébul, holholaʼa ndohi gi nengaʼa arsa.

Matthew 17:5

Ngèdè ma nengaʼa, na haha vani nslekaɗa a mshkè, a mva ta mèzhèɓ a gèɗ. Na haha, ta tsena ngèdè staɗ te va vanai: Nengaʼa kra ga, man i woyaʼa a ndav ga. Ndav ga a wuffè kumba a géɗ nengaʼa. Va-tsun ma na!

Matthew 23:10

Lèmèlèmè aman ndohi ta baha kinè ndo mbiaʼa, kin co ɓai! Aman ndo mbiaʼa kinè staɗgenè, Kristi.

Matthew 23:7

Ta woya ndohi ta ga ta mbalai a luma. Ta woya ndohi ta baha ta Rabbi.

Matthew 26:25

A Judas man a nga na ri a gèɗ, a mʼmbeɗa na a ma Yèsu: I dè, Rabbi? A Yèsu a ngaɗa na: Ara ngèd ngaya!

Matthew 26:49

Tsam-tsam a mshkè a sam Yèsu, a ngaɗa: Mbalai, Rabbi! A nkelawa na ri a daʼai.

Marc 10:51

Ka woya a i ga ka mè? Ndo mandazlai a mʼmbeɗa na a ma: Rabbuni, i woya aman i rka dai!

Marc 11:21

A ngèɗè Yèsu man a goɗ adatsa, a nhaka na a gèɗ a Pierre, a ngaɗa na Yèsu: Na haha, Rabbi, wof kslor man ka phomda, ngwor na ma!

Marc 14:45

Mshkè na, a nherda na va a Yèsu, a ngaɗa: Rabbi, a nkelawa na ri a daʼai.

Marc 9:5

A Pierre a hüno a ngaɗa na Yèsu: Rabbi, amba aman nga zhè a haha. Ngo-gokoy gihi makar, staɗ a ngaya, staɗ a Moise, staɗ a Elie.

Luke 22:32

Aman iyè, i tsi ri a géɗ ngaya, aman ncè-a-ndav ngaya a ndivè azɓai. A ka, aman pats ngiɗè ka menkada deɓa, ka va ta wuɗi a kramamhi ngaya.

Jean 1:38

A Yèsu a mpu di a deɓa, a nrka ara man ta jèjèrèʼa, a ngaɗa ta: Kin War mè? Aman ta gaɗa na: Rabbi, (ara ngèɗè: Ndo njèngè ma), gi ngaya tema?

Jean 1:49

Nathanael a mʼmbeɗa na a ma: Rabbi, ka kra Zhiklè, ka Bi Israel!

Jean 11:8

A golahi nengaʼa ta gaɗa na: Rabbi, adatsuta ndohi Juif ta woy a ta kal ka a kwa, a ka woy a ka minè a deɓa a samaʼa dè?

Jean 20:16

A Yèsu a ngaɗa na: Marie! A nengaʼa a nʼngwoda ma a deɓa, a ngaɗa na a ma hèbreu: Rabbuni! Ara ngèɗè: Ndo njèngè ma!

Jean 3:2

Nengaʼa a mshkè a sam Yèsu a vaɗ, a ngaɗa na: Rabbi, nga suna, ka ndo man Bi Zhiklè a zlindka ka aman ka jèngè nga. Nrkedi man ka giaʼa, ndo ngiɗè a slaha ɓai, sèi man Zhiklè a zhè a sam na kla.

Jean 3:26

A to do a sam Jean, a ta gaɗa na: Rabbi, ndo man a nʼnza a sam ngaya te wud woyam Jourdain, nengaʼa man ka ngra nga, anai a gi baptême, a ndohi tèlèba ta dè a sam na.

Jean 4:31

A golahi nengaʼa ta tétika na skwi nʼndi a gèɗ a Yèsu, a ta tsa na rai: Rabbi, ndau!

Jean 6:25

Aman ta ngotso tʼwud woyam mbiaʼa, ta gaɗa na: Rabbi, ka shkè haha a ngèmè?

Jean 9:2

A golahi nengaʼa ta dzhoɗo, a ta gaɗa: Rabbi, ngu mali haha wa, aman ta yu nengaʼa mandazlai: Nengaʼa dè, bab na dè, mam na dè?

2 Corinthians 1:24

Aman nga ara bihi ncè-a-ndav kinè ka ɓai. Aman nga, nga ndohi man nga mba a mwuffe a nda kinè, a kinè man kin zlatsa te ncè-a-ndav.

2 Corinthians 4:5

Nga njè ma a géɗ va nga ka ɓai, aman a géɗ Bi Yèsu Kristi, ara nengaʼa Bai, a nga ɓèlèlihi kinè a géɗ Yèsu.

Ephésiens 3:15

a nzlembaɗ nengaʼa ta baha ta wudahai, te zhiklè te géɗèʼa, a géɗ herkeda ba, tèlèba.

Philémon 1:16

Aman ara ɓèlè genè ka ɓai, aman a fena ɓèlè; ara kramam nga man nga woya te Kristi; holholaʼa ka, kala kramam ngaya te Kristi.

Jacques 3:1

Dalahimam ga, ndo staɗ staɗ tèlè da gu a ndo njèngè ɓai. Aman va-suno, ndo man ndo njèngè ma, a da ngècè kita mwuɗitpa holholaʼa.

1 Peter 5:3

a ngi bi a géɗ ndohi Zhiklè kinè ka ɓai, aman va-nza ara ndohai, man rèwè ndohi Zhiklè ta slaha a ta lèmdè va a kinè.

Apocalypse 1:9

I, Jean, kramam kinè, ndo man nga mbi a matakwan, a kokwar-bai, a nzhèr skwia dai te Yèsu a nda kinè. I nza te Patmos, herkeda nte ndev iyam, a géɗ ma Zhiklè a ma malwuɗi Yèsu.

Apocalypse 19:10

A i kalahi a deɓ sak nengaʼa, aman i tsi ri a nengaʼa. A ngaɗayè: Az arsa ɓai! I ba i ɓèlè ara man a ngaya, ara kramamhi ngaya, man ta gi malwuɗi a géɗ Yèsu. Tsu ri a Zhiklè! Ndohi nhadka ma ta hadka ma malwuɗi Yèsu.

Apocalypse 22:9

A nengaʼa a ngaɗayè: Az arsa ɓai! Aman iyè ba, i ɓèlè ara ngaya, ara kramamhi ngaya, ndohi nhadka ma, a tengaʼa man ta fi gèɗ a ma ɗèlèwèr haha. Tsu ri a Zhiklè!