Matthew 1:21 - Ma Zhiklè

²¹ A da yi kra nguraʼa, a ka da va na nzlembaɗ nengaʼa Yèsu, aman nengaʼa a da mbel ta ndohi nengaʼa te mali tengaʼa.

Mofa New Testament

²¹ A da yi kra ngura'a, a ka da va na nzlembaƋ nenga'a Yèsu, aman nenga'a a da mbel ta ndohi nenga'a te mali tenga'a.

Matthew 1:21 ပူးပေါင်းရင်းမြစ်များ

Genèse 17:19

A Bi Zhiklè a ngaɗa: Azɓai, Sara, ngwoz ngaya, a da ya ka kra nguraʼa, a ka da baha na Isaac. I woy a i derzla ma ga a nengaʼa ba a mèdèp, aman i Bi Zhiklè nengaʼa, a Bi Zhiklè ndohi te verzi nengaʼa.

Genèse 17:21

Aman i woy a i zlècèdè nderzlè-ma ga a Isaac, man Sara a da ya ka, a tèra aranta.

Genèse 18:10

Staɗ te vaʼa a ngaɗa: A tèra aranta, i da shkè a deɓa, a Sara, ngwoz ngaya, a nʼngots kra nguraʼa. A Sara a ntsena ma te gai, nte deɓ ndo sa.

Jérémie 23:6

A pats man a da gi bai, Juda a mbel na, Israel a nzi a gumai. Ta da baha na a nzlembaɗ: Ndo nzi pèc pècèk, ngi-zura nga.

Jérémie 33:16

A pats nasa Juda a dè mbél na, a Jérusalem a da nzi a gumai; ta da va na nzlembaɗ: Ndo nzi pèc pècèk, ngi-zura nga.

Daniel 9:24

Nga va ta mvi 70 a ndohi ngaya a kokwar ngaya nkezlaʼa, ha mphömè a mali nʼnga tèlèba ma, ha mali ta mpela ma, a ngi-zuraʼa a zhè a mèdèp, ha ma nshunè a ma ndo nhadka ma a ndikè a pa, a ta bada na mbar a gèɗ a ndo nkezlaʼa a géɗ ndohi nkezli nkezlaʼa tèlèba.

Zacharie 9:9

Kokwar Sion, slu dimèsh a mwuffè! Kokwar Jérusalem, wuffa! Na haha bi ngaya a shkè a sam ngaya: Zuraʼa, ngul ndo. A manda gèɗ a hai, a dè a deɓ kɗèh, a deɓ gol kɗèh.

Matthew 1:25

aman a mʼmana a vna ɓai, ha a nya kra ma, a mva na nzlembaɗ nengaʼa Yèsu.

Luke 1:13

Gol Zhiklè a ngaɗa na: Ka gu zlau ɓai, Zacharie; aman Zhiklè a ntsena ntsi ri ngaya. Elisabeth, ngwoz ngaya, a da ya ka kra nguraʼa, a ka da va na nzlembaɗ na Jean.

Luke 1:31

Na haha, ka da gi a hwaɗ, ka da yi kra nguraʼa, a ka da baha na Yèsu.

Luke 2:11

Aman a patsna ta ya kinè te kokwar David ndo mʼmbel ndo, nengaʼa Kristi, Bai.

Luke 2:21

Te deɓ mʼmèn tsamakaɗ, aman ta ngela ngwon nengaʼa, ta va na nzlembaɗ na Yèsu, ara man gol Zhiklè a va na, man a tʼhwaɗ di ɓai.

Jean 1:29

Te mangoslèmaʼa Jean a rka, Yèsu a shkè a sam na, a ngaɗa: Na haha, kra tambak Zhiklè, man a cè mali herkeda!

Jean 4:42

Anai nga co Yèsu a ndav a géɗ ma ngaya genè ka ɓai. Aman nga ba, nga tsena, a nga suna a ri nga, nengaʼa ndo mʼmbel herkeda a vava.

Actes 13:23

Te verzi nengaʼa Zhiklè a nslambaɗda Yèsu, ara man a mpasla nga ri zlèzlèa, ndo mbél ndohi Israel.

Actes 3:26

Te tser ngaya, gwoli ndohi herkeda tèlèba ta da ngècè mpshè ma. Aman Zhiklè a nslambaɗda Yèsu, ndo mizlinè nengaʼa, a nzlündo a sam kinè, aman a pshè kinè ma, a gi aman ndo staɗ staɗ a menkada deɓa te mali na.

Actes 4:12

Skwi mʼmbel ndo te ndo ngiɗè azɓai, tʼhwaɗ giɗfèk nzlembaɗ ngiɗè azɓai, man ta vi a ndohai, aman nga mbel nga.

Actes 5:31

Nengaʼa, Zhiklè a nzalaʼa a ri mandi nengaʼa, aman a gi a ndo ncè ta ma ndohai, a ndo mʼmbel ndo, aman kokwar Israel a ngwèdè ndav na, a ngècè mpre malai.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

Hébreux 7:25

Gar haha a slaha a mʼmbel ta tengaʼa man ta shkè a sam Zhiklè a nzlembaɗ nengaʼa, a mèdèp, te man nengaʼa a nzi a nshèffè a mèdèp, aman a tsi ri a géɗ tengaʼa.

1 John 1:7

Aman nga dè te ndev sam nhelaʼa, lèmèlèmè ara nengaʼa ba te ndev sam nhelaʼa, nga humda, ngiɗè a ngiɗè. A Pombaz Yèsu, kra nengaʼa, a pan nga te mali staɗ staɗ tèlèba.

1 John 3:5

Km suna, Yèsu a shkè, aman a cè mali auda; mali a te nengaʼa ɓai.

Apocalypse 7:14

A i gaɗa na: Bi ga, ka, ka suna. A nengaʼa a ngaɗayè: Tengaʼa man ta shkè auda te matakwan mbiaʼa, a ta pana maslaka tengaʼa, a ta slekaɗa maslaka tengaʼa te Pombaz kra tambak.

Juges 13:3

Gol Ndo nzi pèc pècèk a mshkè a sam na, a ngaɗa na: Ani ka delai, ka yi kra azɓai. Aman a di ka da ngècè kra, ka da yi kra nguraʼa.

I Samuel 1:20

A Anne a ngu a hwaɗ tʼhwaɗ vi sa, a myu kra nguraʼa, a mbaha na Samuel, a ngaɗa: I dzhoɗo te ri Ndo nzi pèc pècèk.