Matthew 21:5 - Ma Zhiklè

⁵ Va-gaɗa na kokwar Sion: Na haha Bi ngaya a shkè a sam ngaya, a ndav amba, a deɓ kɗèh, man a zhüɓ skwai, gol kɗèh.

Mofa New Testament

⁵ VagaƋa na kokwar Sion: Na haha Bi ngaya a shkè a sam ngaya, a ndav amba, a deɓ kƋèh, man a zhüɓ skwai, gol kƋèh.

Matthew 21:5 ပူးပေါင်းရင်းမြစ်များ

Genèse 49:10

Gada bai a kèlè auda te ri Juda azɓai, a gada kita a zhè a sam sak nengaʼa, ha bi mbiaʼa a shkè, man ndohi ta fi gèɗ a ma nengaʼa.

II Samuel 16:2

Bai a ngaɗa na Tsiba: Ka gia ke? Tsiba a ngaɗa: Kɗèhihai, aman ndohi bai ta nzi a deɓaʼa; movar a nyi wof, aman ɓèlèlihi ta ndiaʼa; barassa, aman ndohi man ntulè a keɗ ta tʼhèshèkèɗ ta siaʼa.

I Rois 1:33

A bai a ngaɗa ta: Va-hul ɓèlèlihi ga, va-nzeda Salomon, kra ga, a deɓ kɗèh ga, a kin daʼa a Gihon.

I Rois 10:26

A Salomon a mɓüco kiki var, a mɓic ta ndohi plèsh, a nʼngots kiki var 1.400, a ndohi plèsh 12.000, a mpa ta matrihiaʼa a kokwar a sam kiki var, matrhiaʼa a tsagi bai a kokwar Jérusalem.

Psaumes 9:14

Ndo nzi pèc pècèk, i da se ka te va! Na haha i gi mbelawa a sam ndohi man ta gi shèwa a iyè. Ka ckay a deɓa a ntama-gi mʼmetsai,

Esaie 12:6

Va-hazlawa a mwuffè, ndohi te Sion! Aman Zhiklè Israel nkezlaʼa, nengaʼa a zhè te ndev kinè, mbiaʼa.

Esaie 40:9

Ka man ka hada na ma mbelaʼa a Sion, do za ngurèa! Boho a wuɗai, ka man ka hada na ma mbelaʼa a Jérusalem! Ka goɗ a zlau bail Gaɗa ta kokwarhi te Juda: Na haha, Zhiklè kinè!

Esaie 62:11

Na haha, Ndo nzi pèc pècèk a gèɗè, a ta cinè te verzi herkeda: Va-gaɗa na kokwar Sion: Na haha, ndo mʼmbel ngaya a shkè a skwi man a pil ka a vna a nda nengaʼa, a skwi ntul nengaʼa a ma na.

Ezéchiel 34:24

Iyè, Ndo nzi pèc pè-cèk, i gi a Zhiklè ta; a David, bèl ga, a gi a kra bai te ndev kinè. Iyè Ndo nzi pèc pècèk, i goɗa.

Ezéchiel 37:24

David, ɓèl ga, a da gi bi tengaʼa. A ta ngècè ndo mɓer ta staɗgenè, a ta da jèjèr ma nkwèr ga a ma kita ga zuraʼa.

Osée 1:7

Aman ndohi gi Juda ta da siyè te va, a iyè Ndo nzi pèc pècèk, Zhiklè tengaʼa, i da mbel ta. I da mbel ta a lèkèɗ a tsakwal a plèsh a ndohi plèsh ka ɓai.

Michée 5:2

A géɗ nasa Zhiklè a jèka ta a pa, ha tiɗè sam man ngwoz a da yi kra, a yaka kra ma, a njèkèɗi kramamhi na ta menkaɗa deɓa a sam ndohi Israel.

Nombres 24:19

Bai a shkè auda te Jacob, man a da zede ta ndohi man ta hu ta te kokwar.

Matthew 11:29

Va-kelawda wof nte daʼai ga a daʼai kinè, va-slebau a sam ga! Aman iyè, i ndo man ndav lüɓekwaʼa, a i manda gèɗ ga a hi a sam tèlèba; a ndav kinè a ngècè nshèk va.

Matthew 2:2

a ta gaɗa: Bi ndohi Juif man ta yau, na tema? Nga rka banti nengaʼa te civèɗ mvèng pats, a nga shkè, aman nga slébèrdèʼa.

Matthew 2:6

Ka kokwar Bethléhem, ka nhüɗök genè ka ɓai, aman te ka, bai a di a shkè auda. Nengaʼa a da gi a ndo mɓer ndohi Israel ga.

Matthew 21:6

Aman golahi Yèsu to do ma, a ta gu ara man Yèsu a gaɗa ta,

Luke 24:27

Te deɓaʼa a hinè a sam Moise, a sam ma ndohi nhadka ma tèlèba, a nsenda ta ma tèlèba te ɗèlèwèr Zhiklè a géɗ Yèsu.

Jean 1:49

Nathanael a mʼmbeɗa na a ma: Rabbi, ka kra Zhiklè, ka Bi Israel!

2 Corinthians 10:1

Iyè, Paul, i bid kinè a ri ga a ndav nlüɓekwaʼa, a maya man amba te Kristi. Aman i a sam kinè, i gi huyo kokoʼa; aman i dra a sam kinè, i gèɗè a wuɗai.

Deutéronome 17:16

A woy da ngots plèshi kumba ɓai, da shum plèsh te Egypte ɓai, da zlinde ta ndohi a deɓa a kokwar Egypte ɓai! Aman Ndo nzi pèc pècèk a ngaɗa kinè: Kin da shkè a deɓa a civèɗ haha ɓai!

Juges 12:14

Wudahi nengaʼa 40, a wud wuda na 30. To do a deɓ kɗèh, kɗèhi 70. Nengaʼa ndo kita te Israel mvi 8.

Juges 5:10

Kinè man kin dè a deɓ kɗèh nslekaɗaʼa, man kin nza a daɗari skwi deɓ kɗeh; a kinè ndohi nda a sak, va-huro!