Matthew 2:13 - Ma Zhiklè

¹³ Aman ndohi nɗèl bantai to do ta ma, gol Bi Zhiklè a ngudoko na va a dai a Joseph te nshunè, a ngaɗa na: Slambaɗa, co kra a mam na, a ka hu ngaya a kokwar Egypte, a ka da nza a pa, sèi a di i gaɗa ka; aman Hérode a woy kra, a nkéɗèʼa.

Mofa New Testament

¹³ Aman ndohi nƋèl bantai to do ta ma, gol Bi Zhiklè a ngudoko na va a dai a Joseph te nshunè, a ngaƋa na: SlambaƋa, co kra a mam na, a ka hu ngaya a kokwar Egypte, a ka da nza a pa, sèi a di i gaƋa ka; aman Hérode a woy kra, a nkéƋè'a.

Matthew 2:13 ပူးပေါင်းရင်းမြစ်များ

I Rois 11:17

Aman Hadad a mhu na a nda ndohi mizlinè bab na, ndohi Edom, kètè, a kokwar Egypte. Hadad wudahi dai.

I Rois 3:5

Te Gabaon, Ndo nzi pèc pècèk a ngudoko na va a di a Salomon te nshunè a vaɗ. Zhiklè a ngaɗa: Dzhoɗo skwi man ka woya a sam ga, i da va ka.

Job 33:15

A gèɗè te nshunè, te skwi man ndo a rka a vaɗ, aman ndo a nzhun tsektsekaʼa, man a manatʼhai.

Job 33:17

A woya a ngalka ta ndohi a deɓa a sam mali ta, a til nfi va ndohai.

Exode 1:22

A Pharaon a ngaɗa ta ndohi nengaʼa tèlèba: Wud ngurhi tèlèba, man ndohi Hébreu ta yiaʼa, va-wushede ta a woyam Nil! Dalahai, va-jèka ta nshèffè ta!

Matthew 1:20

Aman a hur skwi haha arsa, gol Bi Zhiklè a ngudoko na va a dai te nshunè, a ngaɗa na: Joseph, kra David, ka gu zlau ɓai! Co Marie, a ngwoz ngaya, aman kra ntʼhwaɗ na, Mèzhèɓ Zhiklè nkezlaʼa a mva na.

Matthew 10:23

Aman ta da paraha kinè te kokwar staɗ, va-hu kinè a kokwar ngiɗè. Aman i gaɗa kinè a vava, kin ndikeda kokwar Israel tèlèba azɓai, ha kra-ndo a mshkè ma.

Matthew 2:12

A nshunè a nked ta, a ngaɗa ta, aman ta dè a deɓa a sam bi Hérode azɓai. A to do ta a ngwai, a ta beza a civèɗ ngiɗè.

Matthew 2:14

A Joseph a nslambaɗa, a nco kra a mam na, a vaɗ, a to do ta a kokwar Egypte.

Matthew 2:16

Aman bi Hérode a rkaʼa, ndohi nɗèl bantai ta mbeɗda hai, a ngu ndav a vata, a nzlinde ndohai, aman ta bazl ta wud ngurhai te kokwar Bethléhem, a sam man a kwèrè tèlèba. Wudahi man ta yu tok tok, ha a ngu mvi cèw, a ɗöl te pats man a ntsena te ma ndohi nɗèl bantai.

Matthew 2:22

Aman a tsenaʼa, Archélaus bai te kokwar Judée, te di man a Hérode, bab na, Joseph a ngu zlau, a nda a pa ɓai. A Zhiklè a nʼngreda na te nshunè, aman a dè a kokwar Galilée.

Actes 10:22

Ta gaɗa: Corneille, bi sojè, ndo nzuraʼa, man a gi zlau Zhiklè, ndo man ma nengaʼa ambaha ta ndohi Juif tèlèba, gol Zhiklè nkezlaʼa a ngaɗa na, da baha ka a gi nengaʼa, da tsena ma ngaya.

