Matthew 23:13 - Ma Zhiklè

¹³ Woba kinè, malamhai a ndohi pharisie! Kinè ndohi nʼngwèdè ndo, aman kin pizlèa kokwar Bi Zhiklè a sam ndohai.

Mofa New Testament

¹³ Woba kinè, malamhai a ndohi pharisie! Kinè ndohi n'ngwèdè ndo, aman kin pizlèa kokwar Bi Zhiklè a sam ndohai.

Matthew 23:13 ပူးပေါင်းရင်းမြစ်များ

Esaie 33:14

Ndohi malai ta gudzi te Sion. Nder-kèzhè ndohai ta gi gurts te va tengaʼa. Ta jhèɗèʼa: Nslaha a nzlècè a tsagi nèʼèn vogwa wa? Nslaha a nzlècè a tsagi vogwa man a mbècè azbi a mèdèp, wa?

Zacharie 11:17

Wobau a géɗ ndo nwèr skwi man ambaɓai, man a jèke ta tambakihi a pa! Tsakwal a da tizhè riaʼa, a di ri mandi na. Ri nengaʼa da gwor na, di ri mandi nengaʼa da ngezl na!

Matthew 23:16

Woba kinè, kin ndohi ncè ta ma ndohai, man kin rka di ɓai! Kin gaɗa: Ndo man a mbaɗa a nzlembaɗ gi Zhiklè, mʼmbèdè nengaʼa ambalai. Aman ndo man a mbaɗa a guro te gi Zhiklè, sèi a gi ara mʼmbèɗ na.

Matthew 23:23

Woba kinè, malamhai a ndohi pharisie! Kinè ndohi nʼngwèdè ndo! Kin vi skwi staâ te va kula, ko te va skwi nkè-shèa; a kin jèkeda ma mbiaʼa te ma kita Zhiklè, ara: kita, nsi ndo te va, ncè a ndav. Aman agassa kin gi skwi haha, a kin jèka ma mbiaʼa te ma kita Zhiklè ɓi ba.

Matthew 23:25

Woba kinè, malamhai a ndohi pharisie, kinè ndohi nʼngwèdè ndo! Kin pènè deb kokwi a gandaf, aman hwaɗ kokwi nʼndha a skwi metsar, a skwi ntétékè.

Matthew 23:27

Woba kinè, malamhai a ndohi pharisie, kinè ndohi nʼngwèdè ndo! Kinè lèmèlèmè ara gi dzavai, man slalia a pa. Tʼuda ta rka ara man amba, aman tʼhwadaʼa nʼndha a vatasl nckondo a skwi nlizhèʼa tsaɗ tsaɗ.

Matthew 23:29

Woba kinè, malamhai a ndohi pharisie, kinè ndohi nʼngwèdè ndo! Aman kin ri gi dzavi ndohi nhadka ma, a kin til gi dzavi ndohi nzuraʼa mbelembela,

Matthew 3:7

Aman a rka ndohi pharisie a ndohi sadducée ta shkè a sam baptême kumba, a ngaɗa ta: Kinè wud tsebarhai, nʼngreda kinè wa, aman kin slaha kin hi kinè a ndzoan Zhiklè man a di a shkè?

Luke 11:52

Woba kinè, ndohi njèngè ma kita! Aman skwi mwinè maya, kin ceda ma; aman kinè ba kin dè a pa azɓai, a kin gedassa civèɗ ndohi man ta woy a ta dè a pa.

Jean 9:22

Bab a mam na ta goɗ arsa, a géɗ man ta gi zlau ndohi Juif. Aman ndohi Juif ta tsomma, ko wawa man a gaɗa: nengaʼa Kristi, ta dzomkoɗauda te gi njèngè ma Zhiklè tengaʼa.

Jean 9:24

A ta baha na ndo man a matsa mandazlai zaʼa, a ta gaɗa na: Goɗ skwi zuraʼa a sam di Zhiklè! Nga suna, ndo sa ndo malai.

Jean 9:34

A ta gaɗa na: Ta yeka ka tʼhwaɗ malai, a ka senda nga ɗè? A ta dzardauda.

Actes 13:8

A Elymas, nzlembaɗ nengaʼa a daʼai kokwar na, ndo mʼmbèh skwai, a woya a ngedassa civèɗ Sergius ngomna, aman a cè a ndav.

Actes 5:28

Nga fa kinè ma a gèɗ, aman kin senda ta ndohi a nzlembaɗ haha ɓai, na haha kin ndha kokwar Jérusalem tèlèba a njè-ma kinè, a kin woy a kin gi aman ta jhèɗè Pombaz ndo haha te ri nga.

Actes 5:40

A ta co ma nengaʼa. A ta baha ta ndohi sak, ta ndah ta, a ta fa ta ma a gèɗ, aman da goɗ ma a nzlembaɗ Yèsu asaɓai, a ta pre ta.

Actes 8:1

A pats nasa ta hüno a ta dzar ta mpi ndohi Zhiklè te kokwar Jérusalem, a ta venda gèɗ ta a kokwar Judée a Samarie tèlèba. Sèi ndohi sak ta ksar ta bai.

2 Timothy 3:8

Lèmèlèmè ara Jannès a Jambrès, ta Sala na va a gèɗ a Moise, tengaʼa ba ta Sala na va a gèɗ a ma nzuraʼa. Ndohi man gèɗ ta ndzakaɓa, ncè-a-ndav ta azɓai.

2 Timothy 4:15

Ka ba, gu maya a sam nengaʼa; aman nengaʼa a Sala va kumba a sam ma nga.