Matthew 22:11 - Ma Zhiklè

¹¹ Aman bai a mdo a gai, man a rka ta ndohi ngolala nengaʼa, a nrka ndo ngiɗè te pa, maslaka ngolala az a va ɓai.

Mofa New Testament

¹¹ Aman bai a mdo a gai, man a rka ta ndohi ngolala nenga'a, a nrka ndo ngiƋè te pa, maslaka ngolala az a va ɓai.

Matthew 22:11 ပူးပေါင်းရင်းမြစ်များ

II Rois 10:22

Jéhu a ngaɗa na ndo mɓer gi maslaka: Hulko ta maslaka a ndohi njèjèr Baal tèlèba! A nengaʼa a mhulko maslaka tengaʼa.

Esaie 52:1

Piɗèkwe ngaya, piɗèkwe ngaya, Sion, sala va ngaya! Jérusalem, feda maslaka wi a va! Ka kokwar nkezlaʼa! Anai ndo man ngwon nʼngel ɓai, ndo man ndav mpan ɓai, a dè a sam ngaya asaɓai.

Esaie 64:6

Ndo azɓai man a ntsu ri a nzlembaɗ ngaya, man a nslambaɗa, a ngshè va a ka, te man ka ngheda va ngaya a sam nga; ka jèke nga a ri a mali nga.

Lamentations de Jérémie 5:22

Ɗè, ka kwol nga a mèdèp mèn ɗè? Ɗè ka gi ndav kumba ar haha a géɗ nga dè?

Sophonie 1:12

Te ndev nasa, i da wuzhè kokwar Jérusalem a skwi ntiv vogwa te rai, a i hèsh ndohi tèlèba, a i ga ta kita a tengaʼa man ta nza daɓaɓaʼa ara drab zom, tengaʼa man ta goɗ te ndav ta: Ndo nzi pèc pècèk a gi skwi man amba azɓai, a gi skwi ambaɓiaʼa azɓai, a nzai na.

Matthew 13:30

Sèi kin jèke ta cèw ba, aman ta grè a vna, ha pats man nsla. A pats man nsla i da gaɗa ta ndohi ntsi dau: Va-ɓica dau zizlè nshè-lèkuraʼa, va-manaʼa, va-wusheda a vogwa. Aman dau, va-ɓiceda a wov ga!

Matthew 22:10

A ɓèlèlihi matsa to do a civèɗ, a ta ɓic ta tèlèba, man ta ngotso, ndohi ambaɓihia ba, a ndohi mbelaʼa ba, cèw ba. Gi nʼndha a ndohi ngolala.

Matthew 3:12

Kokwi te ri nengaʼa. A nengaʼa a da pèvè dau a hedak tèlèba. Dau nengaʼa a da ɓicè a wov, aman topok dau a fa na vogwa man a mbècè asaɓai.

Romans 13:14

Aman va-feda Bi Yèsu Kristi a va, a kin war di va kinè, aman kin dzodzor ntétékè nengaʼa ɓai!

Romans 3:22

I gèɗè a géɗ ngi-zuraʼa a sam di Zhiklè, man a shkè te ncè Yèsu Kristi a ndav, a sam ko wawa man a cè a ndav.

1 Corinthians 4:5

Gar haha kin bazla na mali a gèɗ a ndo ngiɗè tsam tsam ɓai, sèi Bai Yèsu a shkè, nengaʼa a di a cko skwi tèlè auda a sam nhélaʼa, ko skwi man nʼnghedaʼa te ruva, a ngrédè skwi man ndohi ta hérè te ndav ta, auda. Te deɓaʼa Bi Zhiklè a slébèrdè ndo staɗ staɗ, ara man a ngècè a géɗ skwi man a gau.

2 Corinthians 5:3

a skwi a va; ta da ngatse nga adi azɓai.

Galates 3:27

Ara man ko wawa te ndev kinè a ngu baptême te Kristi, nara man kin feda Kristi a va.

Ephésiens 4:24

va-feda skwi mɓuaʼa a va, man nʼngaʼa ara Zhiklè man a woyaʼa, a ndo nzuraʼa, amba, nkezlaʼa.

Apocalypse 16:15

Na haha i shkè ara ndo metsar. Mwuffè a sam nengaʼa man a nzi a dai, a maslaka a va, man a dè adi azɓai, a ta rka hori nengaʼa man adi azɓai.

Apocalypse 19:8

A ta va na maslaka bata mbelaʼa nslekaɗaʼa, aman a mvi a va. Maslaka bata mbelaʼa sa, mizlinè nzuraʼa man ndohi Zhiklè ta gau.

Apocalypse 2:23

A i woya man i bazl ta wudahi ta. A mpi ndohi Zhiklè tèlèba sèi da suna, iyè man i wuzhè ndav, kala nguzgoz ba, a i va na a ndo staɗ staɗ te ndev kinè ara mizlinè na.

Apocalypse 3:18

I gaɗa ka ma maya staɗ: sèi ka shum guro man vogwa a mwoslaʼa, a ka ndi a ndo mèshèlè; a ka shum maslaka nslekaɗaʼa, a ka feda a va, a hori ngaya man ka adai a gidè auda azɓai; a ka shum madzaf dai, a ka da geda a di ngaya, a ka rka di zuraʼa.