Actes 10:7

Aman gol Zhiklè man a gaɗa na Corneille, kal na ma, Corneille a mbaha ta ndohi mizlinè gi nengaʼa cèw, a sojè staɗ, man a gi zlau Zhiklè, te ndev sojèhi nengaʼa,

Actes 12:11

Aman maya Pierre a mʼmenkaɗ a pa ma, a ngaɗa: Antanta i sun a vava, Bi Zhiklè a nzlündkoɗi gol nengaʼa, aman a mbelyè te ri Hérode, te skwi tèlèba man ndohi Juif ta woy a ta giaʼa.

Actes 12:7

Na haha gol Bi Zhiklè a mshkè, a nhela sam te gi dangai, a ntsu zlazlar Pierre, a mpiɗèkwuda, a ngaɗa: Slambaɗa! A cèlèlèu a nwush na hai te ri nengaʼa tsam tsam.

Actes 16:36

Va-pre ta ndohi sa! A ndo mɓer dangai a nʼngra na ma haha a Paul: Bihi sojè ta zlündo ndo, aman kin praʼa. Anai vo-do a gumai!

Actes 5:19

Aman a vaɗ, gol Zhiklè a mwina ntamagi dangai, a nde ta auda, a ngaɗa:

Actes 7:19

Nengaʼa a nʼngwode ta gwoli nga, a nʼnga ta matakwan a babhi nga, aman ta jèkeda wudahi nkèshèa a dala, a ta bazl ta.

Josué 3:13

Aman sak ndohi mvi skwi a Zhiklè man ta zuɓ koti nderzlè-ma Ndo nzi pèc pècèk, Zhiklè a géɗ herkeda tèlèba, ta mbècè a iyam Jourdain, iyam Jourdain a da ngel na, a woyam man a hakaɗi te géɗèʼa, a zlècèhi ara zlazlar.

Josué 3:17

Ndohi mvi skwi a Zhiklè man ta zuɓ koti nderzlè-ma, ta zlatsa a sam woyam ngworaʼa, a ndohi Israel tèlèba ta beza auda, iyam az a sak ta ɓai, ha tèlèba ta tawaɗa woyam Jourdain.

Josué 4:10

Ndohi mvi skwi a Zhiklè man ta zuɓ koti nderzlè-ma ta zlatsa te Jourdain, ha ta rufa mizlinè skwi tèlèba man Ndo nzi pèc pècèk a gaɗa na Josué, aman a njè ta a gèɗ a ndohai, lèmèlèmè ara man Moise a njè na Josué. Te deɓaʼa ndohi ta vosso va ta auda.

Josué 4:18

Aman ndohi mvi skwi a Zhiklè, man ta zuɓ koti nderzlè-ma Ndo nzi pèc pècèk, ta shkè auda te woyam Jourdain, a ta mbatseda sak a herkeda, tʼwuda ngiɗè, iyam te woyam Jourdain a mʼmen na a pa ara pèc pècèk, a hi auda a dzah a sam tèlèba, ara matsa.

Apocalypse 12:14

A ta va na kelpasl Vezi mbiaʼa cèw a ngwoz, aman a slaha a nhi na a hèshèkèɗ, a sam nʼnzi na. Te pa ta va na skwi nʼndi mvi staɗ, a mvi ngiɗè cèw a rètaʼa, dra a sam zhüzhok.

Apocalypse 12:4

Hutor na a mpatseda bantihi te zhiklè, man ta kezla makar aussa, a nwushede ta a hai a herkeda. A skwi man nara kedam matsa a nzlatsa a sam ngwoz man a ɗish va, a woya a ndeda kra man a da yiaʼa a ma.

Apocalypse 12:6

A ngwoz a mhu na a sam ngiɗè, man Zhiklè a ntila na, aman te pa ta va na skwi nʼndi mʼmèn 1.260.